EPHESUSMIKO 4
4
1Sülizo I Nyepoo dzü thi kütayo, nüko po u cüküyi kümha kümüsa külhülü lhüyino nüko hüsü züho. 2Thülürünu, mününu, ulücho mu kükhrü süh humihu khrühi ba zoyi. 3Ropü lü küzüh püh küthi mu küzühküve na u phapüh püh thi küva-ozüh süh tayite. 4Nüko cüpüh u sadzü püh na cü küyi kümha, thümo püh mu Ropüyi pühtazo. 5Nyepoo püh, kümülüyi püh dzüluyi püh. 6Mütüko Jihova u Po püh, pü mha mütüko mhu, mütüko züh ta mumütüko lü tate. 7Veli thüma mipüh püh kütsü Khrista müde küsü dü ngokümüzhe pühprüve. 8Süo na pühi kümha de po; püe müsolü kho küta ce thüma kükro tüpüh küdzü thive mu müthu mha lünyi küzapüh thümako prüve. 9Sülizo pü cedzü kürünulü tsü vade pü züh tüyolü kho küta co küdipüh-a? 10Püe kürünulü kide tü müsotholü vo küta-e mha mütülü püe swupüba kütayo zo. 11Mu pütho humi po apostle thi, humi po sadzuküsemi thi, humi podzüyiküve zhopomithi, humi po pastor mu kümüthami thiyite. 12Side kümüsako küsüh püh yitholü süde Khrista moo thi müzho yiküto na. 13Uko mütü po kümülü lü mu u Jihova nuo mhase lü püh thide velotsü kütsü thüma püh thiyi de Khrista zho küve dü thiyi küto na. 14Side kümüthadzü tükhra kümha kütsüko, thüma kütsürü doko, küdove de miswü küdoyo küzho mharhüko po natsimi kümha de u swü püh licohico va kütsü thisa lhote. 15Veli Khristae u piyo thi küta züh de kükhrü süh küthoo püh pode mha mütü lü mümayi yo. 16Thümo pühyo zatho kükrekre küba mütü kükhü kürüh tüpü mu uküku ngotsoyi de uko mhatho u müsüh-o thitsü püh mo püh thiyi dekükhrü lü müma zhoyi yo. 17Süna Nyepoo zalü a küpo mu zhopo hio; nüko-e Judakümoko vokümüthu kümürü lüdoko süh tayo küzhoko kümha de lhü tasu. 18Püko mhase zühta, mhase kümo uko yo ta mu uko lükürüh na u Jihova kha küsü kürhüh lü uko khikho kre yite. 19Uko tho u khapüh kürütsü küthi müniko lü müvo mu uko mühomüniko sühde müsakümo mhatho mütü thi tayo. 20Veli nüko Khrista dzu seyi mozo lume? 21Nüko pü se küyi ce Jisu yolü küba küthoo tho nüko müthapüh tate. 22Süna nüko vo küta külhükügwü-o, u swükütse kütsü müniko na u thimüsu vayo küzho zhoko rhü vate. 23Mu Ropü lü nüko lü yi thi küsayi. 24Mu Ukümünupü-e thiküsü kümatho mu küthotülü müsakütsü kümhathüma küsao khi bayi. 25Side kücedzü küpoko khava, thüma mütü u sühzanumi ce kütho-opoyi. Tükrenamoli uko thümo pühlü zatho kükrekre kütsüko zo tsüna. 26Nüko nümo de küphoma thi vahi, nüko lü rüda de nace mülü vahi. 27Thürü küsuo ba müra hi. 28Rügoyo küzhoko po rügo sa mota de u be süh mha küveko thiyisidemhapüh kütsakhuko vaphi yi küto na. 29Dzü küsu pühyi po n talü prahi, veli kürünyimi thi n ve süyo küzhongokümüzhe lü dzü küveko poyi. 30Rhaküyi tüsozhoo na mohor vüyi küta kümha de Ukümünupü kümüsa Ropü-o nükümo thi vahi. 31Nüko yolü mha kükhuko lükhulüdami kürhekütsü dzüküsu küpo mu külhakütsüko kha vayi. 32Sülizo u Jihova ri Khrista zalü nüko küjo va küva kümha de humihu ngomüzhe, thülümünü, küjo va küprü mu khreü küprüyi.
Currently Selected:
EPHESUSMIKO 4: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
EPHESUSMIKO 4
4
1Sülizo I Nyepoo dzü thi kütayo, nüko po u cüküyi kümha kümüsa külhülü lhüyino nüko hüsü züho. 2Thülürünu, mününu, ulücho mu kükhrü süh humihu khrühi ba zoyi. 3Ropü lü küzüh püh küthi mu küzühküve na u phapüh püh thi küva-ozüh süh tayite. 4Nüko cüpüh u sadzü püh na cü küyi kümha, thümo püh mu Ropüyi pühtazo. 5Nyepoo püh, kümülüyi püh dzüluyi püh. 6Mütüko Jihova u Po püh, pü mha mütüko mhu, mütüko züh ta mumütüko lü tate. 7Veli thüma mipüh püh kütsü Khrista müde küsü dü ngokümüzhe pühprüve. 8Süo na pühi kümha de po; püe müsolü kho küta ce thüma kükro tüpüh küdzü thive mu müthu mha lünyi küzapüh thümako prüve. 9Sülizo pü cedzü kürünulü tsü vade pü züh tüyolü kho küta co küdipüh-a? 10Püe kürünulü kide tü müsotholü vo küta-e mha mütülü püe swupüba kütayo zo. 11Mu pütho humi po apostle thi, humi po sadzuküsemi thi, humi podzüyiküve zhopomithi, humi po pastor mu kümüthami thiyite. 12Side kümüsako küsüh püh yitholü süde Khrista moo thi müzho yiküto na. 13Uko mütü po kümülü lü mu u Jihova nuo mhase lü püh thide velotsü kütsü thüma püh thiyi de Khrista zho küve dü thiyi küto na. 14Side kümüthadzü tükhra kümha kütsüko, thüma kütsürü doko, küdove de miswü küdoyo küzho mharhüko po natsimi kümha de u swü püh licohico va kütsü thisa lhote. 15Veli Khristae u piyo thi küta züh de kükhrü süh küthoo püh pode mha mütü lü mümayi yo. 16Thümo pühyo zatho kükrekre küba mütü kükhü kürüh tüpü mu uküku ngotsoyi de uko mhatho u müsüh-o thitsü püh mo püh thiyi dekükhrü lü müma zhoyi yo. 17Süna Nyepoo zalü a küpo mu zhopo hio; nüko-e Judakümoko vokümüthu kümürü lüdoko süh tayo küzhoko kümha de lhü tasu. 18Püko mhase zühta, mhase kümo uko yo ta mu uko lükürüh na u Jihova kha küsü kürhüh lü uko khikho kre yite. 19Uko tho u khapüh kürütsü küthi müniko lü müvo mu uko mühomüniko sühde müsakümo mhatho mütü thi tayo. 20Veli nüko Khrista dzu seyi mozo lume? 21Nüko pü se küyi ce Jisu yolü küba küthoo tho nüko müthapüh tate. 22Süna nüko vo küta külhükügwü-o, u swükütse kütsü müniko na u thimüsu vayo küzho zhoko rhü vate. 23Mu Ropü lü nüko lü yi thi küsayi. 24Mu Ukümünupü-e thiküsü kümatho mu küthotülü müsakütsü kümhathüma küsao khi bayi. 25Side kücedzü küpoko khava, thüma mütü u sühzanumi ce kütho-opoyi. Tükrenamoli uko thümo pühlü zatho kükrekre kütsüko zo tsüna. 26Nüko nümo de küphoma thi vahi, nüko lü rüda de nace mülü vahi. 27Thürü küsuo ba müra hi. 28Rügoyo küzhoko po rügo sa mota de u be süh mha küveko thiyisidemhapüh kütsakhuko vaphi yi küto na. 29Dzü küsu pühyi po n talü prahi, veli kürünyimi thi n ve süyo küzhongokümüzhe lü dzü küveko poyi. 30Rhaküyi tüsozhoo na mohor vüyi küta kümha de Ukümünupü kümüsa Ropü-o nükümo thi vahi. 31Nüko yolü mha kükhuko lükhulüdami kürhekütsü dzüküsu küpo mu külhakütsüko kha vayi. 32Sülizo u Jihova ri Khrista zalü nüko küjo va küva kümha de humihu ngomüzhe, thülümünü, küjo va küprü mu khreü küprüyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.