EPHESUSMIKO 3
3
1I Paul nüko Judakümoko zhozhü külü na Jisu Khrista dzu thi tate. 2Mhanu nükoyi u Jihova ngokümüzhe lü nüko khapüh a mülü küvaseyi lizo. 3Püe kümükhrü kümüva dzüko püh a müse müngo süde I-e küdzütholü thopüh nüko prü küvako. 4Nüko süko phide a mhasee Khrista celü dzü kümüsühkozo kütsü seyito. 5Süo vapüh thüma nuko po seyi mote. Veli Ropü lüno külha püh pükümüsa Apostelko mu sadzuküseko mhüngo thisüte. 6Mha süo Judakümoko pori pü kalüko thidemopüh thi mu Khrista dzüyiküve lüno po püh kümüta koyi zhürhüh thite. 7u Jihova ngokümüzhe kha a prü süde pü küku küsührhü kütsümhatho na I ri püyithomi thiyi. 8I-e kümüsako dolü kütsüo ceyi tsüku kütsüyo, ngokümüzhe lü khapüha küprü Khrista celü phuphayi külho ceneko püh Judakümoko ce zhopothi küto na. 9Thüma mütüko po u Jihova mhamütü thi küsüyo küra thoce cedzü-o mhüdzülü küvapüh kütako Jisu Khrista yolü jü kümüsühko ngoyi. 10Side tsü tüyolü mhakükhayo küzhoko mu kükuko po kühu yolü Jihova doküve lünyiko seyi kütona. 11A Nyepoo Jisu Khrista yolü küchothe pü mharhü püh kütako thitsüküsü zo. 12Süyo na uko pü kümülü lü u küthüpu neyi mu püzühde küse küyi zo. 13Süna I nüko po zapozale thiyi küto na kümüzhe kübako lüpüh nükolü thathi tahi noyo. 14Mha süo na u Nyepoo Jisu Khrista Niepo mhüdzülü chietü pü de. 15Pü yolü tüyo mu cedzülüri thüye zatho mütü thoyi. 16Pü po pü zapozale küthi cene kopüh nüko prü, pü Ropü po küku khanüko lhülü mao thi mükusü küto na. 17Side kümülü lü Khrista po nüko mülülü bayi mu nüko me pokralü pükükhrülü bayi kütona. 18Mu pü kümüsako mütü zühde pü küzho, kücho, kümüsüh mu kürükrüseyi ve küto na. 19Khrista kükhrü se küyi na mhase ngoyi de u Jihova celü u küswukülhu thiyite. 20Tsüo pü küku uko yolü mhathi kütao züh uko cho mu lüyi külho mhu uko thi müne mükro phi süte. 21Khrista Jisu zalü zapozale küthi-o po tüpho mütü mu cedzü külakütso pü kühulü bayi. Amen.
Currently Selected:
EPHESUSMIKO 3: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
EPHESUSMIKO 3
3
1I Paul nüko Judakümoko zhozhü külü na Jisu Khrista dzu thi tate. 2Mhanu nükoyi u Jihova ngokümüzhe lü nüko khapüh a mülü küvaseyi lizo. 3Püe kümükhrü kümüva dzüko püh a müse müngo süde I-e küdzütholü thopüh nüko prü küvako. 4Nüko süko phide a mhasee Khrista celü dzü kümüsühkozo kütsü seyito. 5Süo vapüh thüma nuko po seyi mote. Veli Ropü lüno külha püh pükümüsa Apostelko mu sadzuküseko mhüngo thisüte. 6Mha süo Judakümoko pori pü kalüko thidemopüh thi mu Khrista dzüyiküve lüno po püh kümüta koyi zhürhüh thite. 7u Jihova ngokümüzhe kha a prü süde pü küku küsührhü kütsümhatho na I ri püyithomi thiyi. 8I-e kümüsako dolü kütsüo ceyi tsüku kütsüyo, ngokümüzhe lü khapüha küprü Khrista celü phuphayi külho ceneko püh Judakümoko ce zhopothi küto na. 9Thüma mütüko po u Jihova mhamütü thi küsüyo küra thoce cedzü-o mhüdzülü küvapüh kütako Jisu Khrista yolü jü kümüsühko ngoyi. 10Side tsü tüyolü mhakükhayo küzhoko mu kükuko po kühu yolü Jihova doküve lünyiko seyi kütona. 11A Nyepoo Jisu Khrista yolü küchothe pü mharhü püh kütako thitsüküsü zo. 12Süyo na uko pü kümülü lü u küthüpu neyi mu püzühde küse küyi zo. 13Süna I nüko po zapozale thiyi küto na kümüzhe kübako lüpüh nükolü thathi tahi noyo. 14Mha süo na u Nyepoo Jisu Khrista Niepo mhüdzülü chietü pü de. 15Pü yolü tüyo mu cedzülüri thüye zatho mütü thoyi. 16Pü po pü zapozale küthi cene kopüh nüko prü, pü Ropü po küku khanüko lhülü mao thi mükusü küto na. 17Side kümülü lü Khrista po nüko mülülü bayi mu nüko me pokralü pükükhrülü bayi kütona. 18Mu pü kümüsako mütü zühde pü küzho, kücho, kümüsüh mu kürükrüseyi ve küto na. 19Khrista kükhrü se küyi na mhase ngoyi de u Jihova celü u küswukülhu thiyite. 20Tsüo pü küku uko yolü mhathi kütao züh uko cho mu lüyi külho mhu uko thi müne mükro phi süte. 21Khrista Jisu zalü zapozale küthi-o po tüpho mütü mu cedzü külakütso pü kühulü bayi. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.