EPHESUSMIKO 5
5
1Pü kükhrü nuneko thide u Jihova sadziko thi zoyi. 2Khristae uko kükhrü na pü tho pü khasü de uko na u Jihova ce mürhüh rotho, mharüh küthünyipü thi püh rüsu thi küva kümha de nükopü kükhrülü tayi. 3Veli nüko kümüsako thi küyi züh kürütsü küthi, müsakümoko mumhakümüho hiko po nüko dolü pra sahi. 4Mha küsukürhomori kümülo dzü küpo, moyi dzüthudzürü küyu uvazü kümoko pohi de küthüzü khasü ba zoyi. 5Mha hio nüko seba; thetheküyiko, müsakümo, mha kümüho thüma mu thürümarhe kürüsukoe u Jihova mu Khrista küdelü lüyi lho. 6Thüma pühyi po dzüthudzürükolü u swü küdovahi, kükrenamoli mhahiko na u Jihova lükhue dzüzüh thiyimo küta nuneko yolü voküta na 7Moyi süko zühde küdorhüh hi. 8Nüko vapüh küzüh lü ta veli tsüo Nyepoo na küvelü bate; süna küveo nuneko thide küve lü tayi. 9Kükrenamoli Ropü se-e mha mütü lü uzhove, matho mu kütho poyotsüna. 10Side u Jihova po yiyi küsü thiyi yo. 11Mu küzühlü küta u mhatho se vüyiyo kümoko zühde kükrotho hidesüko müjo süyi. 12Püko kümükhreü lü thiyo küzho mhatho sükoe poyi münga zo. 13Veli mha kühopühyi thatha zühyi kütako mhatho küveo lü ngomülemülu yiyo, kükrenamoli kühopühyi ngo mülemülu küyi khüko küveo na zo kütsü na. 14Süna püe pode; züh kübako coyiküsa lü to süyi mu Khristae püküvekhapüh nüko prüto. 15Kümülomi kümha mode mhaküsemi thide mütse phrü de tayi. 16Pü tüsozhoko vemo kütana pütü-o rhayi. 17Mhasekümomi kümha hide mhaküsemi thi u Jihova müdoko seyite. 18Mu hezo krade müzüh hi, sülü küyekütsü küba na; veli Ropü püh uküswu thiyi. 19Chele, küthotsale, mu ropü tsaleko thipüh humihu rüthi, ne mülü lükünü tsale thi mu küle püh Nyepoo ce süyi. 20U Nyepoo Jisu Khrista zalü küthüdzü khapüh u Jihova u Poo prü süh bayi. 21U Jihova Khrita küshülü humihu khrikhro bayi. 22Mi cemineko Nyepoo celü küta kümha ne nopüneko khrikhro bayi. 23Kükrenamoli mi nopüne-e u cemi piyo, Khristae kühu piyo mu pümoyo külaküyi ri thisa. 24Kühu-e Khrista khrikhro küta kümha mi cemineko ri mha mütülü nenopüneko dzü zühyi. 25Khrista ri kühu khrü de pü pho kha küsü kümha mi nopuneko ri necemineko khrüyi. 26Side dzüo püh dzü kümha khrüküva bide müsa mu rhorao bayi kütona. 27Kürhodamo, thükudi, müsa mu the kümo kühu küdzüve püh thide pütho yiyi küsü thiyi küto na. 28Side mi nopuneko utho upho kümha de u cemineko khrüyi pücemine khrüyo küzhoko utho u khrü kübazo. 29Thüma mipühyi pü tho püthi ngomütsü mode Nyepoo pü kühuküthükü kümha de pü vathi mu thükü tarho tayi. 30Kükrenamoli uko pü mo, püthi mu pü ro lü zatho kükrekre tsüko zo. 31Mha hio na thümae pü po pü zu kha vade pü cemine züh püh thitato mu püni thipüh thi tato. 32Mha hihi kümükhreü kümüva dzü küzho pühveli a küpo-e Khrista mu pükühu dzu küpozo. 33Süna mi nopuneko ne cemine khrüpüh n tho n kükhrü kümhayi mu mi nopüneko yi ne nopune khrikhro ta küto pe türü zoyi.
Currently Selected:
EPHESUSMIKO 5: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
EPHESUSMIKO 5
5
1Pü kükhrü nuneko thide u Jihova sadziko thi zoyi. 2Khristae uko kükhrü na pü tho pü khasü de uko na u Jihova ce mürhüh rotho, mharüh küthünyipü thi püh rüsu thi küva kümha de nükopü kükhrülü tayi. 3Veli nüko kümüsako thi küyi züh kürütsü küthi, müsakümoko mumhakümüho hiko po nüko dolü pra sahi. 4Mha küsukürhomori kümülo dzü küpo, moyi dzüthudzürü küyu uvazü kümoko pohi de küthüzü khasü ba zoyi. 5Mha hio nüko seba; thetheküyiko, müsakümo, mha kümüho thüma mu thürümarhe kürüsukoe u Jihova mu Khrista küdelü lüyi lho. 6Thüma pühyi po dzüthudzürükolü u swü küdovahi, kükrenamoli mhahiko na u Jihova lükhue dzüzüh thiyimo küta nuneko yolü voküta na 7Moyi süko zühde küdorhüh hi. 8Nüko vapüh küzüh lü ta veli tsüo Nyepoo na küvelü bate; süna küveo nuneko thide küve lü tayi. 9Kükrenamoli Ropü se-e mha mütü lü uzhove, matho mu kütho poyotsüna. 10Side u Jihova po yiyi küsü thiyi yo. 11Mu küzühlü küta u mhatho se vüyiyo kümoko zühde kükrotho hidesüko müjo süyi. 12Püko kümükhreü lü thiyo küzho mhatho sükoe poyi münga zo. 13Veli mha kühopühyi thatha zühyi kütako mhatho küveo lü ngomülemülu yiyo, kükrenamoli kühopühyi ngo mülemülu küyi khüko küveo na zo kütsü na. 14Süna püe pode; züh kübako coyiküsa lü to süyi mu Khristae püküvekhapüh nüko prüto. 15Kümülomi kümha mode mhaküsemi thide mütse phrü de tayi. 16Pü tüsozhoko vemo kütana pütü-o rhayi. 17Mhasekümomi kümha hide mhaküsemi thi u Jihova müdoko seyite. 18Mu hezo krade müzüh hi, sülü küyekütsü küba na; veli Ropü püh uküswu thiyi. 19Chele, küthotsale, mu ropü tsaleko thipüh humihu rüthi, ne mülü lükünü tsale thi mu küle püh Nyepoo ce süyi. 20U Nyepoo Jisu Khrista zalü küthüdzü khapüh u Jihova u Poo prü süh bayi. 21U Jihova Khrita küshülü humihu khrikhro bayi. 22Mi cemineko Nyepoo celü küta kümha ne nopüneko khrikhro bayi. 23Kükrenamoli mi nopüne-e u cemi piyo, Khristae kühu piyo mu pümoyo külaküyi ri thisa. 24Kühu-e Khrista khrikhro küta kümha mi cemineko ri mha mütülü nenopüneko dzü zühyi. 25Khrista ri kühu khrü de pü pho kha küsü kümha mi nopuneko ri necemineko khrüyi. 26Side dzüo püh dzü kümha khrüküva bide müsa mu rhorao bayi kütona. 27Kürhodamo, thükudi, müsa mu the kümo kühu küdzüve püh thide pütho yiyi küsü thiyi küto na. 28Side mi nopuneko utho upho kümha de u cemineko khrüyi pücemine khrüyo küzhoko utho u khrü kübazo. 29Thüma mipühyi pü tho püthi ngomütsü mode Nyepoo pü kühuküthükü kümha de pü vathi mu thükü tarho tayi. 30Kükrenamoli uko pü mo, püthi mu pü ro lü zatho kükrekre tsüko zo. 31Mha hio na thümae pü po pü zu kha vade pü cemine züh püh thitato mu püni thipüh thi tato. 32Mha hihi kümükhreü kümüva dzü küzho pühveli a küpo-e Khrista mu pükühu dzu küpozo. 33Süna mi nopuneko ne cemine khrüpüh n tho n kükhrü kümhayi mu mi nopüneko yi ne nopune khrikhro ta küto pe türü zoyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.