CORINTHMIKO KÜNAO 7
7
1Mha hiko mütü po utsü kümüta la, akhrieko, uko thümo ri ropü ri müsakümo mütü lü uthi kümüsayi no Nyepoo Jihova khri kümüprü lü velotsüyi khe. 2Ha yiyi te; ha mipühri küdo mo, ha mipühri thi müshü va mo, ha mipühri swu va mo, 3I nieko künga ton hiko po mo; vele thadzüri nieko ce potsü nieko ha mülülü ba sühyo mu ha niezü sari rhüri to. 4I nieko ce thüpushü no dzü poyo, I nieko la kümüko yo, I nieko la alü lu yiyo, I uko kümüzhie küyiko lüri anü phayiküho thite. 5Siyo ha Macedonia lü votsü ce thümo co kürülü ngoyi mo vele lucohico kümüzheyi, chozou mizüh kütü mu thülüo müprü ta. 6Sizori Jihova mi khaküvako tho mülu yo küzhoo no Titus po vori tsüla ha nüyi; 7Pü küvo lübi la mo vele pü nieko yo thülükülu ngoküyila ri zo, nieko a müri küba, nieko akri küba, nieko ala ulünyi kübako she küsüce anü küchüh sa zo. 8I lüsi tho küsüo nieko lü thi müzhie va zori alütsakhu tamo, vele alümüzhie ri tazo: süo pütü dopüh la zoleri nieko lü thimüshü ta tsüla. 9Tsüeno a nüte, süo nieko lü thimüshü küsü la mo, vele nieko lüzhie pün thülü küdeküyi la, nie lüzhie küthoo pü küyila, sino hala mhapühlüri nie thi müshüva kümo la. 10Kükrelamole küthoo lüzhie uthi püh ulü küde khi külaküyi cholü voyiyo mu süla uro tayo mo, vele ciedzüo lüzhie no küsa püh voyo. 11Siyo hiehe kütho lüzhie hio didü nie thi mve süshi, nie lü thi münyi püh dipü thisüshi, didüri nietho nie thi kümüziyi shi, ie nielü rüda dipü thishi, mükrü dipü thishi, mi münyü küdipü thishi, nierha thi küdipü thishi, kümüzhie dipü thishi, hi mütülü nie jomo zo kütsü tha mika süve. 12Süla I hidzü tho küsüo mha küshü thi küvao la mo, mori püyo küshü thi küvao lari mo, vele nie hala nie lünyiyo küzho püh Jihova mhüdzülü müshe sü küto la zo. 13Süla ha thokümülu ngoyi. Halü külu mho Titus künüo la hanü küchüsa, kükrelamole nieko mütü la püpo ulü münütshü küyi la. 14I püce nieko chuhza küsüko la a po münga tamo, vele ha niece po küsüko mütü kütho tsübi, ha Titus cie nie chuh küsüko kütho tsü thasüte. 15Pülü püh nieko tsüsa pfü bate, nieko mütü pü dzüzü mu mükrü sai rüshü pü zü küyi la. 16I mha mütü lü nie mülüyi veküta la anüri te.
Currently Selected:
CORINTHMIKO KÜNAO 7: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
CORINTHMIKO KÜNAO 7
7
1Mha hiko mütü po utsü kümüta la, akhrieko, uko thümo ri ropü ri müsakümo mütü lü uthi kümüsayi no Nyepoo Jihova khri kümüprü lü velotsüyi khe. 2Ha yiyi te; ha mipühri küdo mo, ha mipühri thi müshü va mo, ha mipühri swu va mo, 3I nieko künga ton hiko po mo; vele thadzüri nieko ce potsü nieko ha mülülü ba sühyo mu ha niezü sari rhüri to. 4I nieko ce thüpushü no dzü poyo, I nieko la kümüko yo, I nieko la alü lu yiyo, I uko kümüzhie küyiko lüri anü phayiküho thite. 5Siyo ha Macedonia lü votsü ce thümo co kürülü ngoyi mo vele lucohico kümüzheyi, chozou mizüh kütü mu thülüo müprü ta. 6Sizori Jihova mi khaküvako tho mülu yo küzhoo no Titus po vori tsüla ha nüyi; 7Pü küvo lübi la mo vele pü nieko yo thülükülu ngoküyila ri zo, nieko a müri küba, nieko akri küba, nieko ala ulünyi kübako she küsüce anü küchüh sa zo. 8I lüsi tho küsüo nieko lü thi müzhie va zori alütsakhu tamo, vele alümüzhie ri tazo: süo pütü dopüh la zoleri nieko lü thimüshü ta tsüla. 9Tsüeno a nüte, süo nieko lü thimüshü küsü la mo, vele nieko lüzhie pün thülü küdeküyi la, nie lüzhie küthoo pü küyila, sino hala mhapühlüri nie thi müshüva kümo la. 10Kükrelamole küthoo lüzhie uthi püh ulü küde khi külaküyi cholü voyiyo mu süla uro tayo mo, vele ciedzüo lüzhie no küsa püh voyo. 11Siyo hiehe kütho lüzhie hio didü nie thi mve süshi, nie lü thi münyi püh dipü thisüshi, didüri nietho nie thi kümüziyi shi, ie nielü rüda dipü thishi, mükrü dipü thishi, mi münyü küdipü thishi, nierha thi küdipü thishi, kümüzhie dipü thishi, hi mütülü nie jomo zo kütsü tha mika süve. 12Süla I hidzü tho küsüo mha küshü thi küvao la mo, mori püyo küshü thi küvao lari mo, vele nie hala nie lünyiyo küzho püh Jihova mhüdzülü müshe sü küto la zo. 13Süla ha thokümülu ngoyi. Halü külu mho Titus künüo la hanü küchüsa, kükrelamole nieko mütü la püpo ulü münütshü küyi la. 14I püce nieko chuhza küsüko la a po münga tamo, vele ha niece po küsüko mütü kütho tsübi, ha Titus cie nie chuh küsüko kütho tsü thasüte. 15Pülü püh nieko tsüsa pfü bate, nieko mütü pü dzüzü mu mükrü sai rüshü pü zü küyi la. 16I mha mütü lü nie mülüyi veküta la anüri te.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.