CORINTHMIKO KÜNAO 6
6
1Süla uküzü pü choyimi thi küta bi, niepo Jihova cielü küpa ngokümüzheo khi kümüchü lü hinon niecie poyo. 2Kükrelamole Pü po kütsü “I pütü tüce n khü künyiyi te, mu külaküyi tüsonha n khrühi sü” si mba. Süla pütü küve sü tsüce hizo mo külaküyi tüso sü tsüce hi zo. 3Ha mipüh chokha ri thiyo mo, mipo ha yitho tha mo küto la, 4Sitsüo mole mha kühopühlüri ha Jihova yitho thiyi küshümi tsü thasüyo, murümu kütsü, kümüthi, kümüzhie kütsü, tsakhu, 5Ha küvü, thüdzüküthi, kübvü kütsü, mhatho küthi, zümo kütsü, tükhü küthi, 6kümüsa kühü, mhashe, sügüsühü, mphrü, Kümüsa Ropü, kükhrü kütho, 7dzütho küpo, mu Jihova küku; kümatho rinyie püh ha zaco mu ha veco, 8thürho mu zhoswü lü, zhopo küve mu zhopo küshü lü, hapüh mi küdo kütsümi thi, vele kedzüthomi zo, 9püh she kümomi thi vele she mveri, püh sa kütami thi vele he rhühbazo, müthimünyi vele müsa va mo; 10lüzhe küpümi thi vele hanü süh tayo, mha küdimi thi vele mi kükro thipüh mhanie ve, mhapühri küdimi thi vele mha mütü batsü. 11Hehe Korinthiako, ha mhotsu niece dzüpoyo ha mülü khakhri müzho püh. 12Halü niela tsakhu mo vele nietho nielü thi tsakhu ve. 13Süla no I nieko ce küpo bi niepo nie thi müyoyi noyo. 14Mülükümomi zü küzhotü upüh pü kürhü hite; kümatho mu kürüzhüni kükrorhü tsü dipüh ba? Mori küve mu küzüni dipüh kükrorhü tsü ba? 15Khrista mu küciedzüo ni dipüh küdzürhü tsü ba? Mori kümülüo mu mülükümoo ni dipüh kümha tsü ba? 16Mu Nyepoo kürüshüce mu thürümharhece ni dipüh dzükho ba? Kükrelamole uko rhü küta Jihova rüshüce tsüla, süo Jihova potsü “I uko lübato mu uko dülü tato mu I uko Jihova thito mu uko a thüma thito.” 17Süla uko dülü tapari tate, sino nie kreyi tate, Nyepoo sino poyo, mu nie müsakümoko ni hite si tsüsa I n züyi to, 18Mu I nieko Po thiyi to, mu nieko anu mu anupüko thiyi to, Nyepoo kürükrüthoo sino poyo.
Currently Selected:
CORINTHMIKO KÜNAO 6: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
CORINTHMIKO KÜNAO 6
6
1Süla uküzü pü choyimi thi küta bi, niepo Jihova cielü küpa ngokümüzheo khi kümüchü lü hinon niecie poyo. 2Kükrelamole Pü po kütsü “I pütü tüce n khü künyiyi te, mu külaküyi tüsonha n khrühi sü” si mba. Süla pütü küve sü tsüce hizo mo külaküyi tüso sü tsüce hi zo. 3Ha mipüh chokha ri thiyo mo, mipo ha yitho tha mo küto la, 4Sitsüo mole mha kühopühlüri ha Jihova yitho thiyi küshümi tsü thasüyo, murümu kütsü, kümüthi, kümüzhie kütsü, tsakhu, 5Ha küvü, thüdzüküthi, kübvü kütsü, mhatho küthi, zümo kütsü, tükhü küthi, 6kümüsa kühü, mhashe, sügüsühü, mphrü, Kümüsa Ropü, kükhrü kütho, 7dzütho küpo, mu Jihova küku; kümatho rinyie püh ha zaco mu ha veco, 8thürho mu zhoswü lü, zhopo küve mu zhopo küshü lü, hapüh mi küdo kütsümi thi, vele kedzüthomi zo, 9püh she kümomi thi vele she mveri, püh sa kütami thi vele he rhühbazo, müthimünyi vele müsa va mo; 10lüzhe küpümi thi vele hanü süh tayo, mha küdimi thi vele mi kükro thipüh mhanie ve, mhapühri küdimi thi vele mha mütü batsü. 11Hehe Korinthiako, ha mhotsu niece dzüpoyo ha mülü khakhri müzho püh. 12Halü niela tsakhu mo vele nietho nielü thi tsakhu ve. 13Süla no I nieko ce küpo bi niepo nie thi müyoyi noyo. 14Mülükümomi zü küzhotü upüh pü kürhü hite; kümatho mu kürüzhüni kükrorhü tsü dipüh ba? Mori küve mu küzüni dipüh kükrorhü tsü ba? 15Khrista mu küciedzüo ni dipüh küdzürhü tsü ba? Mori kümülüo mu mülükümoo ni dipüh kümha tsü ba? 16Mu Nyepoo kürüshüce mu thürümharhece ni dipüh dzükho ba? Kükrelamole uko rhü küta Jihova rüshüce tsüla, süo Jihova potsü “I uko lübato mu uko dülü tato mu I uko Jihova thito mu uko a thüma thito.” 17Süla uko dülü tapari tate, sino nie kreyi tate, Nyepoo sino poyo, mu nie müsakümoko ni hite si tsüsa I n züyi to, 18Mu I nieko Po thiyi to, mu nieko anu mu anupüko thiyi to, Nyepoo kürükrüthoo sino poyo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.