CORINTHMIKO KÜNAO 8
8
1Küzüko ha niepo Jihova ngokümüzhie püh Macedonia kühuko lü küsü sheyi nsa; 2Uko kümüzhie püh rükhurüyi küzü lüri unü phayi ho küba mu thükre po uko cienyie huyi ta küzü lüri uko cieco mphrü zono mha khasü. 3I uko zhopo thito uko thiyiküve mu thiyiküve mhori unü sai zono ulücü lü khasü. 4Kümüsako phikümüzhie mhatho hi thibü toleno hace mülo zo, 5Mu hio ha müri küba bimo, vele uko ukha Nyepoo tsü müra va no Jihova müdolü kha hatsü sü. 6Süla ha Titus hidzü thi swüdüküyi bi nieko cie kümphrü mhatho hio thitsü sü moyo küshü pü hüsü. 7Süla nie mha kühopühlüri ve--kümülüri, küpolüri, mhashelüri, nierha küthilüri, mu hakhrü kütsülüri--sübi mphrü kütsü mhatho hilü ri thi mve sü te. 8I thüzho bizo no niece po bamo vele nie thülükütho thino mi khrüyokütsü thasüküto la. 9Nieko u Nyepoo Jisu Khrista ngokümüzhie mhathoo she bate, pü mhanye zori nieko la mha küdimi thite, sino nieko po mha künyemi thite. 10Mu hilü I nieko tarhosü nsa, süo nieko humi nzisa thi swüdüküyi zo mono mhahu thi nsa, 11Küba mhatho süo ri thitsüyite, siyi tsüsa nie thi nsa kübako ri thitsüyi to. 12Thi nsa kütsüo ba kütsüsa, püyolü kübao sü yiyi ve, püyolü ba kümoo mono. 13A küpoo no nieko po kümüzhie mu kükremi po rüyi kütoo mo. 14Vele kütüyi kütola tsü nie cienyie püh uko küdi vaphisü mu uko cienyie püh nieko küdi vaphi süzino kütüyi küto la. 15Süsü thopüh kümüta “kükro künguküyio ri rükriyi mo mu kütsa künguküyio ri müdo tamo.” 16Vele Jihova müza, pü Titus lü thipüh alü bi nieko phi ulüni küyila. 17Pü ha lüdo ri yiyi zo, vele pütho nieko ce vori küto ulüni shuta zo. 18Kühu mütülü dzüyiküve mütha kütsü la mi püsheyo tsü a sazüo ri sa püzü kütsü sü zü. 19Sü lübimo vele kühuko püpo hazü rüvü no ngokümüzhie mhatho hio thi zhochümo Nyepoo za thikümüle kütola küdasü. 20Süo mphrüno khaküsü mhatho hio lü mipo ha lü müjo mokütola. 21Ha külü Nyepoo mhüdzülü lübi mono thüma mhüdzülüri mütsümüziyi kütola. 22Süsa ha zümi püh püh uni sa kütsü sü zü, ha va kükro pü dojü kütsü lü mha kükrolü pülüküni thizo tsü ngoyi, pü tsüno nieko yo pü kümüri nyietü kütala ulünyi pfü sa taho. 23Titus zotsü ha besüh mi mu nieko choyi mizo, mu uzüni ri kühu choyimi, Khista zaleo lano. 24Süla mhütsu zono kühuo mhüdzülü nie kükhrüo mu ha niela thürho püyo küzho thasü te.
Currently Selected:
CORINTHMIKO KÜNAO 8: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
CORINTHMIKO KÜNAO 8
8
1Küzüko ha niepo Jihova ngokümüzhie püh Macedonia kühuko lü küsü sheyi nsa; 2Uko kümüzhie püh rükhurüyi küzü lüri unü phayi ho küba mu thükre po uko cienyie huyi ta küzü lüri uko cieco mphrü zono mha khasü. 3I uko zhopo thito uko thiyiküve mu thiyiküve mhori unü sai zono ulücü lü khasü. 4Kümüsako phikümüzhie mhatho hi thibü toleno hace mülo zo, 5Mu hio ha müri küba bimo, vele uko ukha Nyepoo tsü müra va no Jihova müdolü kha hatsü sü. 6Süla ha Titus hidzü thi swüdüküyi bi nieko cie kümphrü mhatho hio thitsü sü moyo küshü pü hüsü. 7Süla nie mha kühopühlüri ve--kümülüri, küpolüri, mhashelüri, nierha küthilüri, mu hakhrü kütsülüri--sübi mphrü kütsü mhatho hilü ri thi mve sü te. 8I thüzho bizo no niece po bamo vele nie thülükütho thino mi khrüyokütsü thasüküto la. 9Nieko u Nyepoo Jisu Khrista ngokümüzhie mhathoo she bate, pü mhanye zori nieko la mha küdimi thite, sino nieko po mha künyemi thite. 10Mu hilü I nieko tarhosü nsa, süo nieko humi nzisa thi swüdüküyi zo mono mhahu thi nsa, 11Küba mhatho süo ri thitsüyite, siyi tsüsa nie thi nsa kübako ri thitsüyi to. 12Thi nsa kütsüo ba kütsüsa, püyolü kübao sü yiyi ve, püyolü ba kümoo mono. 13A küpoo no nieko po kümüzhie mu kükremi po rüyi kütoo mo. 14Vele kütüyi kütola tsü nie cienyie püh uko küdi vaphisü mu uko cienyie püh nieko küdi vaphi süzino kütüyi küto la. 15Süsü thopüh kümüta “kükro künguküyio ri rükriyi mo mu kütsa künguküyio ri müdo tamo.” 16Vele Jihova müza, pü Titus lü thipüh alü bi nieko phi ulüni küyila. 17Pü ha lüdo ri yiyi zo, vele pütho nieko ce vori küto ulüni shuta zo. 18Kühu mütülü dzüyiküve mütha kütsü la mi püsheyo tsü a sazüo ri sa püzü kütsü sü zü. 19Sü lübimo vele kühuko püpo hazü rüvü no ngokümüzhie mhatho hio thi zhochümo Nyepoo za thikümüle kütola küdasü. 20Süo mphrüno khaküsü mhatho hio lü mipo ha lü müjo mokütola. 21Ha külü Nyepoo mhüdzülü lübi mono thüma mhüdzülüri mütsümüziyi kütola. 22Süsa ha zümi püh püh uni sa kütsü sü zü, ha va kükro pü dojü kütsü lü mha kükrolü pülüküni thizo tsü ngoyi, pü tsüno nieko yo pü kümüri nyietü kütala ulünyi pfü sa taho. 23Titus zotsü ha besüh mi mu nieko choyi mizo, mu uzüni ri kühu choyimi, Khista zaleo lano. 24Süla mhütsu zono kühuo mhüdzülü nie kükhrüo mu ha niela thürho püyo küzho thasü te.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.