THESSALONIAKO KÜRAO 3
3
1Neko gümechoyi ho baketace neko khapü Athens neko lebi po ba keta veketo lü. 2Mu Timothy, hako sazüo ketsü süte, pü Jihova cetao, hako züde yitholü ketao, Khrista jüyikeve mhatholü, neko mesükesü, neko lü thomelu kesü, neko kemelü la. 3Side kethilü neko mipüri thi redeva moketo kekrelamori neko thozori seba hako kedopü sülü sü keta. 4Kethozo, hako neko zü batice, thajü vo ketako bi mipo uko methimeni zo metse, nekori seba. 5Püco hiola I gübayi hote, I neko kemelü se ketola ketsü süte, molize dophi miko tavo neko kedota ri seho, side hako mhatho kemethu thita lize. 6Vele tsühi Timothy neko celü ta hico vori tolize side neko kemelü kevaphiti kekhrü theju keve püvori tisa, side neko ha rekra sü keba pükeve hako zü kesü nyüsa sü keba, hako sheri neko zü de kesünyü kebabi. 7Süla sazüjüra kethiko, neko la halü thomelu halü methi keba tülü mu neko kemelü lüpü halü tsakhu keba tülü. 8Kekrelamori tsühi, mhace ne Niepoo kemelü thayi ketasa ha va kesürhü pü bate. 9Nekola Jihova kemeza dipü pota, kekrelamori kenü süo nekola hanü ba keta Jihova mhüjülü. 10Tüsotüzü metsü neko neko zü ngokenyüla kechothi tso sü keto kelüla; 11Tsühi Jihova pütho ukopo kethi, mu u Niepo Jisu Khrista, hako chotha thipü nekoce sü. 12Niepoo neko thipü hunehu kekhrü mu krokechü bazoti, mu thüma metüyo, hako nekoyo thi kebabi. 13Pü thelalü neko thipü mejova kesu, kemesalü, süde Jihova mhüjülü, uko Niepoo Jisu Khrista kemesako metü pü zü sala kevorice.
Currently Selected:
THESSALONIAKO KÜRAO 3: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
