ROMAN 16
16
Abithang Para Kardom Kipi
1Kinkriya arongpe long Phoibi amen ili ingjirpeyok, kachikruk dikon pe, michang pusi nali thando, 2lasi nali Hemphu long anangyok chingden, anang kangthir adun kamichang pe aro anang potsi kanange doman anang sal long nali rap dunot, lasi ne anang phan nalidung kapingkit yok chingduk do; piyok pu tene anangta ako-ong arlengyok aro neyokta wang kirapdun arlengpe dolo. 3Jisu Khristo long ne sal katiki alok Priskila pe pen Akila poyok kardom pinot, 4aro anali ne jiubong aphan aduk pahlonghle yok anali angphun ta kachihi; ne det kalek, Bang-ajat kachikruk helta anali yok kardom pajirdo. 5Anali hem kachingrum kachikruk yok bor-eh batdun. Khristo aronsi Asia alongri kiwangcheng athe ninengdok alok Epentas po, anangyok kardom pinot. 6Mary peyok kardompajir, anang nali nat ako-ong chipaduk hapsi tikilo. 7Adunhel asitem amen-anang kachitha-ang, aro neyok ta angot Khristo long kiwang, nedon aro akrol kido alok Andronikas po aro Juniyas po, analiyok bor-eh bat dun. 8Hemphu long nenengdok alok Ampliyatas poyok kardom pajir. 9Khristo long hali aduk kirap alokjor Urbanas po yok, aro nenengdok alok Satakhiyas po yok bor-eh pinot. 10Khristo long honjat karchal tang Apeles poyok bor-eh pajir. Aristobalas po ahem abang yokta bor-eh pajir. 11Ne don mat Hemphu long kido Herodiyan poyok ta kardom pajir. Narkisas po ahem arleng Hemphu long do, analiyok bor-eh pajir. 12Hemphu long meso sal katiki Triphena aro Triphosa po yok kardom bor-eh pi, Parsis nengdokpe yokta Hemphu long ako-ong chipaduk ngo, anangyok kardom pajir. 13Hemphu long karwaltang kachini det Ruphus po yok aro ne aipe ateng anang aipe yokta kardom pajir. 14Anali pen kido Asinkritas po, Phlegon po, Hermes po, Patrobas po, Hermas po aro anali pen kido korte hel yokta kardom pajir. 15Philologos po pen Juliya pe, Neriyas po pen anang angjirpe aro Olimpas po aro anali pen kido ahuwit kangthir arleng hel yokta kardom pajir. 16Nali kangthir kachimung pen kardom pajir. Ahuwit Khristo kachikruk hel parata naliyok kardom pajirdo.
Kijut Adiha Alam
17Ei korte aro ingjirhel, ne naliyok chingduk do, naliyok potsi paklang hlongo, bangpo para kamprek dosi ingho tikang phlung man aro neng panghoman, analiyok chini, anali parake chiterekne do. 18Piyok pu tene labadi arleng hel Hemphu Khristo murkiya asal tikike si, abithang apok aturu asalsi tikiman; aro kapadok alam aro karjume-at alampen nengkangthir arleng helyok aneng chobelpon man. 19Piyok pu tene nali kithan alam kimeng a-odi ahuwit chisang detno. Apot, ne nali anat nengrong chipado do; layong ta nali akime alam agiyan, aro kangting alam archal phrot, bangposi ne ar-ih do. 20Nengsam apharan Arnam apharan pensi si-ik poyok nali kengpak arlo pado ye. Ili Hemphu Jisu Khristo kajinso nali pen padonang. 21Neyok kirap alokjor Timothi po, aro ne jat Lusiyas pe, Jason po aro Sosopatar po, analiyok kardom nali hlodo; 22labang lo-kiwi ne Tartiyas po, Hemphu long naliyok bor-eh nali batdo. 23Ne pen kachikruk don ajaldung kachingden apor kido Gaiyas po naliyok kardom wang hlodo. Labang arongpe puru aphu-phang Erastas po aro ili Kartas korte po naliyok bor-eh nali hlodo. 24Ili Hemphu Jisu Khristo kajinso nali ahuwit long pado nang.
Kijut Kaparklam Apingkit
25Minon ke aporong para butisi kibi, labang kabutisit agiyan alamthe atengsi chiklango aro non-jong ke ne kime-alamthe aro Jisu Khristo yok kapahar ponpen si nali apharan pahlong unman, 26manta non-jong ke aporong Arnam kithan alam badi turki hel kiwi lo alamthe ateng si chiklansi, or-eh len Arnam kithan alamthe ateng, krolsi kimeng hel kiwan ayok, ahuwit ason ango pahar ponsi do— 27labang ihutdet agiyan chot Arnam yok, Jisu Khristo pensi anang jortang mo-moyok padonang. Amen.
Currently Selected:
ROMAN 16: AMRI-BSI
Highlight
Copy
Compare
Share
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.
