GALATIA 6
6
Khat le khat phur rik kan sanru
1Ka u ka naingai, nang nin a salui a tho mi khat ha nan chur karra thavanga chuan tho nang ni ning lung nem tak a sinheiru, nangni jiang om a hong suak mak na ranga nan tak kan enru. 2Khat le khat phur rik ha kan sanru, hale Khrista chena dan ha tho tor nanti. 3Ajarko mi khat ning ka thei det tia a om aninko, a maha ijom la jet mak. A thei jak a akan huang ani. 4Mirakip ning an chuan tho ha kan en rase u. Hava phat han midang ranga ni luia athei jak a man kan lian rase. 5Ajarko mirakip ning an tak phur rik ha kan choi rase u.
6Pathian chongsat ari ama han ama jiang alui ripe mi jiang chuan sat ha tho rase.
7Nang ni man kan huang maru Pathian ko nuiso jot mak, ajarko mi ning an ling an ling ha an luak ani. 8Ajarko taksa tianga chuan tho ama han taksa tianga a salui ha amu rang ke, tak-ha Thavang a chimu aling ama han Thavanga kumsot ringna ha mu nati. 9Hale keinin asat chuan tho hin pong ma rei, Keinin kan tho theng aninko a phat a hong tung karra kan mu rang ke. 10Hiva jarra keinin phathui a om rakip hin chuan sat ha mirakip jiang tho tarei, achung chuanna takngaija a om Pathian mingai jiang tho rei.
A torna chong
11Enru paul ka tak tak ning ka hong jiak chithi hi iduk mo a lian hi? 12Taksa tianga asat tia, a kando jot anmanin nangni ha vuntan ranga an na doi ani hivahi Khrista a ruija nan chunga khodengthei na na pek mak na ranga ani. 13Ajarko vuntun anmani tak om chena dan ha lui jui ma u. Nang ni jiang vuntan an dei na ajarko, nang ni ruia maipak chong hui an mu jot a ani. 14Kei rango kan puma Jisu Khrista khros ni luia kei ka man kan lian torna om mak, khros jarra ramuol hi kei rang ko athi jui hale kei om ramuol la kalui thi jui. 15Ajarko vuntan nom vuntan lui om a kan khel na om mak tak-ha alian tak ko ringkhuo thara a om ha ani. 16Hiva chong lam a jui mirakip jiang Pathian lungsiat le lunghip ha pathian nai Israelngai jiang sip rase. 17Atun ten na ko keini hi khodeng na man thei lai maru, ajarko kei chunga a pop abi a om ha Jisu Khrista a suak changna ranga ani. 18Puma Jisu Khrista a mi lungsiat theina ha ulenaingai chunga om rase Amen.
Currently Selected:
GALATIA 6: AIMOLBSI
Highlight
Copy
Compare
Share
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
