EPHESIA 1
1
1Pathian ning alui thang suak tirlon Paul Jisu Khrista a nuk jui ning Ephesia hin a om, Khrista nukjui mi thiangai jiang. 2Puma Pathian le Jisu Khrista jiang lungsiat thei nale lunghip na ha nan chunga om rase.
Jisu jiang Thavang lam ma phual
3Pa Pathian Jisu Khrista a pa amaha man pakru. Jisu Khrista tenna keini hi Thavang lam ma phual rakip ramuol hin ana pek jui vanram anga. 4Pathian ning ramuol alui sin madonna keini hi ana lui thangjui, hale hivahi puma madonna a thianga om na ranga ani. 5Puman ana lungsiat thei jarra Jisu Khrista tenna keini a naingai ana man chang jui hivahi Pathian lungdo alui ni.
6Manpak tarei puma lurna le alian naha, a dei tak anai ha keini ranga a man buia kutchoi a na pek jui. 7Jisu Khrista thisen han keini anatan ring jui puma lurna le ana lungsiat theina han kan siatna rakip hi ana ngaidam jui. 8Hivahi puma ching nale varna tenna ani. 9Pa Pathian a lung dei le alung rilla a om chingna le alungdo rakip ha Jisu Khrista jiang a man tho. 10A ma a lungdo chuan rakip ha pha ahong tung karra khat jak ala manchang rang ke. Vanram ma a om le ramuol la a om rakip Jisu Khrista thuaija a siak rang ke.
11A ma lungdo ngaidon nuk juia irakip alui tho, hale a renga ama chong pek nuk juia alui om. 12A rapatak Jisu Khrista alui jet takngai keini puma lurna lianna ha manpak rei.
13Hale Pathian chongsat ha nan jet tenna phut ama anai nan hong ni jui. 14Thavang Thiang ranak han pathian in keini ranga ana siak pe kan loman kan tum kan mu mak kar je ama lurna le alian na ha manpak rei.
Pual ning lam na a nei
15Nang nin Pathian jiang tak nan ngai na rakip le mi thiang ngai chunga lungsiat nan muha kein ka jet.
16Hiva jarra kein nangni ranga Pathian manpak le lam na bang chil luia ka nei. 17Jisu Khrista pa Pathian jiang kein ka lam, a man Thavang Thiang na pek nata chingna nei nanti hale Pathian ha nangni jiang hong kando na ta jet nanti. 18Nan lung ril mit ham puma jiang a om a var ham mu nanti hale a man ina kui na a jar ham jet nanti, iduk a aman tam mo ini, mithiang ngai ning an mu rang ha. 19Puma ama raat na han iduk mo kan sunga chuan a tho, ama jiang takngai na a nei mingai ning puma raat na ranak ha an nei. 20Pa Pathian ning Jisu Khrista hi thina tenna a kei thui ja vanram ma puma kut chang tiang hin a man om. 21Jisu Khrista ning vanram ma reng a changa ranak rakip hi ama jiang a om jui, hale ama a ming hi ramuol la ming rakip nek a alui lian, han a hong rang phat, nuk hin nom ama ming ang hin om lai noning. 22Pathian ning irakip hi Jisu Khrista ke thuaija asiak jui, hale biakrupngai Lu ha Jisu ani. 23Biakrup hi Jisu Khrista a taksa ha ani, hale ama a taksa ha biakrup hin a sip tit a om.
Currently Selected:
EPHESIA 1: AIMOLBSI
Highlight
Copy
Compare
Share
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
