MIINIIÑ 28
28
Malta ho
1Ngunu hargii kula la, ho ngunu chinto ku siilokiiddi ka armyañ Malta hiila. 2Ho hoka dunii atañ dumiñhokii mitrḛ kapuñ pongeyapa aroh-ayatii, niimpalukoda mohlu yamu tige lala ho ngunumi kariikatañ, niimpalukoda miido huri ho lakhiine. 3Pol panyi tonge mi lala la ho hiimi yamu ho aliitii, tabu sohe lyiliñtii gubu kopa ho mohka alah ho karke hatii. 4Hoka miyu tabu mi mohka alah bila dopa kapa lala, mohlu kone anyañ lusu nyatii, “Hemmo sanii nyima siika miyu si miyu meniike. Siimie hoka shiisa nii hokii hargii siitii, ayakacho kanii hii mohmi sanke nenkiñma.” 5Mo, hojalo, tabumi yamu ho pipa lotii ho hang heru matii. 6Mohlu kalyatii, mohka pyari niimi kalyatii malo aluñpaka shiihi niimi; hojalo mohlu kalya yade yala la hang mohko ayamapa lyilyi nii, mohlu hengu ritii ho lusutii mo pinii ke hiila.
7Siisi hiika ganda daka ariapii kiiddi atañ hii hiika siilokiiddi ka miyu akuñ jakiitii, Publius hiila armyañ, mo ngunumi kariikatañ ho sobomola ngunu agiñho allo lohiñhe piiluñsiile la mi. 8Hiila lyihii Publius ka aba achihla ho iichañ ela lyihii; ho Pol mohko kahala ahtii ho kubitii, ho mohka alah mi mohko tencha lala mohmi miipyatii. 9Ho siika drihsi hiila lyikele, siilokiiddi hoka miyu dunii atañ tiirḛ hukiina achih-ahe giitiinii ahgiitii tii ho miipya konyatii. 10Mohlu abuje ahmiñayiñ ngunumi bihii; ho ngunu khori kukele, mohlu huluho ngunuka anna nii hemi aliibi.
Malta hokii Rom Lohe
11Piilo bariñhe dala la ngunu yasiejaji la khori hiikahii siilokiiddi ka doriipa lyine, Alejandria ka yasiejaji, Bupiñsiinii Anuabañ luniiñ agiñho. 12Sairakas ho ahchi, ngunu hiiko allo lohiñhe dutiihe. 13Ho hiikohokii ngunu khoriku ho Rhegium ho ahchi; ho allo lohe dala la ahadalyi ka allyi heri, ho allo lohe yaho ngunu Puteoli ho ahchi. 14Hiiko ngunu anubarmii atañmi kapa, ho ngunumi mohluka agiñho gyolii lokanuhe allo dudopa. Ho hiila ngunu Rom ho ahchi. 15Ho hoka anubarmii atañ, mohlu ngunumi tapa lala, Appius ka Dukuñko kane adho hokii miilañ ahhii ho Hinge Chidii duko ngunumi kapa hapa ahhii. Mohlumi kapa lala Pol Pinii mi payapacho hiila luhii ho harori.
Rom ho
16Ho ngunu Rom ho ahchi biikele, Pol mi atohpa dusu dopa bibii lyimi, dagur biinii ka agiñho mohmi dabii niipa.
17Allo lohiñhe daku lala mo hoka Jew sangii gyagii niimi gyobii nyimi; ho mohlu ahkuñ kiile, mo mohlumi lutii, “Anubarmii atañ, ngo hang miigya masu miyu atañmi malo ngunuka aba-apa ka muju lujju mi, hojalo ngiimi pattiih tunko niipa Jerusalem hokiila Rom miyuatañ ko nembo bitii. 18Mohlu ngiimi taka kula la, mohlu ngiimi apapa miiku, niimpalukoda hang lugo giimane ngiimi shiido pa halii dopa. 19Hojalo Jew atañ chetii, ngiimi chechepa Kesar mi lyardo pa miitii, ngiiko hang ngiika ganda mi chekho la halii dopa lyimasii. 20Hopa siika piigo pa ngo niimi kapa talyi ludo pa lyine ho niimi lurii dopa, hojalo siikasi Isrel atañ paka hengi nanii giinii ngo siika dachañ ranyi mi giidopa lyine.” 21Ho mohlu mohmi lutii, “Ngunu hang siiti kapama Judia hokii niika piigo mi, ho hang anubarmii so ahma luko hala malo hang ayamapa niimi lula. 22Hojalo ngunu niiko hokii taka nando niika henju nii hiila; niimpalukoda siika dungunii tongemi ngunu chindo kapakohe chekho la lunyada.”
23Mohlu allo lohe mohpa kahe lala, mohlu mohka imi ko ahtii hempḛr taropa. Ho mo mohlumi drih mi lukotii aro hokiila alyiñ kamo lohe, Pinii ka raddeganda mi pyakotii ho mohlumi taliidopa yarkatii Jisu ka piigomi Mose ka dapo hokii tiirḛ ho nyibuhenii kokii tiirḛ. 24Ho tonge taliitii niihna mo lutiinii, tonge tajematii. 25Hopa, mohlu kone anyañ mi takho siila la, mohlu impe siitiiku, Pol hiila gonge lukele: Darii Yajiyallo ludiko lutii nunuka aba atañmi Aijaya nyibuhenii mi luta nala:
26Siika miyuatañ ko inge, ho luhe,
Nunu tanii hii tasuda hojalo pema tachiñ nyama,
ho nunu kanii hii kasuda hojalo pema kala nyama.
27Niimpalukoda siika miyu atañka ahha hii piicha nyado kuke,
ho mohluka yaroo hii tana nanii aie dokuke,
ho mohluka amee hii mipu nyado kuke;
hiila makoda mohluka amee lo kala kendo,
ho mohluka yaroo lo tage kendo,
ho mohluka ahha ho tala kendo,
ho ngiiko ahkur nyakiñne miipya kodupa.
28Hojalo nunu chinto hokoda siika Pinii ka sangopyako mi Midomiyu atañ ko kiiniñ bulyike: mohlu tage kendoke.#28.28: Goñkhu 29 Ho mo siika aguñmi luja kukele, Jew atañ intiiku, abuje chesu chejo bukula mohluka punkoho
30Ho mo hiiko anyañ nyanye poteje datii mo atoh iho siibiidola, ho hikha rumi kariitii huna mohko ahtiinii, 31Pinii ka raddeganda mi tonsḛrkhenyo la ho Attoh Jisu Kristo ka piigomi hikha tadopa ho hiinyañ mapa.
Currently Selected:
MIINIIÑ 28: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
MIINIIÑ 28
28
Malta ho
1Ngunu hargii kula la, ho ngunu chinto ku siilokiiddi ka armyañ Malta hiila. 2Ho hoka dunii atañ dumiñhokii mitrḛ kapuñ pongeyapa aroh-ayatii, niimpalukoda mohlu yamu tige lala ho ngunumi kariikatañ, niimpalukoda miido huri ho lakhiine. 3Pol panyi tonge mi lala la ho hiimi yamu ho aliitii, tabu sohe lyiliñtii gubu kopa ho mohka alah ho karke hatii. 4Hoka miyu tabu mi mohka alah bila dopa kapa lala, mohlu kone anyañ lusu nyatii, “Hemmo sanii nyima siika miyu si miyu meniike. Siimie hoka shiisa nii hokii hargii siitii, ayakacho kanii hii mohmi sanke nenkiñma.” 5Mo, hojalo, tabumi yamu ho pipa lotii ho hang heru matii. 6Mohlu kalyatii, mohka pyari niimi kalyatii malo aluñpaka shiihi niimi; hojalo mohlu kalya yade yala la hang mohko ayamapa lyilyi nii, mohlu hengu ritii ho lusutii mo pinii ke hiila.
7Siisi hiika ganda daka ariapii kiiddi atañ hii hiika siilokiiddi ka miyu akuñ jakiitii, Publius hiila armyañ, mo ngunumi kariikatañ ho sobomola ngunu agiñho allo lohiñhe piiluñsiile la mi. 8Hiila lyihii Publius ka aba achihla ho iichañ ela lyihii; ho Pol mohko kahala ahtii ho kubitii, ho mohka alah mi mohko tencha lala mohmi miipyatii. 9Ho siika drihsi hiila lyikele, siilokiiddi hoka miyu dunii atañ tiirḛ hukiina achih-ahe giitiinii ahgiitii tii ho miipya konyatii. 10Mohlu abuje ahmiñayiñ ngunumi bihii; ho ngunu khori kukele, mohlu huluho ngunuka anna nii hemi aliibi.
Malta hokii Rom Lohe
11Piilo bariñhe dala la ngunu yasiejaji la khori hiikahii siilokiiddi ka doriipa lyine, Alejandria ka yasiejaji, Bupiñsiinii Anuabañ luniiñ agiñho. 12Sairakas ho ahchi, ngunu hiiko allo lohiñhe dutiihe. 13Ho hiikohokii ngunu khoriku ho Rhegium ho ahchi; ho allo lohe dala la ahadalyi ka allyi heri, ho allo lohe yaho ngunu Puteoli ho ahchi. 14Hiiko ngunu anubarmii atañmi kapa, ho ngunumi mohluka agiñho gyolii lokanuhe allo dudopa. Ho hiila ngunu Rom ho ahchi. 15Ho hoka anubarmii atañ, mohlu ngunumi tapa lala, Appius ka Dukuñko kane adho hokii miilañ ahhii ho Hinge Chidii duko ngunumi kapa hapa ahhii. Mohlumi kapa lala Pol Pinii mi payapacho hiila luhii ho harori.
Rom ho
16Ho ngunu Rom ho ahchi biikele, Pol mi atohpa dusu dopa bibii lyimi, dagur biinii ka agiñho mohmi dabii niipa.
17Allo lohiñhe daku lala mo hoka Jew sangii gyagii niimi gyobii nyimi; ho mohlu ahkuñ kiile, mo mohlumi lutii, “Anubarmii atañ, ngo hang miigya masu miyu atañmi malo ngunuka aba-apa ka muju lujju mi, hojalo ngiimi pattiih tunko niipa Jerusalem hokiila Rom miyuatañ ko nembo bitii. 18Mohlu ngiimi taka kula la, mohlu ngiimi apapa miiku, niimpalukoda hang lugo giimane ngiimi shiido pa halii dopa. 19Hojalo Jew atañ chetii, ngiimi chechepa Kesar mi lyardo pa miitii, ngiiko hang ngiika ganda mi chekho la halii dopa lyimasii. 20Hopa siika piigo pa ngo niimi kapa talyi ludo pa lyine ho niimi lurii dopa, hojalo siikasi Isrel atañ paka hengi nanii giinii ngo siika dachañ ranyi mi giidopa lyine.” 21Ho mohlu mohmi lutii, “Ngunu hang siiti kapama Judia hokii niika piigo mi, ho hang anubarmii so ahma luko hala malo hang ayamapa niimi lula. 22Hojalo ngunu niiko hokii taka nando niika henju nii hiila; niimpalukoda siika dungunii tongemi ngunu chindo kapakohe chekho la lunyada.”
23Mohlu allo lohe mohpa kahe lala, mohlu mohka imi ko ahtii hempḛr taropa. Ho mo mohlumi drih mi lukotii aro hokiila alyiñ kamo lohe, Pinii ka raddeganda mi pyakotii ho mohlumi taliidopa yarkatii Jisu ka piigomi Mose ka dapo hokii tiirḛ ho nyibuhenii kokii tiirḛ. 24Ho tonge taliitii niihna mo lutiinii, tonge tajematii. 25Hopa, mohlu kone anyañ mi takho siila la, mohlu impe siitiiku, Pol hiila gonge lukele: Darii Yajiyallo ludiko lutii nunuka aba atañmi Aijaya nyibuhenii mi luta nala:
26Siika miyuatañ ko inge, ho luhe,
Nunu tanii hii tasuda hojalo pema tachiñ nyama,
ho nunu kanii hii kasuda hojalo pema kala nyama.
27Niimpalukoda siika miyu atañka ahha hii piicha nyado kuke,
ho mohluka yaroo hii tana nanii aie dokuke,
ho mohluka amee hii mipu nyado kuke;
hiila makoda mohluka amee lo kala kendo,
ho mohluka yaroo lo tage kendo,
ho mohluka ahha ho tala kendo,
ho ngiiko ahkur nyakiñne miipya kodupa.
28Hojalo nunu chinto hokoda siika Pinii ka sangopyako mi Midomiyu atañ ko kiiniñ bulyike: mohlu tage kendoke.#28.28: Goñkhu 29 Ho mo siika aguñmi luja kukele, Jew atañ intiiku, abuje chesu chejo bukula mohluka punkoho
30Ho mo hiiko anyañ nyanye poteje datii mo atoh iho siibiidola, ho hikha rumi kariitii huna mohko ahtiinii, 31Pinii ka raddeganda mi tonsḛrkhenyo la ho Attoh Jisu Kristo ka piigomi hikha tadopa ho hiinyañ mapa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.