ROM LUKOLUPYONIIÑ
LUKOLUPYONIIÑ
Rom mika Pol ka siiti keniiñ si lembo miimyo la Pol mohka hemmyo niimi Rom gyoliñkonii atañ ho kaha dupa hiila. Mohka hemmyo niisi Kristan atañka agiñho miigo miibo dupa hiila ho hiika hiibaho, mohluka hembyuñ niilo Spain ho indupa hiila.
Rom daka gyoliñkonii miyu atañmi ayahelyi hiila lula la ho mohlupa ka mohka kubi niimi mohlumi luko tela, Pol siiti ka piigo mi lukodo: “Siika ayapuyu si kakiñdo niitañpana Pinii miyu atañmi denki hiila mo agiñho ludonii: siikasi henje kopa, kapyo hokii khiiri biila kami lohepa” (1:17).
Ho Pol siika lutananiiñ piigo mi didḛr yapa lukodo. Hikha miyu atañmi, Jew atañ la Midomiyu atañ, anyeru Pinii ka agiñho denki hiila ludopa lyido, niimpalukoda koneabi ingyamiigya niika harchichike ka ura ho da. Miyu atañ Jisu Kristo mika henje kopa Pinii ka agiñho denki hiila atii siibiida. Hakhu 5-8 ho Pol ludo Pinii ka dapo ka piigo mila ho Pinii ka Yajiyallo ka harchichike henje miyuatañ koka giiniiñmi. Hiika hiiba ho kiiniñkonii ka piigomi ludo niitañpana Jew atañla ho Midomiyu atañ aya kendonii Pinii ka henko jaho hikha miyu atañpa. Kamikalojaho Pol ketii niitañpana Kristan sango mi sankiñ donii, luchila hensuniika lembomi kone anya ka agiñho. Pinii paka imbimiibi niimi ho kone anya mika hembyuñ siiniiñmi. Mohka siiti mi Pinii mi assañbiido kula keja biidoku.
Urahokagiinii
Lukolupyoniiñ la lutananiiñ nyi (1:1-17)
Hikha dodiñdolo daka miyuatañ sangopyako mi anna do (1:18–3:20)
Pinii ka sangopyako lembo (3:21–4:25)
Niti sango Kristo ko (5:1–8:39)
Isrel Pinii ka henju ko do (9:1–11:36)
Kristan ka miijuluju (12:1–15:13)
Lujakuniiñ la Mohka ayahelyi luniiñ (15:14–16.27)
Currently Selected:
ROM LUKOLUPYONIIÑ: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
ROM LUKOLUPYONIIÑ
LUKOLUPYONIIÑ
Rom mika Pol ka siiti keniiñ si lembo miimyo la Pol mohka hemmyo niimi Rom gyoliñkonii atañ ho kaha dupa hiila. Mohka hemmyo niisi Kristan atañka agiñho miigo miibo dupa hiila ho hiika hiibaho, mohluka hembyuñ niilo Spain ho indupa hiila.
Rom daka gyoliñkonii miyu atañmi ayahelyi hiila lula la ho mohlupa ka mohka kubi niimi mohlumi luko tela, Pol siiti ka piigo mi lukodo: “Siika ayapuyu si kakiñdo niitañpana Pinii miyu atañmi denki hiila mo agiñho ludonii: siikasi henje kopa, kapyo hokii khiiri biila kami lohepa” (1:17).
Ho Pol siika lutananiiñ piigo mi didḛr yapa lukodo. Hikha miyu atañmi, Jew atañ la Midomiyu atañ, anyeru Pinii ka agiñho denki hiila ludopa lyido, niimpalukoda koneabi ingyamiigya niika harchichike ka ura ho da. Miyu atañ Jisu Kristo mika henje kopa Pinii ka agiñho denki hiila atii siibiida. Hakhu 5-8 ho Pol ludo Pinii ka dapo ka piigo mila ho Pinii ka Yajiyallo ka harchichike henje miyuatañ koka giiniiñmi. Hiika hiiba ho kiiniñkonii ka piigomi ludo niitañpana Jew atañla ho Midomiyu atañ aya kendonii Pinii ka henko jaho hikha miyu atañpa. Kamikalojaho Pol ketii niitañpana Kristan sango mi sankiñ donii, luchila hensuniika lembomi kone anya ka agiñho. Pinii paka imbimiibi niimi ho kone anya mika hembyuñ siiniiñmi. Mohka siiti mi Pinii mi assañbiido kula keja biidoku.
Urahokagiinii
Lukolupyoniiñ la lutananiiñ nyi (1:1-17)
Hikha dodiñdolo daka miyuatañ sangopyako mi anna do (1:18–3:20)
Pinii ka sangopyako lembo (3:21–4:25)
Niti sango Kristo ko (5:1–8:39)
Isrel Pinii ka henju ko do (9:1–11:36)
Kristan ka miijuluju (12:1–15:13)
Lujakuniiñ la Mohka ayahelyi luniiñ (15:14–16.27)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.