MIINIIÑ 27
27
Pol Rom ho Khobodo
1Ho Italy ngunu khobo dupa lusu kulala, mohlu Pol mi bitii ho khiibe pattiih tunko nii tonge mi Augustas Kohort daka sipahi sabiimi, Julius hiiniiñ bomi. 2Ho Adramyttium daka yasiejaji ho chahii, hiikahii khopa miila dotola Asia ka lengo ho khobo dupa, ngunu siimie ho khobo, Aristarkas miilañ, Tesolonika daka Masedonia miyu. 3Allo lohe yaho ngunu Sidon ho domo; ho Julius Pol mi helakala ne, ho mohmi mohka ajiñ atañ ko miilañ kiiniñlala ho kalyañ kada ne. 4Ho hiika siimie hokii khori kula ngunu Saiprus daka siilokiiddi ho khobo, niimpalukoda allyi henii hii ngunu heriila hehii. 5Ho ngunu khopo bobiila la Silisia la Pampilia siimie mi khobo, ngunu Lisia daka Maira ho ahhii. 6Hiiko sipahisabii Alejandria daka yasiejaji mi kapa Italy ho khobopa, ho ngunumi ho ducha kiine. 7Ngunu haso hasopa abuje allo khotiiku, ho hempḛr ahiare pa Cnidas ho ahchi, ho allyi henii hii ngunumi khobo lake nema lyinii, ngunu Kret ka Salmone hopa khobo. 8Ahiare loda pa aruñho khoha bukula, ngunu Fair Havens lunii gandaho ahhii, niihna Lasea citi aruñho donii.
9Abuje myodu inku lala, ho myodi bonii ahiare la dosu lyikunii niimpalukoda nyoniiñ allo loja tiiku, Pol mohlumi tonsḛr biido, 10lubiidola, Tonsḛrbo, ngo hendo ngunuka myodi bokoso unetare ho abuje alyu siila lyikiñdo, drihpachi la yasiejaji kontii mapa, hojalo ngunuka sango tiirḛ 11Hojalo sipahi sabii kepten la yasiejaji ka atoh mi hentola Pol ka luniiñ uro yapa tagela lyitii. 12Ho hiika jajidomo ko lakhii piko pa ano aya matii, abuya lutii hiika siimie hokii indo kukoda hiila, niihtañ pajalo hokii mohlu Phoenix ho bochi dokoda, Kret daka jajidomoko, hokii tapañ ho assañ dalyi, ho ahha ho assañ dalyi katii, ho hiiko lakhii pido koda.
Siimie hoka Allyiaro
13Ho ahadalyi ka allyi haso pa hebo lyiniiñ, mohlu hentii mohluka miigomi kapatiiku hiila, mohlu hage nanii mi jocha lala ho Kret ka aruñhopa khobo tiiku, kiitiñ ka aruñhopa. 14Hojalo hempḛr allyi uro heritii, danyichaggo dalyi hokii hiila luniiñbo, kiiddi hokii hedatii; 15ho yasiejaji hii tiida hatii ho allyi khopo bobii lama tola, ngunu hiimi lembo bila la hebo kiineto. 16Ho Kouda luniiñ atu siilokiiddi hopa khobo biila, ngunu cheche ahiare loda pa hulu mi khobobii; 17hiimi ho ratulala, mohlu yasiejaji mi kakatii; ho, biisotii mohlumi Syrtis ho hebo biichi hiila, mohlu taru mi akañ dalyiho talotii, ho hebo biikotii. 18Ho ngunumi uropa allyiaro hehii hekher miibii lyiniiñ, mohlu allo lohe yaho jaji daka drih doniimi kupa ritii; 19ho allo lohiñniiho mohlu mohluka alah lo yasiejaji daka drih mi jopa ritii. 20Ho danyi malo takḛr hempḛr allo kapa kuma lyiniiñ, ho ano lama ahiare ngunu ko ahma siilyinii, hikha ngunuka santo kudo hiila heniiñ hii hikha lyuneku.
21Mohlu allo abuje diigo diima lyilyi nii, Pol mohluka aruñ ahhi biila mohlumi lubiido, “Miyuatañ, nunu ngiika luniiñ tageto, ho Kret hokii khori kuyo ho pamyo toh ho alyu siisa niimi alii siilyo. 22Siisi ngo nunumi haro to luchi; niimpalukoda nunu punko hokii atoh ka sango mi alyu siikiñ make, hojalo yasiejaji kontii misu. 23Niimpalukoda siyo ka ayoh jaho Pinii ka miidopopi ngiika aruñ dakiñ doke humina ngo herii dunii ho hukiina ngo, 24ho mo lutii, ‘Biiso nyayo, Pol; no Kesar ka hata dakiñ doke; ho kato, Pinii hikha nunumi tiipya biilyi ke hutiina niika agiñho khobo mondo nii.’ 25Hopa haroto, miyuatañ, niimpalukoda ngiiko Pinii ka henje do sichuli lyikiñ doke ngiika lukonii chuli. 26Hojalo ngunu siilokiiddi tonge ho khobo kendoke.”
27Ayoh yolyañlepe nii ahkele, ngunu Adria ka siimie aruñho khochi habii kiile, ayoh liipaho khogiiniibo hentii mohlu kiiddi ka aruñho khochi habii doku hiila. 28Hopa mohlu kaka biikele ladu tukuñ tunyi langela nyikhañhe urañ pa domi; ichuche khohi hala la hiira kakele langela alyañhela tungohe urañ domi. 29Ho ngunu yalañ ho tiiha talyi hiila biisola, mohlu hatunanii mi piilye mi jolotii, ho kutii allo kiine toku pe hiila. 30Ho khogiinii atañ yasiejaji hokii hargii pa miikele, ho hulu mi siimi ho ako yapa miikele, hatunanii mi alotii akañho hata dalyi hokiila, 31Pol lutii sipahi sabii la sipahi atañmi, “Nii dahepa siika miyuatañ yasiejaji ho dutema, nunu lyangur kola kema.” 32Ho sipahi atañ taru mi pare biido hulu hokii, ho hiimi inke nembiido.
33Ho allo kupa miikele, Pol miilañrumi lubiido diigo iche diitote hiila, lubiidola, “Siilo allo loyañhela lope diiku nunuka henala ho diigo diiku manii, hang diima paka lyiniiñ. 34Hopa ngo nunumi lyarduke diigo iche diito; hii nunumi alḛr giikiñ doke, nunuka dimmu sohe tiirḛ lyukiñ make nunuka adiñ hokii.” 35Ho mo hiimi luku lala, mo yatañ mi lala la, ho Pinii mi payapacho hiila miilañ ruka kado pa lula la mo hiimi petu biido ho diiritii. 36Ho miilañru haro rila ho mohlu diigo diinyatii. 37(ngunu hikha lanyela kanukhange la khe miyu yasiejaji ho du.) 38Ho mohlu khe diide kulala, mohlu yasiejaji mi haju hedopa miitii, siimie ho yatañ mi jopa lola la.
Yasiejaji ka Tatunii
39Siisi allo kukele, mohlu kiiddi mi kala lakumatii, hojalo mohlu kiitiñ mi siilyo katala kadḛrtii, nii hona mohlu datiinii miila dokoda yasiejaji mi siilyo ho selii dupa miitii. 40Hopa mohlu hatunanii mi jolo lala hiimi siimie ho apatii, hiikamyodu jaho taru mitrḛ tapyatii hiika rato laka khona nanii hoka doniiñmi; ho pulye mi tonchatii allyi lo mohluka miinii lo aruñ helii biiko dupa. 41Hojalo kiiddi ho tiihatii mohlu helii biikonii; nyetañ hii tiihatii ho abyu kuma dotii, ho kiiliñ dalyi hii tatutii lando uro paka pohanii. 42Sipahi atañka heniiñ pattiih tunkonii atañmi mendu pa hentii, hiila makoda apya taliñ giila hargii biichi hela; 43hojalo sipahi sabii, Pol lyangur talyi hentii, mohmi atiñlala mohluka miichi henii hokii. Mo lutii hutiina apya tala dunii jaji hokii atoh pohila kapyopa taliñ giito ho kiiddiho, 44ho tange yasañ bata ho malo yasiejaji ka tatu tamaho. Ho si chulipa hikha kiiddi ho haliñ giiku.
Currently Selected:
MIINIIÑ 27: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
MIINIIÑ 27
27
Pol Rom ho Khobodo
1Ho Italy ngunu khobo dupa lusu kulala, mohlu Pol mi bitii ho khiibe pattiih tunko nii tonge mi Augustas Kohort daka sipahi sabiimi, Julius hiiniiñ bomi. 2Ho Adramyttium daka yasiejaji ho chahii, hiikahii khopa miila dotola Asia ka lengo ho khobo dupa, ngunu siimie ho khobo, Aristarkas miilañ, Tesolonika daka Masedonia miyu. 3Allo lohe yaho ngunu Sidon ho domo; ho Julius Pol mi helakala ne, ho mohmi mohka ajiñ atañ ko miilañ kiiniñlala ho kalyañ kada ne. 4Ho hiika siimie hokii khori kula ngunu Saiprus daka siilokiiddi ho khobo, niimpalukoda allyi henii hii ngunu heriila hehii. 5Ho ngunu khopo bobiila la Silisia la Pampilia siimie mi khobo, ngunu Lisia daka Maira ho ahhii. 6Hiiko sipahisabii Alejandria daka yasiejaji mi kapa Italy ho khobopa, ho ngunumi ho ducha kiine. 7Ngunu haso hasopa abuje allo khotiiku, ho hempḛr ahiare pa Cnidas ho ahchi, ho allyi henii hii ngunumi khobo lake nema lyinii, ngunu Kret ka Salmone hopa khobo. 8Ahiare loda pa aruñho khoha bukula, ngunu Fair Havens lunii gandaho ahhii, niihna Lasea citi aruñho donii.
9Abuje myodu inku lala, ho myodi bonii ahiare la dosu lyikunii niimpalukoda nyoniiñ allo loja tiiku, Pol mohlumi tonsḛr biido, 10lubiidola, Tonsḛrbo, ngo hendo ngunuka myodi bokoso unetare ho abuje alyu siila lyikiñdo, drihpachi la yasiejaji kontii mapa, hojalo ngunuka sango tiirḛ 11Hojalo sipahi sabii kepten la yasiejaji ka atoh mi hentola Pol ka luniiñ uro yapa tagela lyitii. 12Ho hiika jajidomo ko lakhii piko pa ano aya matii, abuya lutii hiika siimie hokii indo kukoda hiila, niihtañ pajalo hokii mohlu Phoenix ho bochi dokoda, Kret daka jajidomoko, hokii tapañ ho assañ dalyi, ho ahha ho assañ dalyi katii, ho hiiko lakhii pido koda.
Siimie hoka Allyiaro
13Ho ahadalyi ka allyi haso pa hebo lyiniiñ, mohlu hentii mohluka miigomi kapatiiku hiila, mohlu hage nanii mi jocha lala ho Kret ka aruñhopa khobo tiiku, kiitiñ ka aruñhopa. 14Hojalo hempḛr allyi uro heritii, danyichaggo dalyi hokii hiila luniiñbo, kiiddi hokii hedatii; 15ho yasiejaji hii tiida hatii ho allyi khopo bobii lama tola, ngunu hiimi lembo bila la hebo kiineto. 16Ho Kouda luniiñ atu siilokiiddi hopa khobo biila, ngunu cheche ahiare loda pa hulu mi khobobii; 17hiimi ho ratulala, mohlu yasiejaji mi kakatii; ho, biisotii mohlumi Syrtis ho hebo biichi hiila, mohlu taru mi akañ dalyiho talotii, ho hebo biikotii. 18Ho ngunumi uropa allyiaro hehii hekher miibii lyiniiñ, mohlu allo lohe yaho jaji daka drih doniimi kupa ritii; 19ho allo lohiñniiho mohlu mohluka alah lo yasiejaji daka drih mi jopa ritii. 20Ho danyi malo takḛr hempḛr allo kapa kuma lyiniiñ, ho ano lama ahiare ngunu ko ahma siilyinii, hikha ngunuka santo kudo hiila heniiñ hii hikha lyuneku.
21Mohlu allo abuje diigo diima lyilyi nii, Pol mohluka aruñ ahhi biila mohlumi lubiido, “Miyuatañ, nunu ngiika luniiñ tageto, ho Kret hokii khori kuyo ho pamyo toh ho alyu siisa niimi alii siilyo. 22Siisi ngo nunumi haro to luchi; niimpalukoda nunu punko hokii atoh ka sango mi alyu siikiñ make, hojalo yasiejaji kontii misu. 23Niimpalukoda siyo ka ayoh jaho Pinii ka miidopopi ngiika aruñ dakiñ doke humina ngo herii dunii ho hukiina ngo, 24ho mo lutii, ‘Biiso nyayo, Pol; no Kesar ka hata dakiñ doke; ho kato, Pinii hikha nunumi tiipya biilyi ke hutiina niika agiñho khobo mondo nii.’ 25Hopa haroto, miyuatañ, niimpalukoda ngiiko Pinii ka henje do sichuli lyikiñ doke ngiika lukonii chuli. 26Hojalo ngunu siilokiiddi tonge ho khobo kendoke.”
27Ayoh yolyañlepe nii ahkele, ngunu Adria ka siimie aruñho khochi habii kiile, ayoh liipaho khogiiniibo hentii mohlu kiiddi ka aruñho khochi habii doku hiila. 28Hopa mohlu kaka biikele ladu tukuñ tunyi langela nyikhañhe urañ pa domi; ichuche khohi hala la hiira kakele langela alyañhela tungohe urañ domi. 29Ho ngunu yalañ ho tiiha talyi hiila biisola, mohlu hatunanii mi piilye mi jolotii, ho kutii allo kiine toku pe hiila. 30Ho khogiinii atañ yasiejaji hokii hargii pa miikele, ho hulu mi siimi ho ako yapa miikele, hatunanii mi alotii akañho hata dalyi hokiila, 31Pol lutii sipahi sabii la sipahi atañmi, “Nii dahepa siika miyuatañ yasiejaji ho dutema, nunu lyangur kola kema.” 32Ho sipahi atañ taru mi pare biido hulu hokii, ho hiimi inke nembiido.
33Ho allo kupa miikele, Pol miilañrumi lubiido diigo iche diitote hiila, lubiidola, “Siilo allo loyañhela lope diiku nunuka henala ho diigo diiku manii, hang diima paka lyiniiñ. 34Hopa ngo nunumi lyarduke diigo iche diito; hii nunumi alḛr giikiñ doke, nunuka dimmu sohe tiirḛ lyukiñ make nunuka adiñ hokii.” 35Ho mo hiimi luku lala, mo yatañ mi lala la, ho Pinii mi payapacho hiila miilañ ruka kado pa lula la mo hiimi petu biido ho diiritii. 36Ho miilañru haro rila ho mohlu diigo diinyatii. 37(ngunu hikha lanyela kanukhange la khe miyu yasiejaji ho du.) 38Ho mohlu khe diide kulala, mohlu yasiejaji mi haju hedopa miitii, siimie ho yatañ mi jopa lola la.
Yasiejaji ka Tatunii
39Siisi allo kukele, mohlu kiiddi mi kala lakumatii, hojalo mohlu kiitiñ mi siilyo katala kadḛrtii, nii hona mohlu datiinii miila dokoda yasiejaji mi siilyo ho selii dupa miitii. 40Hopa mohlu hatunanii mi jolo lala hiimi siimie ho apatii, hiikamyodu jaho taru mitrḛ tapyatii hiika rato laka khona nanii hoka doniiñmi; ho pulye mi tonchatii allyi lo mohluka miinii lo aruñ helii biiko dupa. 41Hojalo kiiddi ho tiihatii mohlu helii biikonii; nyetañ hii tiihatii ho abyu kuma dotii, ho kiiliñ dalyi hii tatutii lando uro paka pohanii. 42Sipahi atañka heniiñ pattiih tunkonii atañmi mendu pa hentii, hiila makoda apya taliñ giila hargii biichi hela; 43hojalo sipahi sabii, Pol lyangur talyi hentii, mohmi atiñlala mohluka miichi henii hokii. Mo lutii hutiina apya tala dunii jaji hokii atoh pohila kapyopa taliñ giito ho kiiddiho, 44ho tange yasañ bata ho malo yasiejaji ka tatu tamaho. Ho si chulipa hikha kiiddi ho haliñ giiku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.