MIINIIÑ 25

Pol Radde mi Lyarbiido

1Siisi Festas mohka gandaho ahku kiile, allo lohiñhe Kaesarea hokii Jerusalem ho chatii hela. 2Ho nyibu burii la Jew hoka akho miyuatañ mohmi Pol mi chekho la luko biido; ho mohlu mohmi lyartii, 3kubiido hembola miyu mi Jerusalem ho kiiniñ tote hiila, hemmyo la lembo ho mohmi mendu pa hiila. 4Festas lusitii Pol mi Kaesarea ko atiitii hiila, ho ngoya hiiko nyibya kiiliñ indupa hela du. 5“Hopa,” mo lutii, “nunu kokii otority hoka dunii hokii ngiika agiñho tobo monto, ho hiiko matiirḛ hangdrih miigya nii piigo miyu ko giido milo, mohlumi halii kiineto.”

6Mo mohluka agiñho allo lopinye malo loyañ hepa dubo tela, mo Kaesarea ho totii; ho allo lohe yaho mo gondu ude ka duko ho dukula ho Pol mi seliibii lutii. 7Ho mo ahkele, Jew atañ hutiina Jerusalem hokii totiinii mo piigopa guri nyatii, abuje mohmi hempḛr uro haliila lyitii hiimi mohlu jije hiila luko lamatii. 8Pol mo lupya siila lutii, “Jew atañka dapo mi chekhola malo, piniiude mi chekhola, malo Kesar mi chekhola ngo miigya tiipeha nunu miilañ rumi.” 9Hojalo Festas, Jew atañmi hembyuñ moyapa, Pol mi lutii, “No Jerusalem chachi hiila hendopeha, ho hiiko siika halii niisimi ngiimi lupe?” 10Hojalo Pol lutii, “Ngo kaesar ka gondu ude ho da, nohna ngiimi halii kendonii; Jew atañmi ngo hang miigya bima, no hiimi hempḛr aya chindo. 11Ngo matiirḛ miigyanii milo, ho hangdrih jalo ngo shiido pa lyidopa miitii milo, ngo shiisa nii hokii hargii tama ke; hojalo mohluka ngiimika halii ko matiirḛ hang nyima koda, kone hetrḛ ngiimi mohlumi bila kema. Ngo Kesar mi lyarlyi.” 12Ho Festas, mo mohka bulyañ atañ agiñho taka siila la, lusitii, “No Kesar mi lyartii, Kesar ko no inkiñ doke.”

Pol Agrippa la Bernice nyika Hata ho

13Siisi allo lonye lohiñhe loku lala, Agrippa radde la Bernice nyi Kaesarea ho ahchitii Festas mi karii dupa. 14Ho mohlu hiiko abuje allo dutii, Festas Pol ka lugo mi radde ka hataho atii bitii, lubiidola, “Inkaso pattiih tunko nii kone mi Felix apa bitola do; 15ho ngiika Jerusalem hoka duho, nyibu burii atañla Jew atañka amiabañ atañ mohka piigo mi lukola lyihii, mohmi pattiih tuntote hiila chekhola kunya da. 16Ngo mohlumi lusitii siikasi Rom atañka muju make mi kone mijalo halii konii mi halii bomi ka nyitumoru kata ho apa bidopa, ho myodu bila ka lyiniiñsi mohmi lupya siidopa mohmika halii niimi. 17Hopa mohluka so tonge paka ahhiñlaka miilyiho, ngo diirii miikañ biima, hojalo allo lohe yaho ngo ngiika gondu ude ka duko ho dula ho miyu mi so selii bii lutii. 18Ho halii konii bomi dake nenkele, mohlu hang diimmah haliila lyima mohka lugo ho ngiika henkako; 19hojalo mohluko lugo tonge do chesuresula mohka agiñho mohluka atohka heniiñ piigola ho Jisu hiila koneka piigo, huna shiitii kunii, hojalo hiimi Pol turla da hiila luda. 20Hendḛr lamapa nii luchi siika taka nii atañmi, ngo takatii no Jerusalem ho indo koda aya kemasiipeha ho mohluka halii niisi mi hiiko lusu dokoda. 21Hojalo Pol patiihude ho atiipe hiila yartola raddeka hiilake hiila lumiñ menda hemi, ngo mohmi lutii atiito nii dahepa ngo mohmi Kesar ko kiiniñ tama.” 22Ho Agrippa lutii Festas mi, Ngo atohpa taka nando hiika miyu kokii. “Ardasa,” mo lutii, “No mohkokii tato.”

23Ho allo lohe yaho Agrippa la Bernice nyi ahtii hempḛr hempyo biidola, ho mo anye miyu atañka duko udepero ho ahtii sipahi akhoboko agiñho ho citi daka miyu tatukatu agiñho. Ho Festas ka luko hopa Pol mi selii biitii. 24Ho Festas lutii, “Radde Agrippa ho hikha soka ngunu agiñ hoka dubonii atañ, nunu kato siika miyu siimi humina hikha Jew miyuatañ ngiimi kuda, Jerusalem dakiima ho sokiima, gyunya da mohmi siimi abuyapa sanke nenki make hiila. 25Hojalo ngo hang kapama mohmi shiido pa miidopa; ho mo atoh tiirḛ radde mi yardo, hopa ngo mohmi kiiniñ bichi. 26Hojalo ngiiko hiila lodake hiila kesa nyima mohka piigo mi ngiika attoh. Hopa ngo mohmi nunuka hataho selii bitiike, ho, niiko loda, radde Agrippa, niimpalukoda, ngunu mohmi taka lala, ngo hang kesa dosu tama siiyu ah hiila. 27Niimpalukoda ngo kakoso hang lusa giima, patiihude ho kiiniñ dopa, hang hiipa ke hiila mohmi halii mapa.”

Currently Selected:

MIINIIÑ 25: APATBSI

Highlight

Copy