Sailm Dhaibhidh 137
137
Salm 137
1Aig sruthan coimheach Bhàbiloin,
shuidh sinn gu brònach bochd;
An sin air Sion chuimhnich sinn,
is ghuileadh leinn gu goirt.
2Air gheugan seilich chrochadh leinn
ar clàrsaichean an sin.
3Oir iadsan a rinn braighdean dhinn
dh'iarr òran oirnn is gean:
Seadh iadsan len do chreachadh sinn
dh'iarr luathghair oirnn is ceòl;
Seinnibh de laoidhean Shioin dhuinn,
(ars' iadsan) mar bu nòs.
4'N tìr choigrich ciamar dh'fhaodar leinn
òran Iehòbhah sheinn?
5Mur cuimhncheam thu, Ierusaleim,
rim dheis nìor lean a seirm.
6Mo theanga leanadh teann rim ghial,
mur cuimhnichear thu leam;
Mur feàrr leam na m'uil' aoibhneas àrd
cathair Ierusaleim.
7Clann Edoim cuimhnich thusa, Dhè,
oir thubhairt iad le tàir,
An làithean truagh' Ierusaleim,
leag, leag i, sìos gu làr.
8O nighean uaibhreach Bhàbiloin,
a dh'fhàsaichear gu lèir:
Is sona dha, mar rinn thu oirnn
a dhìolas dhut da rèir.
9Is sona dhàsan ghlacas fòs
do mhaoth-chlann bheag is thruagh,
'S a phronnas iad gun acarachd
ri clachan daingeann cruaidh'.
Currently Selected:
Sailm Dhaibhidh 137: SD1992
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h-Alba (Scottish Bible Society) 1992.