Loos Lus Tawqhia
Lus Tawqhia
Paulus tsab ntawv uas nws sau mus rau cov ntseeg hauv nroog Loos no yog nws sau mus rau lawv kom lawv npaj tos qhov uas nws yuav mus saib pawg ntseeg tim lub nroog Loos. Nws lub homphiaj yog yuav mus nrog cov ntseeg tid ua haujlwm uake ib ntus, dhau ntawd, kom lawv pab nws mus rau tim tebchaws Xapees. Nws sau mus qhia rau lawv txog nws txoj kev totaub txog txoj kev ntseeg thiab kev coj ua lub neej rawsli tus ntseeg. Phau ntawv no muaj Paulus cov lus qhia txhij-txhua nyob rau hauv.
Tomqab uas Paulus haislus nojqab nyobzoo rau pawg ntseeg hauv lub nroog Loos thiab qhia txog nws tej kev thov Vajtswv pab rau lawv lawm, nws hais txog lub ntsiablus ntawm tsab ntawv no li no: “Txoj Moo Zoo yog qhia txog qhov uas Vajtswv ua rau neeg ncajncees: uas yog los ntawm txoj kev ntseeg thaum pib mus txog thaum xaus” (1:17).
Paulus muab lub ntsiablus no qhia kom meej tias, txhua tus neeg, tagnrho cov Yudais thiab Lwm Haivneeg huvsi, yuav tau los nrog Vajtswv sib raugzoo, vim sawvdaws puavleej nyob hauvqab txoj kev txhaum lub hwjchim. Qhov uas neeg los nrog Vajtswv sib raugzoo tau, yog los ntawm txoj kev ntseeg Yexus Khetos. Dhau ntawd, Paulus qhia txog lub neej tshiab uas nyob rau hauv Yexus los ntawm qhov uas neeg los nrog Vajtswv sib raugzoo. Tus ntseeg muaj kev nyabxeeb nrog rau Vajtswv thiab Vajtswv tus Ntsujplig yog tus tso lawv dim ntawm txoj kev txhaum thiab txoj kev tuag lub hwjchim. Nyob hauv tshooj 5-8, Paulus qhia txog lub homphiaj ntawm Vajtswv txoj Kevcai thiab Vajtswv tus Ntsujplig lub hwjchim uas nyob rau hauv tus ntseeg lub neej. Dhau ntawd, Paulus muab cov Yudais thiab Lwm Haivneeg los ntsuas seb yuav ua licas thiaj dhos Vajtswv lub homphiaj uas Nws npaj rau txhua tus neeg. Paulus xaus lus hais tias qhov uas cov Yudais tsis lees yuav Yexus, yog ib feem ntawm Vajtswv lub homphiaj uas coj txhua haivneeg los ncav kom cuag Vajtswv txoj hmoovhlub uas nyob rau hauv Yexus Khetos, thiab nws ntseeg tias cov Yudais yuav tsis muab Yexus tsotseg mus li. Thaum kawg, Paulus sau txog tus ntseeg yuavtsum ua lub neej zoo licas, tshwjxeeb yog txoj kev hlub uas nrog lwmtus sib raugzoo. Paulus sau txog ntau lub ntsiablus xwsli kev ua Vajtswv haujlwm, kev coj ntawm tus ntseeg rau lub teb lub chaw thiab rau lwmtus, thiab ntau yam lus nug txog txoj kev xav. Nws xaus tsab ntawv no nrog ib cov lus uas tawm hauv nws lub siab tuaj thiab tej lus qhuas Vajtswv.
Txheejtxheem
Lus tawqhia thiab lub ntsiablus (1:1-17)
Neeg xav tau txoj kev cawmdim (1:18—3:20)
Vajtswv txoj kev cawmdim (3:21—4:25)
Lub neej tshiab nyob rau hauv Khetos (5:1—8:39)
Vajtswv lub homphiaj rau cov Yixalayees (9:1—11:36)
Cov ntseeg tus cwjpwm (12:1—15:13)
Xaus lus thiab hais nojqab nyobzoo (15:14—16:27)
Currently Selected:
Loos Lus Tawqhia: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Loos Lus Tawqhia
Lus Tawqhia
Paulus tsab ntawv uas nws sau mus rau cov ntseeg hauv nroog Loos no yog nws sau mus rau lawv kom lawv npaj tos qhov uas nws yuav mus saib pawg ntseeg tim lub nroog Loos. Nws lub homphiaj yog yuav mus nrog cov ntseeg tid ua haujlwm uake ib ntus, dhau ntawd, kom lawv pab nws mus rau tim tebchaws Xapees. Nws sau mus qhia rau lawv txog nws txoj kev totaub txog txoj kev ntseeg thiab kev coj ua lub neej rawsli tus ntseeg. Phau ntawv no muaj Paulus cov lus qhia txhij-txhua nyob rau hauv.
Tomqab uas Paulus haislus nojqab nyobzoo rau pawg ntseeg hauv lub nroog Loos thiab qhia txog nws tej kev thov Vajtswv pab rau lawv lawm, nws hais txog lub ntsiablus ntawm tsab ntawv no li no: “Txoj Moo Zoo yog qhia txog qhov uas Vajtswv ua rau neeg ncajncees: uas yog los ntawm txoj kev ntseeg thaum pib mus txog thaum xaus” (1:17).
Paulus muab lub ntsiablus no qhia kom meej tias, txhua tus neeg, tagnrho cov Yudais thiab Lwm Haivneeg huvsi, yuav tau los nrog Vajtswv sib raugzoo, vim sawvdaws puavleej nyob hauvqab txoj kev txhaum lub hwjchim. Qhov uas neeg los nrog Vajtswv sib raugzoo tau, yog los ntawm txoj kev ntseeg Yexus Khetos. Dhau ntawd, Paulus qhia txog lub neej tshiab uas nyob rau hauv Yexus los ntawm qhov uas neeg los nrog Vajtswv sib raugzoo. Tus ntseeg muaj kev nyabxeeb nrog rau Vajtswv thiab Vajtswv tus Ntsujplig yog tus tso lawv dim ntawm txoj kev txhaum thiab txoj kev tuag lub hwjchim. Nyob hauv tshooj 5-8, Paulus qhia txog lub homphiaj ntawm Vajtswv txoj Kevcai thiab Vajtswv tus Ntsujplig lub hwjchim uas nyob rau hauv tus ntseeg lub neej. Dhau ntawd, Paulus muab cov Yudais thiab Lwm Haivneeg los ntsuas seb yuav ua licas thiaj dhos Vajtswv lub homphiaj uas Nws npaj rau txhua tus neeg. Paulus xaus lus hais tias qhov uas cov Yudais tsis lees yuav Yexus, yog ib feem ntawm Vajtswv lub homphiaj uas coj txhua haivneeg los ncav kom cuag Vajtswv txoj hmoovhlub uas nyob rau hauv Yexus Khetos, thiab nws ntseeg tias cov Yudais yuav tsis muab Yexus tsotseg mus li. Thaum kawg, Paulus sau txog tus ntseeg yuavtsum ua lub neej zoo licas, tshwjxeeb yog txoj kev hlub uas nrog lwmtus sib raugzoo. Paulus sau txog ntau lub ntsiablus xwsli kev ua Vajtswv haujlwm, kev coj ntawm tus ntseeg rau lub teb lub chaw thiab rau lwmtus, thiab ntau yam lus nug txog txoj kev xav. Nws xaus tsab ntawv no nrog ib cov lus uas tawm hauv nws lub siab tuaj thiab tej lus qhuas Vajtswv.
Txheejtxheem
Lus tawqhia thiab lub ntsiablus (1:1-17)
Neeg xav tau txoj kev cawmdim (1:18—3:20)
Vajtswv txoj kev cawmdim (3:21—4:25)
Lub neej tshiab nyob rau hauv Khetos (5:1—8:39)
Vajtswv lub homphiaj rau cov Yixalayees (9:1—11:36)
Cov ntseeg tus cwjpwm (12:1—15:13)
Xaus lus thiab hais nojqab nyobzoo (15:14—16:27)
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.