Loos 1
1
1Kuv yog Paulus, uas yog Yexus Khetos ib tug tubtxib, thiab yog ib tug timthawj uas Vajtswv tau xaiv thiab hu los qhia Nws Txoj Moo Zoo.
2Txoj Moo Zoo ntawd, Vajtswv twb coglus ntev los lawm, los ntawm Nws cov xibhwb cev Vajtswv lus uas tau muab sau tseg rau hauv Vajtswv tej Lus uas Dawbhuv. 3Txoj Moo Zoo yog hais txog Nws tus Tub, uas yog peb tus Tswv Yexus Khetos: ntawm sab nqaijtawv, Nws yog Daviv li cajces; 4ntawm sab Ntsujplig uas dawbhuv, Nws yog Vajtswv tus Tub uas muaj hwjchim loj, rauqhov Nws tau raug tsa sawv hauv qhovtuag rovqab los lawm. 5Los ntawm Nws, Vajtswv thiaj pub rau kuv muaj feem los ua ib tug timthawj pub rau Khetos, kom mus coj txhua haivneeg los ntseeg thiab mloog Vajtswv lus. 6Xam tagnrho nej cov uas nyob hauv lub nroog Loos no, uas Vajtswv twb hu los ua Yexus Khetos tug lawm thiab.
7Yogli ntawd, kuv thiaj sau tsab ntawv no tuaj rau nej txhua tus uas nyob hauv lub nroog Loos no, uas Vajtswv hlub thiab Vajtswv tau hu los ua Nws haivneeg lawm:
Thov Vajtswv uas yog peb Leejtxiv thiab tus Tswv Yexus Khetos pub txoj hmoovhlub thiab kev nyabxeeb rau nej.
Paulus Ua Vajtswv Tsaug
8Uantej no, kuv ua kuv tus Vajtswv tsaug rau nej txhua tus los ntawm Yexus Khetos, rauqhov neeg thoob qabntuj tabtom hnov txog nej txoj kev ntseeg. 9Tus Vajtswv uas kuv teevtiam kawg siab kawg ntsws rau, xwsli qhuabqhia Txoj Moo Zoo uas hais txog Nws tus Tub, yog tus uas ua povthawj hais tias kuv ncontsoov nej 10txhua zaus uas kuv thov Vajtswv. Kuv thov Vajtswv hais tias yog Nws pomzoo, thov Nws qhib kev rau kuv tuaj saib nej. 11Rauqhov kuv xav pom nej, kom kuv thiaj faib tau Vajtswv txoj koobhmoov ntawm sab ntsujplig rau nej, kom nej txoj kev ntseeg ruaj-khov. 12Kuv hais li no yog txhais hais tias kom peb ib leeg txhawb ib leeg; kuv kev ntseeg yuav txhawb tau nej thiab nej kev ntseeg yuav txhawb tau kuv.
13Cov kwvtij sawvdaws, kuv xav hais rau nej tias, kuv yeej npajsiab yuav tuaj saib nej ntau zaug lawm, tiamsis pheej muaj tej yam los tabkaum ua rau kuv tuaj tsis tau. Kuv kuj xav coj cov neeg uas nrog nej nyob uake kom lawv los ntseeg, ib yam li kuv twb coj Lwm Haivneeg los ntseeg lawm. #Teshl 19:21 14Rauqhov kuv tshuav cov neeg Kilis thiab lwm haivneeg, cov txawjntse thiab cov ruam li nqi. 15Yogli ntawd, kuv thiaj kubsiab lug xav tuaj qhia Txoj Moo Zoo rau nej cov uas nyob hauv lub nroog Loos ib yam nkaus thiab.
Txoj Moo Zoo Lub Hwjchim
16Kuv yeej tsis txajmuag rau Txoj Moo Zoo, rauqhov Txoj Moo Zoo yog Vajtswv lub hwjchim uas cawm tau txhua tus uas ntseeg; cov Yudais yog cov uantej, tomqab ntawd yog Lwm Haivneeg. #Malak 8:38 17Txoj Moo Zoo yog qhia txog qhov uas Vajtswv ua rau neeg muaj kev ncajncees: uas yog los ntawm txoj kev ntseeg thaum pib mus txog thaum xaus. Rawsli Vajtswv Txojlus tau hais tseg hais tias, “Tus neeg uas ncajncees los ntawm txoj kev ntseeg, tus ntawd yuav tau txojsia.”#1:17: ncajncees los ntawm txoj kev ntseeg, tus ntawd yuav tau txojsia; lossis ncajncees, tus ntawd yuav tau ua lub neej los ntawm txoj kev ntseeg. #Henpl 2:4
Neeg Txoj Kev Txhaum
18Vajtswv ua Nws txoj kev npautaws tshwm saum ntuj los tawmtsam txhua yam kev txhaum thiab kev phem uas neeg ua, rauqhov lawv tej kev phem ntawd ua rau neeg tsis paub qhov tseeb lawm. 19Vajtswv rautxim rau lawv, rauqhov nws yoojyim heev rau lawv los paub txog Vajtswv, vim Vajtswv yog tus uas ua kom tej ntawd yoojyim. 20Txij thaum Vajtswv tsim ntuj tsim teb los, txawm yog neeg qhovmuag tsis pom Vajtswv tus uas muaj hwjchim nyob mus ibtxhis thiab qhov uas Nws yog Vajtswv los yog lawv saib ibpuas tsavyam uas Nws tsim, lawv yeej paub tias muaj Vajtswv tiag. Yogli ntawd, lawv yuav hais tias lawv tsis paub Vajtswv yeej hais tsis tau li!
21Lawv yeej paub Vajtswv, tiamsis lawv tsis kam hwm Nws hais tias Nws yog Vajtswv, lossis tsis kam ua Nws tsaug. Lawv tej kev xav ciali tsis muaj qabhau, thiab lawv lub hlwb uas khoob los ntawd ciali puvnpo kev tsausntuj lawm. #Efex 4:17-18 22Lawv khav hais tias lawv yog neeg ntse, tiamsis lawv ruam kawg li; 23twb tsimnyog lawv pehawm Vajtswv tus uas muaj sia nyob mus ibtxhis, tiamsis lawv ho mus pe tej mlom uas neeg txua zooli tej neeg uas txawj tuag, zooli noog, zooli tsiaj, lossis zooli nab. #2Kev 4:16-18
24Twb yog vimli ntawd, Vajtswv thiaj cia lawv mus ua phem ua qias rawsli lawv lub siab ntshaw, thiab ua ntau yam kev txajmuag rau lawv lub cev. 25Lawv muab qhov tseeb uas hais txog Vajtswv pauv ua qhov cuav. Lawv pehawm thiab teev tej uas Vajtswv tsim, tiamsis ho tsis pehawm tus Vajtswv uas tsim txhua yam ntawd. Vajtswv thiaj yog tus tsimnyog sawvdaws qhuas mus tag ibtxhis! Amees.
26Twb yog vimli ntawd, Vajtswv thiaj cia lawv mus ua ntau yam rawsli lawv lub siab ntshaw uas raug kev txajmuag. Txawm yog tej pojniam los ib leeg ciali deev ib leeg, uas ibtxwm yeej tsis muaj li ntawd. 27Tej txivneej los ua ib yam nkaus li ntawd; rawsli ibtxwm pojniam thiab txivneej thiaj ua niamtxiv xwb, tiamsis tej txivneej ciali tso qhov ntawd tseg, thiab ib leeg ciali deev ib leeg uas yog ua tej yam txajmuag kawg li. Thaum kawg lawv thiaj tau txais Vajtswv txoj kev teemtxim uas tsimnyog li tej kev phem qias uas lawv tau ua ntawd.
28Twb yog vim lawv tsis kam lees paub qhov tseeb txog Vajtswv, Vajtswv thiaj tso lawv tseg, ua rau lawv lub hlwb thiaj xav txog tej kev phem kev qias xwb, yogli ntawd lawv thiaj mus ua tej uas tsis tsimnyog ua. 29Lawv lub neej puvnpo txhua yam kev phem, lawv limhiam, siabhlob, uanruj uatsiv, muaj lub siab khib, tua neeg, sibcav sibceg, dag-ntxias, thiab xav phem rau lwmtus. Lawv taugxaiv 30thiab ib leeg haislus chob rau ib leeg; lawv ntxub Vajtswv, thuam lwmtus, khavtheeb, thiab muabhlob; lawv niajhnub nrhiav kev ua phem, lawv tsis mloog niamtxiv lus; 31lawv tsis paub qhov phem qhov zoo, lawv tsis ua rawsli tej uas lawv tau coglus tseg, thiab lawv yeej tsis muaj kev hlub los yog kev tabncuab rau leejtwg li. 32Lawv yeej paub tias Vajtswv txoj kevcai yeej qhia hais tias cov neeg uas ua lub neej zooli ntawd yeej tsimnyog raug kev tuag; txawm li ntawd los twb tsis yog lawv niajhnub ua tej kev phem ntawd xwb, lawv tseem pomzoo rau lwmtus ua tej kev phem ntawd thiab.
Currently Selected:
Loos 1: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Loos 1
1
1Kuv yog Paulus, uas yog Yexus Khetos ib tug tubtxib, thiab yog ib tug timthawj uas Vajtswv tau xaiv thiab hu los qhia Nws Txoj Moo Zoo.
2Txoj Moo Zoo ntawd, Vajtswv twb coglus ntev los lawm, los ntawm Nws cov xibhwb cev Vajtswv lus uas tau muab sau tseg rau hauv Vajtswv tej Lus uas Dawbhuv. 3Txoj Moo Zoo yog hais txog Nws tus Tub, uas yog peb tus Tswv Yexus Khetos: ntawm sab nqaijtawv, Nws yog Daviv li cajces; 4ntawm sab Ntsujplig uas dawbhuv, Nws yog Vajtswv tus Tub uas muaj hwjchim loj, rauqhov Nws tau raug tsa sawv hauv qhovtuag rovqab los lawm. 5Los ntawm Nws, Vajtswv thiaj pub rau kuv muaj feem los ua ib tug timthawj pub rau Khetos, kom mus coj txhua haivneeg los ntseeg thiab mloog Vajtswv lus. 6Xam tagnrho nej cov uas nyob hauv lub nroog Loos no, uas Vajtswv twb hu los ua Yexus Khetos tug lawm thiab.
7Yogli ntawd, kuv thiaj sau tsab ntawv no tuaj rau nej txhua tus uas nyob hauv lub nroog Loos no, uas Vajtswv hlub thiab Vajtswv tau hu los ua Nws haivneeg lawm:
Thov Vajtswv uas yog peb Leejtxiv thiab tus Tswv Yexus Khetos pub txoj hmoovhlub thiab kev nyabxeeb rau nej.
Paulus Ua Vajtswv Tsaug
8Uantej no, kuv ua kuv tus Vajtswv tsaug rau nej txhua tus los ntawm Yexus Khetos, rauqhov neeg thoob qabntuj tabtom hnov txog nej txoj kev ntseeg. 9Tus Vajtswv uas kuv teevtiam kawg siab kawg ntsws rau, xwsli qhuabqhia Txoj Moo Zoo uas hais txog Nws tus Tub, yog tus uas ua povthawj hais tias kuv ncontsoov nej 10txhua zaus uas kuv thov Vajtswv. Kuv thov Vajtswv hais tias yog Nws pomzoo, thov Nws qhib kev rau kuv tuaj saib nej. 11Rauqhov kuv xav pom nej, kom kuv thiaj faib tau Vajtswv txoj koobhmoov ntawm sab ntsujplig rau nej, kom nej txoj kev ntseeg ruaj-khov. 12Kuv hais li no yog txhais hais tias kom peb ib leeg txhawb ib leeg; kuv kev ntseeg yuav txhawb tau nej thiab nej kev ntseeg yuav txhawb tau kuv.
13Cov kwvtij sawvdaws, kuv xav hais rau nej tias, kuv yeej npajsiab yuav tuaj saib nej ntau zaug lawm, tiamsis pheej muaj tej yam los tabkaum ua rau kuv tuaj tsis tau. Kuv kuj xav coj cov neeg uas nrog nej nyob uake kom lawv los ntseeg, ib yam li kuv twb coj Lwm Haivneeg los ntseeg lawm. #Teshl 19:21 14Rauqhov kuv tshuav cov neeg Kilis thiab lwm haivneeg, cov txawjntse thiab cov ruam li nqi. 15Yogli ntawd, kuv thiaj kubsiab lug xav tuaj qhia Txoj Moo Zoo rau nej cov uas nyob hauv lub nroog Loos ib yam nkaus thiab.
Txoj Moo Zoo Lub Hwjchim
16Kuv yeej tsis txajmuag rau Txoj Moo Zoo, rauqhov Txoj Moo Zoo yog Vajtswv lub hwjchim uas cawm tau txhua tus uas ntseeg; cov Yudais yog cov uantej, tomqab ntawd yog Lwm Haivneeg. #Malak 8:38 17Txoj Moo Zoo yog qhia txog qhov uas Vajtswv ua rau neeg muaj kev ncajncees: uas yog los ntawm txoj kev ntseeg thaum pib mus txog thaum xaus. Rawsli Vajtswv Txojlus tau hais tseg hais tias, “Tus neeg uas ncajncees los ntawm txoj kev ntseeg, tus ntawd yuav tau txojsia.”#1:17: ncajncees los ntawm txoj kev ntseeg, tus ntawd yuav tau txojsia; lossis ncajncees, tus ntawd yuav tau ua lub neej los ntawm txoj kev ntseeg. #Henpl 2:4
Neeg Txoj Kev Txhaum
18Vajtswv ua Nws txoj kev npautaws tshwm saum ntuj los tawmtsam txhua yam kev txhaum thiab kev phem uas neeg ua, rauqhov lawv tej kev phem ntawd ua rau neeg tsis paub qhov tseeb lawm. 19Vajtswv rautxim rau lawv, rauqhov nws yoojyim heev rau lawv los paub txog Vajtswv, vim Vajtswv yog tus uas ua kom tej ntawd yoojyim. 20Txij thaum Vajtswv tsim ntuj tsim teb los, txawm yog neeg qhovmuag tsis pom Vajtswv tus uas muaj hwjchim nyob mus ibtxhis thiab qhov uas Nws yog Vajtswv los yog lawv saib ibpuas tsavyam uas Nws tsim, lawv yeej paub tias muaj Vajtswv tiag. Yogli ntawd, lawv yuav hais tias lawv tsis paub Vajtswv yeej hais tsis tau li!
21Lawv yeej paub Vajtswv, tiamsis lawv tsis kam hwm Nws hais tias Nws yog Vajtswv, lossis tsis kam ua Nws tsaug. Lawv tej kev xav ciali tsis muaj qabhau, thiab lawv lub hlwb uas khoob los ntawd ciali puvnpo kev tsausntuj lawm. #Efex 4:17-18 22Lawv khav hais tias lawv yog neeg ntse, tiamsis lawv ruam kawg li; 23twb tsimnyog lawv pehawm Vajtswv tus uas muaj sia nyob mus ibtxhis, tiamsis lawv ho mus pe tej mlom uas neeg txua zooli tej neeg uas txawj tuag, zooli noog, zooli tsiaj, lossis zooli nab. #2Kev 4:16-18
24Twb yog vimli ntawd, Vajtswv thiaj cia lawv mus ua phem ua qias rawsli lawv lub siab ntshaw, thiab ua ntau yam kev txajmuag rau lawv lub cev. 25Lawv muab qhov tseeb uas hais txog Vajtswv pauv ua qhov cuav. Lawv pehawm thiab teev tej uas Vajtswv tsim, tiamsis ho tsis pehawm tus Vajtswv uas tsim txhua yam ntawd. Vajtswv thiaj yog tus tsimnyog sawvdaws qhuas mus tag ibtxhis! Amees.
26Twb yog vimli ntawd, Vajtswv thiaj cia lawv mus ua ntau yam rawsli lawv lub siab ntshaw uas raug kev txajmuag. Txawm yog tej pojniam los ib leeg ciali deev ib leeg, uas ibtxwm yeej tsis muaj li ntawd. 27Tej txivneej los ua ib yam nkaus li ntawd; rawsli ibtxwm pojniam thiab txivneej thiaj ua niamtxiv xwb, tiamsis tej txivneej ciali tso qhov ntawd tseg, thiab ib leeg ciali deev ib leeg uas yog ua tej yam txajmuag kawg li. Thaum kawg lawv thiaj tau txais Vajtswv txoj kev teemtxim uas tsimnyog li tej kev phem qias uas lawv tau ua ntawd.
28Twb yog vim lawv tsis kam lees paub qhov tseeb txog Vajtswv, Vajtswv thiaj tso lawv tseg, ua rau lawv lub hlwb thiaj xav txog tej kev phem kev qias xwb, yogli ntawd lawv thiaj mus ua tej uas tsis tsimnyog ua. 29Lawv lub neej puvnpo txhua yam kev phem, lawv limhiam, siabhlob, uanruj uatsiv, muaj lub siab khib, tua neeg, sibcav sibceg, dag-ntxias, thiab xav phem rau lwmtus. Lawv taugxaiv 30thiab ib leeg haislus chob rau ib leeg; lawv ntxub Vajtswv, thuam lwmtus, khavtheeb, thiab muabhlob; lawv niajhnub nrhiav kev ua phem, lawv tsis mloog niamtxiv lus; 31lawv tsis paub qhov phem qhov zoo, lawv tsis ua rawsli tej uas lawv tau coglus tseg, thiab lawv yeej tsis muaj kev hlub los yog kev tabncuab rau leejtwg li. 32Lawv yeej paub tias Vajtswv txoj kevcai yeej qhia hais tias cov neeg uas ua lub neej zooli ntawd yeej tsimnyog raug kev tuag; txawm li ntawd los twb tsis yog lawv niajhnub ua tej kev phem ntawd xwb, lawv tseem pomzoo rau lwmtus ua tej kev phem ntawd thiab.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.