Tes Haujlwm 28
28
Nyob Hauv Malatas
1Thaum peb txhua tus dim thiab tawm tau rau tim ntug lawm, peb thiaj paub tias lub povtxwv ntawd hu ua Malatas. 2Cov neeg uas yeej ibtxwm nyob hauv lub povtxwv ntawd ua zoo rau peb kawg li. Lawv rauv taws rau peb nte thiab tostxais peb, rauqhov thaum ntawd tabtom los nag thiab no heev.
3Paulus mus khaws tau ib tsuag taws los thiab tabtom muab tso rau hauv qhovcub; thaum pa taws ntshawb, txawm muaj ib tug nab muaj taug tawm hauv tsuag taws los tom kiag Paulus txhais tes. 4Thaum cov neeg Malatas pom tus nab tom dai vias ntawm Paulus txhais tes, lawv sibtham hais tias, “Tus txivneej no, ntshe nws yog ib tug neeg tua neeg, txawm yog nws twb dim hauv hiavtxwv los lawm los Ntuj tseem tsis tseg nws nyob thiab.” 5Tiamsis Paulus nchos kiag tus nab poob rau hauv qhovcub, thiab nws tsis mob licas li. 6Cov neeg ntawd tosntsoov saib seb Paulus puas yuav o lossis yuav ciali ntog kiag thiab tuag kiag tamsim ntawd; tiamsis tomqab lawv tos ntev loo, tsis pom muaj dabtsi txawv li, ces lawv txawm hloov siab thiab hais tias nws yog ib tug nyuag vajtswv.
7Tus nom uas kav lub povtxwv ntawd hu ua Punplius, nws muaj ib cov teb uas nyob tsis deb ntawm qhov chaw uas peb nyob ntawd. Nws tostxais peb zoo kawg li thiab peb mus so hauv nws tsev tau peb hnub. 8Thaum ntawd Punplius txiv tabtom mob thiab pw rau saum txaj uas yog uanpaws thiab thoj plab. Paulus mus saib Punplius txiv hauv txaj, thov Vajtswv rau nws, cev tes tuav nws, thiab kho kom nws tus mob zoo. 9Thaum Paulus kho Punplius txiv zoo lawm, tagnrho cov neeg muaj mob uas nyob hauv lub povtxwv ntawd txawm tuaj cuag Paulus, thiab lawv txhua tus tej mob zoo huv tibsi. 10Lawv nqa ntau yam khoomplig tuaj pub rau peb uas yog ua peb tsaug, thiab thaum peb yuav caij nkoj mus, lawv tau nqa tej uas peb cheemtsum tuaj tso rau hauv lub nkoj rau peb siv.
Mus Ntawm Malatas Rau Tim Loos
11Tomqab uas peb nyob ntawd tau peb lub hlis, peb thiaj caij lub nkoj uas tuaj nram lub nroog Alexadias tuaj uas hu ua “Ob Nyuag Vajtswv Ntxaib,” uas tuaj so rau lub povtxwv ntawd thaum lub caij ntuj no. 12Peb tau mus txog rau pem lub nroog Xilakuxes thiab nyob ntawd tau peb hnub. 13Dhau ntawd peb caij nkoj mus rau pem lub nroog Lenkioos. Hnub tomqab txawm muaj ib nthwv cua ntsawj sab qabteb tuaj, peb caij nkoj mus ob hnub thiaj mus txog pem lub nroog Pute-aulis. 14Peb mus ntsib ib cov ntseeg uas nyob rau hauv Pute-aulis. Lawv tau thov kom peb nrog lawv nyob xya hnub. Tomqab ntawd peb mamli mus txog pem lub nroog Loos. 15Thaum cov kwvtij ntseeg uas nyob hauv lub nroog Loos hnov tias peb tuaj lawm, lawv txawm tuaj deb kawg li tuaj, uas yog tuaj puag nram lub Kiab Apius tuaj thiab lub zos uas hu ua Peb Lub Tsevso tuaj ntsib peb. Thaum Paulus pom lawv lawm, nws ua Vajtswv tsaug thiab txhawb nws zog kawg li.
Nyob Hauv Lub Nroog Loos
16Thaum peb mus txog hauv lub nroog Loos lawm, cov nomtswv tsocai rau Paulus nws nyob nws, tsuas yog lawv tso ib tug tubrog zov Paulus xwb.
17Peb hnub tomqab ntawd Paulus txawm hu cov Yudais tej thawjcoj uas nyob hauv lub nroog ntawd tuaj sablaj. Thaum sawvdaws tuaj txhij lawm, Paulus hais rau lawv hais tias, “Cov kwvtij, txawm yog kuv tsis tau ua txhaum peb haivneeg lossis tsis tau ua txhaum peb cov yawgkoob tej kevcai los kuv ciali raug ntes hauv nroog Yeluxalees thiab raug muab cob rau cov nomtswv Loos. 18Thaum cov nomtswv Loos taug kuv zaj tag, lawv xav tso kuv, rauqhov lawv tsis pom kuv ua ib qho txhaum uas yuav tsimnyog raug lub txim tuag. 19Tiamsis cov Yudais txwv tsis pub lawv tso kuv, kuv thiaj thov tuaj cuag Xixas. Kuv ua li no, tsis yog kuv yuav tuaj kom kuv haivneeg. #Teshl 25:11 20Twb yog vimli no, kuv thiajli thov ntsib nej thiab nrog nej tham. Kuv raug muab saw hlau khi li no twb yog vim kuv ua pub rau tus uas cov Yixalayees ciasiab rau ntag.”
21Lawv hais rau Paulus tias, “Peb yeej tsis tau txais ib tsab ntawv tuaj tim lub xeev Yudas tuaj uas yog sau txog koj zaj li, lossis yeej tsis hnov peb cov kwvtij uas tuaj tid tuaj, es yuav qhia ib qho xov txog koj lossis hais tej yam uas tsis zoo txog koj hlo li. 22Tiamsis peb xav hnov seb koj xav licas, rauqhov peb paub tias tej neeg uas nyob txhua qhov chaw, sawvdaws tawmtsam pab uas koj mus koom nrog lawv ntawd.”
23Lawv txawm teem ib lub sijhawm ntsib Paulus. Thaum txog hnub ntawd, muaj neeg coob-coob tuaj rau ntawm lub chaw uas Paulus nyob. Txij thaum sawvntxov mus txog ntua thaum tsausntuj, Paulus tau qhia lawv txog Vajtswv lub Tebchaws. Nws xav kom lawv paub txog Yexus, nws thiaj muab tej lus uas Mauxes thiab cov xibhwb cev Vajtswv lus sau tseg lawm qhia rau lawv. 24Muaj ibtxhia ntseeg tej uas Paulus qhia, tiamsis muaj ibtxhia tsis ntseeg. 25Lawv haislus tsis sibhaum, ces nyias txawm tawm nyias lawm. Thaum lawv yuav mus Paulus hais ib los rau lawv hais tias, “Vaj Ntsujplig tus Dawbhuv kom Yaxayas, uas yog tus xibhwb cev Vajtswv lus hais tseeb rau nej cov yawgkoob: 26Nws hais tias,
“ ‘Ciali mus hais rau cov neeg no hais tias,
nej yuav mloog tag mloog thiab, los yeej tsis totaub;
nej yuav saib tag saib thiab, los yeej tsis pom; #Yaxaya 6:9-10 (LXX)
27rauqhov cov neeg no lub siab ruam,
lawv ntsaws lawv tej pobntseg,
thiab lawv qe lawv tej qhovmuag.
Vajtswv hais tias, yog tsis li ntawd, lawv tej qhovmuag yuav pom,
lawv tej pobntseg yuav hnov,
lawv lub siab yuav totaub,
ces lawv yuav tig los cuag Kuv,
thiab Kuv yuav kho kom lawv zoo.’ ”
28Paulus xaus lus hais tias, “Kuv xav kom nej paub tias Vajtswv Txojlus uas hais txog txoj kev cawmdim twb raug muab xa mus rau Lwm Haivneeg lawm. Lawv yeej yuav mloog!” 29#28:29: Tej phau ntawv qub uas xuas tes sau, ntxiv nqe 29 no rau: Thaum Paulus hais li ntawd tag, cov Yudais sibcav muajceem heev, ces lawv nyias txawm tawm nyias mus lawm.
30Paulus nyob hauv lub tsev uas nws xauj tau ob xyoos txwm nkaus, nws tostxais txhua tus uas tuaj saib nws. 31Nws qhuabqhia txog Vajtswv lub Tebchaws thiab qhia txog Tswv Yexus Khetos, nws tsis ntshai leejtwg li thiab tsis muaj leejtwg txwv nws.
Currently Selected:
Tes Haujlwm 28: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tes Haujlwm 28
28
Nyob Hauv Malatas
1Thaum peb txhua tus dim thiab tawm tau rau tim ntug lawm, peb thiaj paub tias lub povtxwv ntawd hu ua Malatas. 2Cov neeg uas yeej ibtxwm nyob hauv lub povtxwv ntawd ua zoo rau peb kawg li. Lawv rauv taws rau peb nte thiab tostxais peb, rauqhov thaum ntawd tabtom los nag thiab no heev.
3Paulus mus khaws tau ib tsuag taws los thiab tabtom muab tso rau hauv qhovcub; thaum pa taws ntshawb, txawm muaj ib tug nab muaj taug tawm hauv tsuag taws los tom kiag Paulus txhais tes. 4Thaum cov neeg Malatas pom tus nab tom dai vias ntawm Paulus txhais tes, lawv sibtham hais tias, “Tus txivneej no, ntshe nws yog ib tug neeg tua neeg, txawm yog nws twb dim hauv hiavtxwv los lawm los Ntuj tseem tsis tseg nws nyob thiab.” 5Tiamsis Paulus nchos kiag tus nab poob rau hauv qhovcub, thiab nws tsis mob licas li. 6Cov neeg ntawd tosntsoov saib seb Paulus puas yuav o lossis yuav ciali ntog kiag thiab tuag kiag tamsim ntawd; tiamsis tomqab lawv tos ntev loo, tsis pom muaj dabtsi txawv li, ces lawv txawm hloov siab thiab hais tias nws yog ib tug nyuag vajtswv.
7Tus nom uas kav lub povtxwv ntawd hu ua Punplius, nws muaj ib cov teb uas nyob tsis deb ntawm qhov chaw uas peb nyob ntawd. Nws tostxais peb zoo kawg li thiab peb mus so hauv nws tsev tau peb hnub. 8Thaum ntawd Punplius txiv tabtom mob thiab pw rau saum txaj uas yog uanpaws thiab thoj plab. Paulus mus saib Punplius txiv hauv txaj, thov Vajtswv rau nws, cev tes tuav nws, thiab kho kom nws tus mob zoo. 9Thaum Paulus kho Punplius txiv zoo lawm, tagnrho cov neeg muaj mob uas nyob hauv lub povtxwv ntawd txawm tuaj cuag Paulus, thiab lawv txhua tus tej mob zoo huv tibsi. 10Lawv nqa ntau yam khoomplig tuaj pub rau peb uas yog ua peb tsaug, thiab thaum peb yuav caij nkoj mus, lawv tau nqa tej uas peb cheemtsum tuaj tso rau hauv lub nkoj rau peb siv.
Mus Ntawm Malatas Rau Tim Loos
11Tomqab uas peb nyob ntawd tau peb lub hlis, peb thiaj caij lub nkoj uas tuaj nram lub nroog Alexadias tuaj uas hu ua “Ob Nyuag Vajtswv Ntxaib,” uas tuaj so rau lub povtxwv ntawd thaum lub caij ntuj no. 12Peb tau mus txog rau pem lub nroog Xilakuxes thiab nyob ntawd tau peb hnub. 13Dhau ntawd peb caij nkoj mus rau pem lub nroog Lenkioos. Hnub tomqab txawm muaj ib nthwv cua ntsawj sab qabteb tuaj, peb caij nkoj mus ob hnub thiaj mus txog pem lub nroog Pute-aulis. 14Peb mus ntsib ib cov ntseeg uas nyob rau hauv Pute-aulis. Lawv tau thov kom peb nrog lawv nyob xya hnub. Tomqab ntawd peb mamli mus txog pem lub nroog Loos. 15Thaum cov kwvtij ntseeg uas nyob hauv lub nroog Loos hnov tias peb tuaj lawm, lawv txawm tuaj deb kawg li tuaj, uas yog tuaj puag nram lub Kiab Apius tuaj thiab lub zos uas hu ua Peb Lub Tsevso tuaj ntsib peb. Thaum Paulus pom lawv lawm, nws ua Vajtswv tsaug thiab txhawb nws zog kawg li.
Nyob Hauv Lub Nroog Loos
16Thaum peb mus txog hauv lub nroog Loos lawm, cov nomtswv tsocai rau Paulus nws nyob nws, tsuas yog lawv tso ib tug tubrog zov Paulus xwb.
17Peb hnub tomqab ntawd Paulus txawm hu cov Yudais tej thawjcoj uas nyob hauv lub nroog ntawd tuaj sablaj. Thaum sawvdaws tuaj txhij lawm, Paulus hais rau lawv hais tias, “Cov kwvtij, txawm yog kuv tsis tau ua txhaum peb haivneeg lossis tsis tau ua txhaum peb cov yawgkoob tej kevcai los kuv ciali raug ntes hauv nroog Yeluxalees thiab raug muab cob rau cov nomtswv Loos. 18Thaum cov nomtswv Loos taug kuv zaj tag, lawv xav tso kuv, rauqhov lawv tsis pom kuv ua ib qho txhaum uas yuav tsimnyog raug lub txim tuag. 19Tiamsis cov Yudais txwv tsis pub lawv tso kuv, kuv thiaj thov tuaj cuag Xixas. Kuv ua li no, tsis yog kuv yuav tuaj kom kuv haivneeg. #Teshl 25:11 20Twb yog vimli no, kuv thiajli thov ntsib nej thiab nrog nej tham. Kuv raug muab saw hlau khi li no twb yog vim kuv ua pub rau tus uas cov Yixalayees ciasiab rau ntag.”
21Lawv hais rau Paulus tias, “Peb yeej tsis tau txais ib tsab ntawv tuaj tim lub xeev Yudas tuaj uas yog sau txog koj zaj li, lossis yeej tsis hnov peb cov kwvtij uas tuaj tid tuaj, es yuav qhia ib qho xov txog koj lossis hais tej yam uas tsis zoo txog koj hlo li. 22Tiamsis peb xav hnov seb koj xav licas, rauqhov peb paub tias tej neeg uas nyob txhua qhov chaw, sawvdaws tawmtsam pab uas koj mus koom nrog lawv ntawd.”
23Lawv txawm teem ib lub sijhawm ntsib Paulus. Thaum txog hnub ntawd, muaj neeg coob-coob tuaj rau ntawm lub chaw uas Paulus nyob. Txij thaum sawvntxov mus txog ntua thaum tsausntuj, Paulus tau qhia lawv txog Vajtswv lub Tebchaws. Nws xav kom lawv paub txog Yexus, nws thiaj muab tej lus uas Mauxes thiab cov xibhwb cev Vajtswv lus sau tseg lawm qhia rau lawv. 24Muaj ibtxhia ntseeg tej uas Paulus qhia, tiamsis muaj ibtxhia tsis ntseeg. 25Lawv haislus tsis sibhaum, ces nyias txawm tawm nyias lawm. Thaum lawv yuav mus Paulus hais ib los rau lawv hais tias, “Vaj Ntsujplig tus Dawbhuv kom Yaxayas, uas yog tus xibhwb cev Vajtswv lus hais tseeb rau nej cov yawgkoob: 26Nws hais tias,
“ ‘Ciali mus hais rau cov neeg no hais tias,
nej yuav mloog tag mloog thiab, los yeej tsis totaub;
nej yuav saib tag saib thiab, los yeej tsis pom; #Yaxaya 6:9-10 (LXX)
27rauqhov cov neeg no lub siab ruam,
lawv ntsaws lawv tej pobntseg,
thiab lawv qe lawv tej qhovmuag.
Vajtswv hais tias, yog tsis li ntawd, lawv tej qhovmuag yuav pom,
lawv tej pobntseg yuav hnov,
lawv lub siab yuav totaub,
ces lawv yuav tig los cuag Kuv,
thiab Kuv yuav kho kom lawv zoo.’ ”
28Paulus xaus lus hais tias, “Kuv xav kom nej paub tias Vajtswv Txojlus uas hais txog txoj kev cawmdim twb raug muab xa mus rau Lwm Haivneeg lawm. Lawv yeej yuav mloog!” 29#28:29: Tej phau ntawv qub uas xuas tes sau, ntxiv nqe 29 no rau: Thaum Paulus hais li ntawd tag, cov Yudais sibcav muajceem heev, ces lawv nyias txawm tawm nyias mus lawm.
30Paulus nyob hauv lub tsev uas nws xauj tau ob xyoos txwm nkaus, nws tostxais txhua tus uas tuaj saib nws. 31Nws qhuabqhia txog Vajtswv lub Tebchaws thiab qhia txog Tswv Yexus Khetos, nws tsis ntshai leejtwg li thiab tsis muaj leejtwg txwv nws.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.