Loos 16

Paulus Hais Nojqab Nyobzoo

1Kuv xav qhia rau nej txog peb tus muam Faunpis, uas ua haujlwm pab pawg ntseeg hauv lub nroog Kheekhias. 2Thov nej tostxais nws ntawm tus Tswv lub npe, kom tsimnyog li cov ntseeg, thiab pab nws rawsli nws kev cheemtsum; rauqhov nws tau pab sawvdaws thiab pab kuv ntau kawg los lawm.

3Thov hais nojqab nyobzoo rau Pixilas thiab Akhilas nkawd; nkawd yog ob tug uas nrog kuv ua Yexus Khetos tes haujlwm; #Teshl 18:2 4nkawd tau nphavsiav pub rau kuv. Tsis yog kuv tibleeg thiaj ua nkawd tsaug xwb, tiamsis txhua pawg ntseeg uas yog Lwm Haivneeg puavleej ua nkawd tsaug thiab. 5Thov hais nojqab nyobzoo rau cov ntseeg uas tuaj sablaj hauv nkawd tsev thiab.

Thov hais nojqab nyobzoo rau kuv tus phoojywg Epanetus, uas yog thawjtug hauv lub xeev Exias los ntseeg Khetos. 6Thov hais nojqab nyobzoo rau Malis, uas tau siv zog ua haujlwm pab nej. 7Thov hais nojqab nyobzoo rau Aanraunikus thiab Yuniyas,#16:7: Yuniyas; lossis Yunai-as; tej phau ntawv qub uas xuas tes sau, muaj Yulias. uas yog kuv li txheebze uas raug kaw nrog kuv hauv tsev lojcuj; nkawd kuj yog ob tug uas nto npe nyob rau hauv cov timthawj, thiab nkawd tseem xub los ntseeg Yexus uantej kuv.

8Thov hais nojqab nyobzoo rau Apliatus, uas yog tus phoojywg uas kuv hlub nyob rau hauv tus Tswv. 9Thov hais nojqab nyobzoo rau Awnpanus, uas yog ib tug phoojywg nrog peb ua Khetos tes haujlwm, thiab hais rau Xitakhis, uas yog kuv tus phoojywg. 10Thov hais nojqab nyobzoo rau Apeles, uas ncajncees rau Khetos heev. Hais nojqab nyobzoo rau Alitaunpulus tsev neeg. 11Thov hais nojqab nyobzoo rau kuv ib tug kwvtij Helaudi-oos, thiab hais nojqab nyobzoo rau cov ntseeg Yexus uas nyob hauv Nakixus tsev neeg.

12Hais nojqab nyobzoo rau Tifainas thiab Tifauxas, uas ua haujlwm rau tus Tswv, thiab hais rau kuv tus phoojywg zoo Pawxis, uas tau ua haujlwm ntau heev pub rau tus Tswv. 13Kuv xa lus nojqab nyobzoo rau Lufus, uas yog ib tug ua tau tus Tswv li haujlwm zoo heev; thiab hais nojqab nyobzoo rau nws niam, uas yeej ibtxwm ua ib leejniam rau kuv thiab. #Malak 15:21 14Hais nojqab nyobzoo rau Axikitus, Filenkoos, Hawmes, Pataunpas, Hawmas, thiab tagnrho cov kwvtij thiab cov muam uas nrog lawv nyob ntawd huv tibsi. 15Thov hais nojqab nyobzoo rau Filaulaunkus, Yulias, Nele-us, thiab nws tus muam, thiab Auloopas thiab tagnrho cov ntseeg uas nrog lawv nyob uake ntawd huv tibsi.

16Nej ib leeg hais nojqab nyobzoo rau ib leeg thiab ib leeg nwj ib leeg ntawm txoj kev dawbhuv. Tagnrho Khetos cov pawg ntseeg puavleej xa kev nojqab nyobzoo tuaj rau nej.

Tej Lus Qhia Thaum Kawg

17Cov kwvtij, kuv thov nquahu kom nej ceevfaj txog cov neeg uas ntxias kom sawvdaws tawg pab tawg pawg thiab muab sawvdaws txoj kev ntseeg lem kom yuamkev thiab tawmtsam tej lus qhia uas nej twb hnov los lawm. Nej yuavtsum nyob kom deb ntawm cov neeg ntawd! 18Rauqhov cov neeg uas ua li ntawd tsis yog cov uas ua peb tus Tswv Khetos tes haujlwm, tiamsis yog lawv li kev nrhiav noj nrhiav haus xwb. Thiab lawv hais tej lus mos lus muag dag-ntxias cov neeg uas tsis paub qabhau lub siab kom yuamkev. 19Sawvdaws puavleej hnov txog nej txoj kev ncajncees rau Txoj Moo Zoo, yogli ntawd kuv zoosiab rau nej kawg li. Kuv xav kom nej ua neeg txawjntse rau yam uas zoo, tiamsis ua li tus neeg ruam rau yam uas phem. 20Tshuav tsis ntev, Vajtswv tus uas pub tau kev thajyeeb rau peb, twb yuav ua kom Xatas puasntsoog nyob hauv nej qab xibtaws.

Thov kom peb tus Tswv Yexus txoj hmoovhlub nrog nej sawvdaws nyob.#16:20: Tej phau ntawv qub uas xuas tes sau, muab kab no rho tawm lawm.

21Timautes, tus uas nrog kuv ua haujlwm uake, kuj hais nojqab nyobzoo rau nej; thiab Lukius, Yaxoos, thiab Xauxipataws uas yog kuv cov kwvtij Yudais, lawv hais nojqab nyobzoo rau nej thiab. #Teshl 16:1

22Kuv yog Tawtius, yog tus uas sau Paulus tsab ntawv no, kuv hais nojqab nyobzoo rau nej cov uas ntseeg Yexus thiab.

23Nkai-us tus uas kuv nrog nyob, thiab yog tus uas muab nws lub tsev rau pawg ntseeg ua chaw sablaj, nws hais nojqab nyobzoo rau nej sawvdaws. Elatus, uas yog tus tuav lub nroog tej nyiajtxiag, thiab peb tus kwvtij Khuatus, hais nojqab nyobzoo rau nej sawvdaws thiab. #Teshl 19:29; 1Klt 1:14; 2Tim 4:20 24#16:24: Tej phau ntawv qub uas xuas tes sau, ntxiv nqe 24 no rau: Thov kom peb tus Tswv Yexus Khetos txoj hmoovhlub nrog nej sawvdaws nyob. Amees. Tiamsis tej phau ho muab nqe no mus ntxiv rau tomqab nqe 27.

Paulus Cov Lus Qhuas Vajtswv Thaum Xaus

25Peb ciali qhuas Vajtswv! Nws yog tus uas muaj cuabkav ua kom nej sawv khovkho rau ntawm nej txoj kev ntseeg, rawsli Txoj Moo Zoo uas hais txog Yexus Khetos uas kuv qhia, thiab rawsli tej lus tseeb uas tau muab npog cia tau ntau tiam los lawm. 26Tiamsis nimno qhov tseeb ntawd twb raug muab nthuav rau sawvdaws paub rawsli Vajtswv tus uas muaj sia nyob mus ibtxhis tau hais rau cov xibhwb cev Vajtswv lus kom muab sau tseg rau hauv ntawv, kom txhua haivneeg thiaj yuav ntseeg thiab mloog Nws lus.

27Thov kom Vajtswv tus uas muaj kev txawjntse tshajplaws, tibleeg tau koobmeej los ntawm Yexus Khetos mus ibtxhis li. Amees.#16:27: Tej phau ntawv qub uas xuas tes sau, muaj nqe 25-27 nyob rau ntawm no thiab tomqab 14:23; lwm phau tsuas muaj cov nqe no nyob tomqab 14:23 xwb; muaj ib phau muaj cov nqe no nyob tomqab 15:33.

Currently Selected:

Loos 16: MWW2022

Highlight

Copy