1 Kauleethaus Lus Tawqhia
Lus Tawqhia
Tsab ntawv 1 Kauleethaus yog Paulus sau mus daws tej teebmeem ntawm lub neej ntseeg Vajtswv thiab txoj kev ntseeg uas tau tshwm nyob rau hauv pawg ntseeg Kauleethaus uas thaum ub Paulus yog tus tsimtsa. Lub sijhawm ntawd, lub nroog Kauleethaus yog cov neeg Kilis ib lub nroog loj uas muaj ntau haivneeg nyob uake rau hauv, yog ib lub tuamceeb nroog hauv lub xeev Akhayas uas zwm rau tebchaws Loos. Nroog Kauleethaus yog lub nroog uas nto moo rau sab kev lagluam, kev coj noj coj ua, kev nkauj kev nraug, thiab ntau yam kev ntseeg sibxyaw uake.
Yam uas Paulus txhawj tshajplaws yog tej teebmeem uas sibfaib ua pab ua pawg thiab tej kev nkauj kev nraug hauv pawg ntseeg, thiab tej lus nug txog kev sib ua niamtxiv thiab kev ua txijnkawm, tej uas neeg lub siab xav, pawg ntseeg kev coj noj coj ua, tej koobhmoov uas Vaj Ntsujplig tus Dawbhuv pub, thiab kev sawv hauv qhovtuag rovqab los. Paulus thiaj ua tibzoo muab Txoj Moo Zoo los qhia thiab teb tej lus nug no.
Tshooj 13, yog hais txog txoj kev hlub uas yog Vajtswv txoj koobhmoov uas zoo tshajplaws uas Nws muab rau Nws haivneeg, thiab yog zaj uas sawvdaws paub zoo tshajplaws nyob hauv phau ntawv no.
Txheejtxheem
Cov tawqhia (1:1-9)
Teebmeem hauv pawg ntseeg (1:10—4:21)
Kev nkauj kev nraug thiab tsev neeg kev ua neej (5:1—7:40)
Cov ntseeg thiab cov tsis ntseeg (8:1—11:1)
Pawg ntseeg lub neej thiab kev pehawm Vajtswv (11:2—14:40)
Khetos thiab cov ntseeg kev sawv hauv qhovtuag rovqab los (15:1-58)
Kev pab nyiaj rau cov ntseeg uas nyob hauv xeev Yudas (16:1-4)
Qeeyam ntawm Paulus tuskheej thiab nws cov lus xaus (16:5-24)
Currently Selected:
1 Kauleethaus Lus Tawqhia: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.