Teev Npe 9
9
Kevcai Hla Dhau Zaum Thib Ob
1Tus TSWV hais rau Mauxes tom tiaj suabpuam Xinais thaum lub ib hlis xyoo thib ob tomqab uas cov Yixalayees tau khiav tawm hauv tebchaws Iziv los. Nws hais tias, 2-3“Lub hlis no hnub xiab kaum-plaub, pib thaum hnub poobqho mus, cov Yixalayees yuavtsum ua kevcai Hla Dhau rawsli txhua txoj kabke thiab tej kevcai uas tau sau tseg lawm.”
4Yogli ntawd, Mauxes thiaj kom cov pejxeem ua kevcai Hla Dhau. 5Lub ib hlis hnub xiab kaum-plaub thaum hnub poobqho, lawv thiajli ua kevcai Hla Dhau nyob rau tom tiaj suabpuam Xinais. Cov pejxeem ua txhua yam rawsli tus TSWV tau xaaj rau Mauxes lawm.
6Tiamsis muaj qeeleej txivneej tseem tsis tau ua kevcai ntxuav kom huv, vim lawv tau mus tuav tej neeg tuag lawm, hnub ntawd lawv thiaj tsis tau los ua kevcai Hla Dhau. Lawv mus cuag Mauxes thiab Aloos nkawd 7thiab hais tias, “Peb yog neeg tsis huv, rauqhov peb tau mus tuav tej neeg tuag lawm, tiamsis vim licas peb thiaj raug txwv tsis pub nrog cov Yixalayees coj khoom mus fij rau tus TSWV?”
8Mauxes teb lawv hais tias, “Nej ua siabntev tos mus txog thaum tus TSWV qhia rau kuv tso.”
9Tus TSWV qhia rau Mauxes 10kom hais rau cov Yixalayees tias, “Thaum nej ib tug twg lossis nej cajces mus tuav tej neeg tuag ua rau tus ntawd tsis huv lossis nej ib tug twg tau mus kev deb lawm, tiamsis nws tseem xav ua kevcai Hla Dhau, 11koj yuavtsum tsocai rau nws ua kevcai Hla Dhau rau ib lub hlis tomqab uas yog lub ob hlis hnub xiab kaum-plaub thaum hnub poobqho. Lawv mam ua kevcai noj tus yaj ntawd nrog cov ncuav tsis xyaw keeb thiab tej zaub uas iab. 12Tsis txhob tseg tej zaub-mov cia txog tagkis sawvntxov thiab tsis txhob muab tus tsiaj ntawd tej pobtxha ua lov li. Ncontsoov ua kevcai Hla Dhau rawsli tej kevcai. 13Tiamsis yog tus uas yeej dawbhuv lawm thiab tsis tau mus kev deb, yog nws tsis tuaj ua kevcai Hla Dhau, yuav muab tus ntawd rho tawm hauv Kuv haivneeg mus, vim lub sijhawm ntawd nws tsis tau coj khoom tuaj fij rau Kuv rawsli twb teem sijhawm tseg lawm. Nws yuavtsum ris nws lub txim.
14“Yog tias muaj tej neeg txawv tebchaws nrog nej nyob thiab xav ua kevcai Hla Dhau, nws yuavtsum ua rawsli txhua txoj kabke thiab tej kevcai. Txoj kevcai no yog siv rau txhua tus, tsis hais cov neeg txumtim hauv lub tebchaws lossis cov neeg txawv tebchaws.”
Tauv Huab Uas Zooli Nplaimtaws
(Khiav Dim 40:34-38)
15-16Hnub uas tsa lub Tsevntaub Sibntsib, muaj ib tauv huab los roos nkaus lub tsevntaub ntawd. Txij thaum tsausntuj mus txog thaum kajntug, tauv huab ntawd zooli nplaimtaws. 17Thaum twg tauv huab ntawd tshem tawm mus nres rau qhovtwg lawm, cov Yixalayees txawm tshais chaw mus tsa lawv tej tsevntaub nyob rau qhov ntawd. 18Cov pejxeem txo lawv tej tsevntaub rawsli tus TSWV xaaj, thiab lawv rov tsa lawv tej tsevntaub rawsli tus TSWV xaaj. Yog tauv huab yeej tseem nyob roos rawv lub Tsevntaub Sibntsib ces lawv yeej nyob hauv lub yeej ntawd mus li. 19Txawm yog tauv huab roos ntev heev saum lub Tsevntaub los cov Yixalayees yeej mloog tus TSWV lus thiab lawv yeej tsis tshais chaw mus nyob lwmqhov li.
20Muaj qeezaus tauv huab tsuas nyob saum lub Tsevntaub Sibntsib ob-peb hnub xwb; txawm licas los xij, lawv tsuas nyob thiab tshais chaw rawsli tus TSWV xaaj rau lawv thiab xwb. 21Muaj qeezaus tauv huab nyob saum lub Tsevntaub ib hmos xwb, thaum twg tauv huab tshoom kiag ces lawv yeej txav chaw kiag xwb. Thaum twg tauv huab txav ces lawv kuj txav thiab xwb. 22Txawm yog tauv huab yuav nyob ob hnub, ib hlis, ib xyoos, lossis nyob ntev tshaj ntawd los xij, yog tauv huab ntawd tseem roos rawv lub Tsevntaub, ces lawv yeej tsis txav chaw mus qhovtwg li; tiamsis thaum twg tauv huab tshem tawm lawm, ces lawv mamli tshais chaw thaum ntawd. 23Lawv tsa thiab lauj lawv tej tsevntaub raws nraim li tus TSWV tej lus xaaj uas Nws tau hais rau Mauxes.
Currently Selected:
Teev Npe 9: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Teev Npe 9
9
Kevcai Hla Dhau Zaum Thib Ob
1Tus TSWV hais rau Mauxes tom tiaj suabpuam Xinais thaum lub ib hlis xyoo thib ob tomqab uas cov Yixalayees tau khiav tawm hauv tebchaws Iziv los. Nws hais tias, 2-3“Lub hlis no hnub xiab kaum-plaub, pib thaum hnub poobqho mus, cov Yixalayees yuavtsum ua kevcai Hla Dhau rawsli txhua txoj kabke thiab tej kevcai uas tau sau tseg lawm.”
4Yogli ntawd, Mauxes thiaj kom cov pejxeem ua kevcai Hla Dhau. 5Lub ib hlis hnub xiab kaum-plaub thaum hnub poobqho, lawv thiajli ua kevcai Hla Dhau nyob rau tom tiaj suabpuam Xinais. Cov pejxeem ua txhua yam rawsli tus TSWV tau xaaj rau Mauxes lawm.
6Tiamsis muaj qeeleej txivneej tseem tsis tau ua kevcai ntxuav kom huv, vim lawv tau mus tuav tej neeg tuag lawm, hnub ntawd lawv thiaj tsis tau los ua kevcai Hla Dhau. Lawv mus cuag Mauxes thiab Aloos nkawd 7thiab hais tias, “Peb yog neeg tsis huv, rauqhov peb tau mus tuav tej neeg tuag lawm, tiamsis vim licas peb thiaj raug txwv tsis pub nrog cov Yixalayees coj khoom mus fij rau tus TSWV?”
8Mauxes teb lawv hais tias, “Nej ua siabntev tos mus txog thaum tus TSWV qhia rau kuv tso.”
9Tus TSWV qhia rau Mauxes 10kom hais rau cov Yixalayees tias, “Thaum nej ib tug twg lossis nej cajces mus tuav tej neeg tuag ua rau tus ntawd tsis huv lossis nej ib tug twg tau mus kev deb lawm, tiamsis nws tseem xav ua kevcai Hla Dhau, 11koj yuavtsum tsocai rau nws ua kevcai Hla Dhau rau ib lub hlis tomqab uas yog lub ob hlis hnub xiab kaum-plaub thaum hnub poobqho. Lawv mam ua kevcai noj tus yaj ntawd nrog cov ncuav tsis xyaw keeb thiab tej zaub uas iab. 12Tsis txhob tseg tej zaub-mov cia txog tagkis sawvntxov thiab tsis txhob muab tus tsiaj ntawd tej pobtxha ua lov li. Ncontsoov ua kevcai Hla Dhau rawsli tej kevcai. 13Tiamsis yog tus uas yeej dawbhuv lawm thiab tsis tau mus kev deb, yog nws tsis tuaj ua kevcai Hla Dhau, yuav muab tus ntawd rho tawm hauv Kuv haivneeg mus, vim lub sijhawm ntawd nws tsis tau coj khoom tuaj fij rau Kuv rawsli twb teem sijhawm tseg lawm. Nws yuavtsum ris nws lub txim.
14“Yog tias muaj tej neeg txawv tebchaws nrog nej nyob thiab xav ua kevcai Hla Dhau, nws yuavtsum ua rawsli txhua txoj kabke thiab tej kevcai. Txoj kevcai no yog siv rau txhua tus, tsis hais cov neeg txumtim hauv lub tebchaws lossis cov neeg txawv tebchaws.”
Tauv Huab Uas Zooli Nplaimtaws
(Khiav Dim 40:34-38)
15-16Hnub uas tsa lub Tsevntaub Sibntsib, muaj ib tauv huab los roos nkaus lub tsevntaub ntawd. Txij thaum tsausntuj mus txog thaum kajntug, tauv huab ntawd zooli nplaimtaws. 17Thaum twg tauv huab ntawd tshem tawm mus nres rau qhovtwg lawm, cov Yixalayees txawm tshais chaw mus tsa lawv tej tsevntaub nyob rau qhov ntawd. 18Cov pejxeem txo lawv tej tsevntaub rawsli tus TSWV xaaj, thiab lawv rov tsa lawv tej tsevntaub rawsli tus TSWV xaaj. Yog tauv huab yeej tseem nyob roos rawv lub Tsevntaub Sibntsib ces lawv yeej nyob hauv lub yeej ntawd mus li. 19Txawm yog tauv huab roos ntev heev saum lub Tsevntaub los cov Yixalayees yeej mloog tus TSWV lus thiab lawv yeej tsis tshais chaw mus nyob lwmqhov li.
20Muaj qeezaus tauv huab tsuas nyob saum lub Tsevntaub Sibntsib ob-peb hnub xwb; txawm licas los xij, lawv tsuas nyob thiab tshais chaw rawsli tus TSWV xaaj rau lawv thiab xwb. 21Muaj qeezaus tauv huab nyob saum lub Tsevntaub ib hmos xwb, thaum twg tauv huab tshoom kiag ces lawv yeej txav chaw kiag xwb. Thaum twg tauv huab txav ces lawv kuj txav thiab xwb. 22Txawm yog tauv huab yuav nyob ob hnub, ib hlis, ib xyoos, lossis nyob ntev tshaj ntawd los xij, yog tauv huab ntawd tseem roos rawv lub Tsevntaub, ces lawv yeej tsis txav chaw mus qhovtwg li; tiamsis thaum twg tauv huab tshem tawm lawm, ces lawv mamli tshais chaw thaum ntawd. 23Lawv tsa thiab lauj lawv tej tsevntaub raws nraim li tus TSWV tej lus xaaj uas Nws tau hais rau Mauxes.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.