Teev Npe 8
8
Muab Cov Teeb Mus Txawb
1Tus TSWV hais rau Mauxes tias, #Khiav 25:31-40; 37:17-24 2“Koj qhia rau Aloos hais tias thaum twg nws coj xya lub teeb mus txawb rau ntawm tus ncej txawb teeb, nws yuavtsum txawb kom cov teeb ntawd ci pomkev mus rau tom hauvntej.” 3Aloos ua rawsli ntawd thiab nws muab cov teeb mus txawb rau ntawm tus ncej txawb teeb thiab tig tagnrho rau tom hauvntej. 4Tus ncej txawb teeb ntawd, txij saum lub hau los ti nkaus hauv tus taw yog muab cov tseem kub ntaus ua, rawsli tus qauv uas tus TSWV tau qhia rau Mauxes lawm.
Ua Kevcai Ntxuav Thiab Fij Cov Levis
5Tus TSWV hais rau Mauxes tias, 6“Ciali muab cov Levis cais tawm ntawm cov Yixalayees txhua tus thiab muab lawv ua kevcai ntxuav kom huv 7rawsli no: muab cov dej uas yog ua kevcai ntxuav nchos rau lawv thiab kom lawv chais lawv tej plaubhau thoobplaws ibce thiab kom lawv ntxhua lawv tej tsoostsho, mas lawv thiaj yuav huv rawsli kevcai. 8Ces kom lawv cab ib tug ntsuag nyuj thiab nqa ib co hmoov nplej uas twb ntse roj txivntoo rau lawm tuaj; thiab koj muab dua ib tug ntsuag nyuj tuaj tua fij daws txim. 9Ces kom tagnrho cov Yixalayees tuaj txoos uake thiab kom cov Levis mus sawv tom hauvntej lub Tsevntaub Sibntsib. 10Cov Yixalayees yuavtsum tsa tes rau saum cov Levis taubhau, 11thiab Aloos yuavtsum muab cov Levis uas yog cov Yixalayees fij ua ib qho tshwjxeeb rau Kuv, kom lawv thiaj tau ua Kuv tes haujlwm. 12Cov Levis yuavtsum tsa tes rau saum ob tus txiv nyuj taubhau; muab ib tug tua fij daws txim thiab muab ib tug tua hlawv fij ua kevcai ntxuav rau cov Levis.
13“Muab cov Levis los sawv ntawm Aloos thiab nws cov tub hauvntej, thiab muab lawv ua ib qho khoom fij tshwjxeeb rau Kuv. 14Koj yuavtsum muab cov Levis cais tawm ntawm cov Yixalayees tagnrho, kom cov Levis thiaj yuav yog Kuv tug. 15Tomqab koj muab cov Levis ua kevcai ntxuav thiab muab lawv fij tag lawm, lawv thiaj zoo tsimnyog ua Kuv tes haujlwm hauv lub Tsevntaub Sibntsib. 16Lawv yog cov Yixalayees uas tau raug muab pub tagnrho rau Kuv, Kuv thiaj txais lawv ua Kuv tug hloov cov Yixalayees thawjtug tub hlob chaw. 17Cov Yixalayees tej tub hlob thiab lawv tej tsiajtxhu thawjtug menyuam uas yog tus txiv puavleej yog Kuv tug, vim thaum ub Kuv tua cov tub hlob hauv tebchaws Iziv, Kuv tub xaiv lawv los ua Kuv tug lawm #Khiav 13:2 18Yogli ntawd, nimno Kuv thiaj xaiv cov Levis los hloov tagnrho cov Yixalayees tej tub hlob chaw, 19thiab Kuv muab cov Levis cob rau Aloos thiab nws cov tub, zoo ib yam li lawv yog ib qho khoomplig los ntawm cov Yixalayees coj mus ua haujlwm hauv lub Tsevntaub Sibntsib hloov cov Yixalayees chaw thiab tivthaiv cov Yixalayees ntawm txoj kev puastsuaj thaum lawv txav mus ze lub Chav Dawbhuv.”
20Yogli ntawd, Mauxes, Aloos, thiab tagnrho cov Yixalayees thiaj muab cov Levis ua kevcai fij rawsli tus TSWV tau xaaj rau Mauxes lawm. 21Cov Levis puavleej ua kevcai ntxuav lawv thiab muab lawv tej tsoostsho coj mus ntxhua, thiab Aloos muab lawv ua kevcai fij ua ib yam khoom tshwjxeeb pub rau tus TSWV. Dua li ntawd, nws tseem ua kevcai daws txim rau lawv kom huv thiab. 22Tomqab uas cov pejxeem ua txhua yam rau cov Levis rawsli tej uas tus TSWV tau hais rau Mauxes lawm, cov Levis thiaj zoo tsimnyog mus ua haujlwm hauv lub Tsevntaub Sibntsib uas yog Aloos thiab nws cov tub ua cov saib.
23Tus TSWV hais rau Mauxes tias, 24“Txhua tus Levis uas hnubnyoog neesnkaum-tsib xyoos rov saud, yuavtsum tau ua haujlwm hauv lub Tsevntaub Sibntsib, 25thiab thaum muaj hnubnyoog tsibcaug xyoo lawm mam cia lawv so. 26Tomqab ntawd, nws kuj tseem yuav pab nws cov kwvtij Levis ua lawv tej haujlwm hauv lub Tsevntaub Sibntsib, tiamsis nws yuavtsum tsis txhob ua ywj nws tuskheej xwb. Nov yog lub luag haujlwm uas koj yuav tau muab cob rau cov Levis.”
Currently Selected:
Teev Npe 8: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Teev Npe 8
8
Muab Cov Teeb Mus Txawb
1Tus TSWV hais rau Mauxes tias, #Khiav 25:31-40; 37:17-24 2“Koj qhia rau Aloos hais tias thaum twg nws coj xya lub teeb mus txawb rau ntawm tus ncej txawb teeb, nws yuavtsum txawb kom cov teeb ntawd ci pomkev mus rau tom hauvntej.” 3Aloos ua rawsli ntawd thiab nws muab cov teeb mus txawb rau ntawm tus ncej txawb teeb thiab tig tagnrho rau tom hauvntej. 4Tus ncej txawb teeb ntawd, txij saum lub hau los ti nkaus hauv tus taw yog muab cov tseem kub ntaus ua, rawsli tus qauv uas tus TSWV tau qhia rau Mauxes lawm.
Ua Kevcai Ntxuav Thiab Fij Cov Levis
5Tus TSWV hais rau Mauxes tias, 6“Ciali muab cov Levis cais tawm ntawm cov Yixalayees txhua tus thiab muab lawv ua kevcai ntxuav kom huv 7rawsli no: muab cov dej uas yog ua kevcai ntxuav nchos rau lawv thiab kom lawv chais lawv tej plaubhau thoobplaws ibce thiab kom lawv ntxhua lawv tej tsoostsho, mas lawv thiaj yuav huv rawsli kevcai. 8Ces kom lawv cab ib tug ntsuag nyuj thiab nqa ib co hmoov nplej uas twb ntse roj txivntoo rau lawm tuaj; thiab koj muab dua ib tug ntsuag nyuj tuaj tua fij daws txim. 9Ces kom tagnrho cov Yixalayees tuaj txoos uake thiab kom cov Levis mus sawv tom hauvntej lub Tsevntaub Sibntsib. 10Cov Yixalayees yuavtsum tsa tes rau saum cov Levis taubhau, 11thiab Aloos yuavtsum muab cov Levis uas yog cov Yixalayees fij ua ib qho tshwjxeeb rau Kuv, kom lawv thiaj tau ua Kuv tes haujlwm. 12Cov Levis yuavtsum tsa tes rau saum ob tus txiv nyuj taubhau; muab ib tug tua fij daws txim thiab muab ib tug tua hlawv fij ua kevcai ntxuav rau cov Levis.
13“Muab cov Levis los sawv ntawm Aloos thiab nws cov tub hauvntej, thiab muab lawv ua ib qho khoom fij tshwjxeeb rau Kuv. 14Koj yuavtsum muab cov Levis cais tawm ntawm cov Yixalayees tagnrho, kom cov Levis thiaj yuav yog Kuv tug. 15Tomqab koj muab cov Levis ua kevcai ntxuav thiab muab lawv fij tag lawm, lawv thiaj zoo tsimnyog ua Kuv tes haujlwm hauv lub Tsevntaub Sibntsib. 16Lawv yog cov Yixalayees uas tau raug muab pub tagnrho rau Kuv, Kuv thiaj txais lawv ua Kuv tug hloov cov Yixalayees thawjtug tub hlob chaw. 17Cov Yixalayees tej tub hlob thiab lawv tej tsiajtxhu thawjtug menyuam uas yog tus txiv puavleej yog Kuv tug, vim thaum ub Kuv tua cov tub hlob hauv tebchaws Iziv, Kuv tub xaiv lawv los ua Kuv tug lawm #Khiav 13:2 18Yogli ntawd, nimno Kuv thiaj xaiv cov Levis los hloov tagnrho cov Yixalayees tej tub hlob chaw, 19thiab Kuv muab cov Levis cob rau Aloos thiab nws cov tub, zoo ib yam li lawv yog ib qho khoomplig los ntawm cov Yixalayees coj mus ua haujlwm hauv lub Tsevntaub Sibntsib hloov cov Yixalayees chaw thiab tivthaiv cov Yixalayees ntawm txoj kev puastsuaj thaum lawv txav mus ze lub Chav Dawbhuv.”
20Yogli ntawd, Mauxes, Aloos, thiab tagnrho cov Yixalayees thiaj muab cov Levis ua kevcai fij rawsli tus TSWV tau xaaj rau Mauxes lawm. 21Cov Levis puavleej ua kevcai ntxuav lawv thiab muab lawv tej tsoostsho coj mus ntxhua, thiab Aloos muab lawv ua kevcai fij ua ib yam khoom tshwjxeeb pub rau tus TSWV. Dua li ntawd, nws tseem ua kevcai daws txim rau lawv kom huv thiab. 22Tomqab uas cov pejxeem ua txhua yam rau cov Levis rawsli tej uas tus TSWV tau hais rau Mauxes lawm, cov Levis thiaj zoo tsimnyog mus ua haujlwm hauv lub Tsevntaub Sibntsib uas yog Aloos thiab nws cov tub ua cov saib.
23Tus TSWV hais rau Mauxes tias, 24“Txhua tus Levis uas hnubnyoog neesnkaum-tsib xyoos rov saud, yuavtsum tau ua haujlwm hauv lub Tsevntaub Sibntsib, 25thiab thaum muaj hnubnyoog tsibcaug xyoo lawm mam cia lawv so. 26Tomqab ntawd, nws kuj tseem yuav pab nws cov kwvtij Levis ua lawv tej haujlwm hauv lub Tsevntaub Sibntsib, tiamsis nws yuavtsum tsis txhob ua ywj nws tuskheej xwb. Nov yog lub luag haujlwm uas koj yuav tau muab cob rau cov Levis.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.