Teev Npe 10
10
Cov Xyu Nyiaj
1Tus TSWV hais rau Mauxes tias, 2“Muab nyiaj ntaus ua ob lub rajxyu tau siv tshuab hu cov neeg tuaj txoos uake thiab hu kom sawvdaws rhuav lub yeej. 3Yog thaum twg tshuab ob lub suab rajxyu nrov ntev-ntev, ces yog hu kom tagnrho cov pejxeem sibsau tuaj cuag koj rau ntawm lub qhovrooj uas nkag rau hauv lub Tsevntaub Sibntsib. 4Tiamsis yog thaum twg hnov tshuab ib lub suab xyu nrov ntev-ntev xwb, ces yog hu kom txhua xeem cov thawjcoj tuaj cuag koj. 5Thaum twg tshuab lub suab xyu nrov luv-luv xwb, ces yog kom xeem uas tsa tsevntaub nyob sab hnubtuaj ciali sawvkev tawm mus uantej. 6Thaum rov tshuab lub suab xyu nrov luv-luv zaum thib ob, ces yog kom xeem uas tsa tsevntaub nyob sab nrad sawvkev tawm mus. Thaum tshuab lub suab xyu nrov luv-luv xwb, ces yog tshuab kom sawvdaws rhuav lub yeej es yuav tawm mus, 7tiamsis yog thaum twg tshuab lub suab nrov ntev-ntev ces yog hu kom cov pejxeem tuaj txoos uake. 8Cov uas tshuab rajxyu yuavtsum cia rau cov povthawj hlob uas yog Aloos cov tub ua cov tshuab xwb.
“Nov yog txoj kabke tswjhwm uas nej yuavtsum coj ib tiam rau ib tiam mus li. 9Thaum muaj kev tsov kev rog hauv nej lub tebchaws uas yog muaj yeebncuab tuaj tua nej, nej yuavtsum tshuab rajxyu ua kev qhia hais tias yuav muaj kev sibtua. Kuv yog tus TSWV, uas yog nej tus Vajtswv, Kuv yuav pab nej thiab cawm nej ntawm nej cov yeebncuab. 10Hnub uas nej muaj kev zoosiab uas yog ua Kevcai Hli Xiab thiab ua lwmyam kevcai uas nej teem tseg, nej ciali tshuab ob lub rajxyu thaum nej hlawv tej khoom fij thiab fij nej tej khoom ua kev sib raugzoo. Kuv yuav pab nej. Kuv yog tus TSWV, uas yog nej tus Vajtswv.”
Cov Yixalayees Rhuav Lub Yeej
11Lub ob hlis hnubtim neesnkaum, xyoo thib ob uas txwm nkaus rau thaum cov Yixalayees khiav hauv tebchaws Iziv los, tauv huab uas roos rawv saum lub Tsevntaub Sibntsib txawm tshem, 12ces cov Yixalayees thiaj pib sawvkev tawm nram tiaj suabpuam Xinais mus. Tauv huab txawm los nres rau ntawm tiaj suabpuam Palas.
13Nov yog thawjzaug uas lawv tau sawvkev tawm rawsli tus TSWV xaaj rau Mauxes, 14thiab txhua zaus uas lawv tshais chaw, rawsli txojcai, yog cia xeem Yudas mus uantej; lawv mus ib pab quas ib pab uas yog Aminadas tus tub Nasoos ua tus coj. 15Zu-as tus tub Nethanees ua tus coj xeem Ixakhas, 16thiab Heloos tus tub Eli-as ua tus coj xeem Xenpuloos.
17Ces mam muab lub Tsevntaub Sibntsib txo rau cov Nkawsoos thiab Melalis kwv sawvkev tawm mus. 18Txuas ntawd ntxiv mus yog cov uas nyob hauvqab xeem Lunpees tus chij sawvkev tawm mus, lawv mus ib pab quas ib pab uas yog Sede-aws tus tub Elixaws ua tus coj. 19Xulisadais tus tub Selumiyees ua tus coj xeem Xime-oos, 20thiab De-u-yees tus tub Eli-axas ua tus coj xeem Nkaj.
21Ces xeem Levis uas yog cuab Kauhas mam kwv tej khoom dawbhuv sawvkev tawm mus. Thaum lawv mus txog rau ntawm lub yeej tshiab lawm, lawv yuavtsum rov tsa lub Tsevntaub Sibntsib dua.
22Pab ntxiv mus yog cov uas nyob hauv xeem Efalayees tus qab chij, lawv mus ib pab quas ib pab uas yog Amihus tus tub Elisamas ua tus coj. 23Pedaxaws tus tub Nkamaliyees ua tus coj xeem Manaxes, 24thiab Nkide-aunis tus tub Anpidas ua tus coj xeem Npeeyamees.
25Thaum kawg yog pab uas nyob hauv xeem Das tus qab chij sawvkev tawm mus ua cov fajseeb tomqab txhua xeem huv tibsi, lawv mus ib pab quas ib pab uas yog Amisadais tus tub Ahi-exaws ua tus coj. 26Aukhalas tus tub Pankiyees ua tus coj xeem Asaws, 27thiab Enas tus tub Ahilas ua tus coj xeem Nathalis. 28Nov yog cov Yixalayees kev sawvkev, ib pab quas ib pab tawm mus, thaum twg uas lawv rhuav lub Tsevntaub Sibntsib thiab rov tsa dua.
29Mauxes hais rau nws tus dablaug Haunpas uas yog Yethoos tus tub uas yog neeg Midias hais tias, “Peb tabtom yuav sawvkev mus rau thaj chaw uas tus TSWV tau coglus hais tias Nws yuav muab pub rau peb. Nws tau coglus tseg hais tias Nws yuav pub kom cov Yixalayees muaj kev vammeej; yogli ntawd, koj ciali nrog peb mus, peb yuav cia koj koom nrog peb txoj kev vammeej thiab.”
30Haunpas teb tias, “Kuv tsis mus, kuv yuav rovqab mus nrog kuv haivneeg nyob hauv kuv lub teb lub chaw.”
31Mauxes hais rau Haunpas tias, “Thov koj tsis txhob tso peb tseg. Koj yog tus paub tias qhov chaw twg yog qhov uas tsimnyog peb yuav tsuam yeej nyob hauv tiaj suabpuam, es koj yog tus yuav qhia peb ntag. 32Yog koj nrog peb mus, peb yuav muab yam zoo uas tus TSWV pub rau peb pub rau koj thiab.”
Cov Pejxeem Sawvkev Mus
33Thaum lawv taug kev tawm ntawm Xinais uas yog lub roob dawbhuv los tau peb hnub, Vajtswv lub Phijxab Lus Cogtseg yeej mus ua lawv ntej thiab nrhiav chaw rau lawv tsuam yeej so. 34Txhua zaus uas lawv tshais chaw ib qho rau ib qho, tus TSWV tauv huab yeej roos rawv lawv tashnub li.
35Thaum twg uas lub Phijxab Lus Cogtseg sawvkev mus, ces Mauxes yeej hu hais tias, “Ciali sawv, tus TSWV; thov kom Koj cov yeebncuab tawg ri sua mus thiab thov kom cov neeg uas ntxub Koj khiav tawm mus!” #Nnkauj 68:1 36Thiab yog thaum twg lub Phijxab nres lawm, Mauxes yeej hu hais tias, “Tus TSWV, thov Koj rov los nrog cov Yixalayees coob-coob uas suav tsis txheeb no nyob.”#10:36: Tus TSWV … no nyob; lossis Tus TSWV, thov Koj rov los, Koj zooli 1,000,000 tus tubrog rau cov Yixalayees.
Currently Selected:
Teev Npe 10: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Teev Npe 10
10
Cov Xyu Nyiaj
1Tus TSWV hais rau Mauxes tias, 2“Muab nyiaj ntaus ua ob lub rajxyu tau siv tshuab hu cov neeg tuaj txoos uake thiab hu kom sawvdaws rhuav lub yeej. 3Yog thaum twg tshuab ob lub suab rajxyu nrov ntev-ntev, ces yog hu kom tagnrho cov pejxeem sibsau tuaj cuag koj rau ntawm lub qhovrooj uas nkag rau hauv lub Tsevntaub Sibntsib. 4Tiamsis yog thaum twg hnov tshuab ib lub suab xyu nrov ntev-ntev xwb, ces yog hu kom txhua xeem cov thawjcoj tuaj cuag koj. 5Thaum twg tshuab lub suab xyu nrov luv-luv xwb, ces yog kom xeem uas tsa tsevntaub nyob sab hnubtuaj ciali sawvkev tawm mus uantej. 6Thaum rov tshuab lub suab xyu nrov luv-luv zaum thib ob, ces yog kom xeem uas tsa tsevntaub nyob sab nrad sawvkev tawm mus. Thaum tshuab lub suab xyu nrov luv-luv xwb, ces yog tshuab kom sawvdaws rhuav lub yeej es yuav tawm mus, 7tiamsis yog thaum twg tshuab lub suab nrov ntev-ntev ces yog hu kom cov pejxeem tuaj txoos uake. 8Cov uas tshuab rajxyu yuavtsum cia rau cov povthawj hlob uas yog Aloos cov tub ua cov tshuab xwb.
“Nov yog txoj kabke tswjhwm uas nej yuavtsum coj ib tiam rau ib tiam mus li. 9Thaum muaj kev tsov kev rog hauv nej lub tebchaws uas yog muaj yeebncuab tuaj tua nej, nej yuavtsum tshuab rajxyu ua kev qhia hais tias yuav muaj kev sibtua. Kuv yog tus TSWV, uas yog nej tus Vajtswv, Kuv yuav pab nej thiab cawm nej ntawm nej cov yeebncuab. 10Hnub uas nej muaj kev zoosiab uas yog ua Kevcai Hli Xiab thiab ua lwmyam kevcai uas nej teem tseg, nej ciali tshuab ob lub rajxyu thaum nej hlawv tej khoom fij thiab fij nej tej khoom ua kev sib raugzoo. Kuv yuav pab nej. Kuv yog tus TSWV, uas yog nej tus Vajtswv.”
Cov Yixalayees Rhuav Lub Yeej
11Lub ob hlis hnubtim neesnkaum, xyoo thib ob uas txwm nkaus rau thaum cov Yixalayees khiav hauv tebchaws Iziv los, tauv huab uas roos rawv saum lub Tsevntaub Sibntsib txawm tshem, 12ces cov Yixalayees thiaj pib sawvkev tawm nram tiaj suabpuam Xinais mus. Tauv huab txawm los nres rau ntawm tiaj suabpuam Palas.
13Nov yog thawjzaug uas lawv tau sawvkev tawm rawsli tus TSWV xaaj rau Mauxes, 14thiab txhua zaus uas lawv tshais chaw, rawsli txojcai, yog cia xeem Yudas mus uantej; lawv mus ib pab quas ib pab uas yog Aminadas tus tub Nasoos ua tus coj. 15Zu-as tus tub Nethanees ua tus coj xeem Ixakhas, 16thiab Heloos tus tub Eli-as ua tus coj xeem Xenpuloos.
17Ces mam muab lub Tsevntaub Sibntsib txo rau cov Nkawsoos thiab Melalis kwv sawvkev tawm mus. 18Txuas ntawd ntxiv mus yog cov uas nyob hauvqab xeem Lunpees tus chij sawvkev tawm mus, lawv mus ib pab quas ib pab uas yog Sede-aws tus tub Elixaws ua tus coj. 19Xulisadais tus tub Selumiyees ua tus coj xeem Xime-oos, 20thiab De-u-yees tus tub Eli-axas ua tus coj xeem Nkaj.
21Ces xeem Levis uas yog cuab Kauhas mam kwv tej khoom dawbhuv sawvkev tawm mus. Thaum lawv mus txog rau ntawm lub yeej tshiab lawm, lawv yuavtsum rov tsa lub Tsevntaub Sibntsib dua.
22Pab ntxiv mus yog cov uas nyob hauv xeem Efalayees tus qab chij, lawv mus ib pab quas ib pab uas yog Amihus tus tub Elisamas ua tus coj. 23Pedaxaws tus tub Nkamaliyees ua tus coj xeem Manaxes, 24thiab Nkide-aunis tus tub Anpidas ua tus coj xeem Npeeyamees.
25Thaum kawg yog pab uas nyob hauv xeem Das tus qab chij sawvkev tawm mus ua cov fajseeb tomqab txhua xeem huv tibsi, lawv mus ib pab quas ib pab uas yog Amisadais tus tub Ahi-exaws ua tus coj. 26Aukhalas tus tub Pankiyees ua tus coj xeem Asaws, 27thiab Enas tus tub Ahilas ua tus coj xeem Nathalis. 28Nov yog cov Yixalayees kev sawvkev, ib pab quas ib pab tawm mus, thaum twg uas lawv rhuav lub Tsevntaub Sibntsib thiab rov tsa dua.
29Mauxes hais rau nws tus dablaug Haunpas uas yog Yethoos tus tub uas yog neeg Midias hais tias, “Peb tabtom yuav sawvkev mus rau thaj chaw uas tus TSWV tau coglus hais tias Nws yuav muab pub rau peb. Nws tau coglus tseg hais tias Nws yuav pub kom cov Yixalayees muaj kev vammeej; yogli ntawd, koj ciali nrog peb mus, peb yuav cia koj koom nrog peb txoj kev vammeej thiab.”
30Haunpas teb tias, “Kuv tsis mus, kuv yuav rovqab mus nrog kuv haivneeg nyob hauv kuv lub teb lub chaw.”
31Mauxes hais rau Haunpas tias, “Thov koj tsis txhob tso peb tseg. Koj yog tus paub tias qhov chaw twg yog qhov uas tsimnyog peb yuav tsuam yeej nyob hauv tiaj suabpuam, es koj yog tus yuav qhia peb ntag. 32Yog koj nrog peb mus, peb yuav muab yam zoo uas tus TSWV pub rau peb pub rau koj thiab.”
Cov Pejxeem Sawvkev Mus
33Thaum lawv taug kev tawm ntawm Xinais uas yog lub roob dawbhuv los tau peb hnub, Vajtswv lub Phijxab Lus Cogtseg yeej mus ua lawv ntej thiab nrhiav chaw rau lawv tsuam yeej so. 34Txhua zaus uas lawv tshais chaw ib qho rau ib qho, tus TSWV tauv huab yeej roos rawv lawv tashnub li.
35Thaum twg uas lub Phijxab Lus Cogtseg sawvkev mus, ces Mauxes yeej hu hais tias, “Ciali sawv, tus TSWV; thov kom Koj cov yeebncuab tawg ri sua mus thiab thov kom cov neeg uas ntxub Koj khiav tawm mus!” #Nnkauj 68:1 36Thiab yog thaum twg lub Phijxab nres lawm, Mauxes yeej hu hais tias, “Tus TSWV, thov Koj rov los nrog cov Yixalayees coob-coob uas suav tsis txheeb no nyob.”#10:36: Tus TSWV … no nyob; lossis Tus TSWV, thov Koj rov los, Koj zooli 1,000,000 tus tubrog rau cov Yixalayees.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.