Teev Npe 7
7
Cov Thawjcoj Tej Khoom Fij
1Hnub uas Mauxes tsa lub Tsevntaub Sibntsib tiav lawm, nws muab lub Tsevntaub thiab tagnrho tej cuabyeej uas siv rau hauv lub Tsevntaub, lub thaj thiab tagnrho tej cuabyeej uas siv rau ntawm lub thaj ua kevcai fij. 2Ces cov Yixalayees tej thawjcoj, cov thawjcoj ntawm tej tsev neeg, thiab cov thawjcoj ntawm tej xeem yog cov uas sau npe, 3coj lawv tej khoom fij tuaj pub rau tus TSWV li no: rau lub tsheb nyuj thiab kaum-ob tug txiv nyuj, uas yog ob tug thawjcoj koom ib lub tsheb nyuj thiab ib leeg ib tug txiv nyuj. Tomqab uas lawv muab fij tag lawm, 4tus TSWV hais rau Mauxes tias, 5“Ciali txais lawv tej khoom fij, thiaj tau coj mus siv ua haujlwm hauv lub Tsevntaub Sibntsib; thiab muab tej khoom no cob rau cov Levis rawsli tes haujlwm uas lawv yuavtsum tau ua.”
6Yogli ntawd, Mauxes thiaj muab cov tsheb nyuj thiab cov txiv nyuj cob rau cov Levis. 7Nws muab ob lub tsheb thiab plaub tug txiv nyuj rau cov Nkawsoos, 8thiab muab plaub lub tsheb nyuj thiab yim tus txiv nyuj rau cov Melalis. Tagnrho tej haujlwm uas lawv ua, yog yuav ua kom tiav rawsli povthawj hlob Aloos tus tub Ithamas qhia. 9Tiamsis Mauxes tsis muab tsheb nyuj lossis txiv nyuj rau cov Kauhas, rauqhov lub luag haujlwm uas lawv ua, tsuas yog kwv tej khoom dawbhuv saum xubpwg xwb.
10Cov thawjcoj tseem nqa khoom tuaj ua kevcai fij lub thaj huv tibsi thiab. Thaum lawv npaj tau tej khoom ntawd txhij coj tuaj fij rau ntawm lub thaj, 11tus TSWV hais rau Mauxes tias, “Hais rau lawv tias txhua-txhua hnub ntawm kaum-ob hnub ntawd, ib tug thawjcoj twg yuavtsum muab nws tej khoom tuaj ua kevcai fij lub thaj.”
12-83Lawv nqa lawv tej khoom tuaj rawsli nram qab no:
| Hnub | Xeem | Thawjcoj |
|---|---|---|
| Thib 1 | Yudas | Aminadas tus tub Nasoos |
| Thib 2 | Ixakhas | Zu-as tus tub Nethanees |
| Thib 3 | Xenpuloos | Hexeloos tus tub Eli-as |
| Thib 4 | Lunpees | Sede-aws tus tub Elixaws |
| Thib 5 | Xime-oos | Xulisadais tus tub Selumiyees |
| Thib 6 | Nkaj | De-u-yees tus tub Eli-axas |
| Thib 7 | Efalayees | Amihus tus tub Elisamas |
| Thib 8 | Manaxes | Pedaxaws tus tub Nkamaliyees |
| Thib 9 | Npeeyamees | Nkide-aunis tus tub Anpidas |
| Thib 10 | Das | Amisadais tus tub Ahi-exaws |
| Thib 11 | Asaws | Aukhalas tus tub Pankiyees |
| Thib 12 | Nathalis | Enas tus tub Ahilas |
Cov khoom fij uas lawv txhua tus coj tuaj puavleej zoo ib yam, xwsli: ib lub tais nyiaj hnyav 1.5 kilus thiab ib lub tais tob hnyav 0.80 kilus, rawsli nomtswv txojcai; ob lub tais ntawd puavleej ntim tej tseem hmoov nplej uas ntse roj rau lawm puvnkaus coj mus fij; ib lub tais kub hnyav 0.10 kilus, ntim hmoov tshuaj tswqab puvnkaus; cab ib tug ntsuag nyuj, ib tug laug yaj, thiab ib tug thav yaj hnubnyoog ib xyoos, coj mus tua hlawv fij; ib tug laug tshis coj mus tua fij daws txim; thiab ob tug txiv nyuj, tsib tug laug yaj, tsib tug laug tshis, thiab tsib tug thav yaj hnubnyoog ib xyoos coj mus fij ua kev sib raugzoo.
84-88Tagnrho cov khoom fij uas cov Yixalayees cov thawjcoj, coj mus fij thaum ua kevcai fij lub thaj yog muaj li nram qab no:
—kaum-ob lub phaj nyiaj thiab kaum-ob lub tais tob uas yog nyiaj, tagnrho yog hnyav 27.6 kilus
—kaum-ob lub tais kub, tagnrho yog hnyav 1.32 kilus, uas ntim hmoov tshuaj tswqab puvnkaus
—kaum-ob tug txiv nyuj, kaum-ob tug laug tshis, kaum-ob tug thav yaj hnubnyoog ib xyoos, nrog rau lawv tej hmoov nplej uas coj mus hlawv ua khoom fij
—kaum-ob tug laug tshis coj mus tua fij daws txim
—neesnkaum-plaub tug txiv nyuj, raucaum tus laug yaj, raucaum tus laug tshis, raucaum tus thav yaj hnubnyoog ib xyoos, coj mus fij ua kev sib raugzoo
89Thaum Mauxes mus nrog tus TSWV tham hauv lub Tsevntaub Sibntsib, nws hnov tus TSWV haislus rau nws saum lub hau Phijxab Lus Cogtseg tuaj, nruabnrab ntawm ob tug khelunpees.#7:89: ob tug khelunpees: Saib Cov Lus Txhais uas teev rau tomqab.
Currently Selected:
Teev Npe 7: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
