Teev Npe 12
12
Mili-as Raug Teemtxim
1Mauxes mus yuav haivneeg Kusis#12:1: neeg Kusis: (piv rau Henpl 3:7); lossis neeg Midias; lossis neeg Itiupias. ib tug ntxhais los ua pojniam, mas Aloos thiab Mili-as nkawd thuam Mauxes rauqhov nws yuav haivneeg ntawd. 2Nkawd hais tias, “Tus TSWV tsuas cevlus rau#12:2: rau; lossis los ntawm. Mauxes tibleeg xwb lov? Nws txawm tsis cevlus rau wb li lov?” Tus TSWV hnov tej uas nkawd hais ntawd huv tibsi. ( 3Mauxes yog ib tug neeg txo hwjchim heev, nws txo hwjchim tshaj txhua tus neeg uas nyob hauv qabntuj no.)
4Tamsim ntawd tus TSWV txawm hais rau Mauxes, Aloos, thiab Mili-as tias, “Kuv xav kom nej peb tug ko ciali tawm hauv lub Tsevntaub Sibntsib los.” Lawv txawm tawm los, 5ces tus TSWV nyob hauv tus ncej huab los sawv ntawm qhovrooj Tsevntaub hu hais tias, “Aloos! Mili-as!” Nkawd txawm txav zog mus rau tom hauvntej, 6thiab tus TSWV hais tias, “Neb ciali mloog Kuv tej lus! Thaum muaj ib tug xibhwb cev Vajtswv lus nrog nej nyob,#12:6: Tej cov ntawv qub-qub thaum ub sau hais tias Thaum … muaj; paub tsis meej tias lolus Henplais yog txhais licas tiag txog qhov no. Kuv qhia Kuv rau nws pom hauv kev ua yogtoog thiab Kuv hais rau nws hauv kev ua npausuav. 7Tiamsis thaum Kuv nrog Kuv tus tubtxib Mauxes tham, Kuv tsis ua li ntawd; Kuv tsa nws ua tus kav tagnrho Kuv haivneeg Yixalayees.#12:7: Kuv tsa nws … Yixalayees; lossis Kuv tsosiab rau nws ua Kuv tej haujlwm. #Henpl 3:2 8Yogli ntawd, Kuv thiaj nrog nws tham timntsej timmuag yam meej nplhiav tsis yog ua pajlug hais; nws yeej pom kiag Kuv lub cev lawm! Vim licas neb yuav haislus saib tsis taus Kuv tus tubtxib Mauxes li?”
9Tus TSWV chim heev rau nkawd; yogli ntawd Nws thiaj ncaim mus lawm. 10Thaum tauv huab tshem ntawm lub Tsevntaub Sibntsib mus, Mili-as lub cev ciali mob ruas thoobplaws thiab dawbpaug ib yam li daus. Thaum Aloos tig saib Mili-as thiab pom tias nws mob ruas thoobplaws ibce lawm, 11Aloos hais rau Mauxes tias, “Thov lau, kuv tus tswv, thov tsis txhob rautxim rau wb tej kev txhaum uas wb tau ua tej yam ruam-ruam li no. 12Thov tsis txhob cia nws zooli tus menyuam uas yug tau hauv nws niam plab los es tuagciaj, uas ibnrab nqaij twb lwj tag lawm.”
13Yogli ntawd, Mauxes thiaj quaj thov tus TSWV hais tias, “Au Vajtswv, thov Koj kho Mili-as lau!”
14Tus TSWV teb tias, “Yog nws txiv nto qaubncaug rau nws lub ntsejmuag lawm, mas nws yuav ris kev txajmuag xya hnub. Yogli ntawd, ciali muab nws ntiab tawm hauv lub yeej no mus nyob sabnraud xya hnub; tomqab ntawd mam coj nws rov los rau hauv lub yeej.” #Teev 5:2-3 15Mili-as thiaj raug ntiab tawm mus nyob rau sabnraum ntug yeej xya hnub; cov neeg thiaj tsis tau tshais chaw mus rau qhovtwg mus txog thaum coj Mili-as rov los rau hauv lub yeej. 16Tomqab ntawd, lawv mamli sawvkev tawm hauv Haxelaus mus tsuam yeej nyob rau ntawm lub tiaj mojsab qhua Palas.
Currently Selected:
Teev Npe 12: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
