Mikhas 6

Tus TSWV Ua Lus Kom Cov Yixalayees

1Nej ciali mloog tus TSWV rooj lus kom cov Yixalayees.

Au tus TSWV, ciali sawv thiab hais Koj rooj plaub; cia tej tojroob hauvpes hnov tej uas Koj hais.

2Tej roob thiab lub hauvpaus cag uas tuav ntiajteb nyob mus ibtxhis, nej ciali ua tibzoo mloog tus TSWV rooj lus kom! Tus TSWV tau kom ib rooj lus nrog Nws haivneeg. Nws yuav ua plaub rau cov Yixalayees.

3Tus TSWV hais tias, “Kuv haivneeg 'e, Kuv tau ua licas rau nej? Kuv tau ua ib lub nra licas rau nej? Nej teb Kuv nawb! 4Kuv tau coj nej tawm hauv tebchaws Iziv los; Kuv tau tso nej dim ntawm txoj kev ua luag qhev; Kuv txib Mauxes, Aloos, thiab Mili-as ua cov coj nej. #Khiav 12:50-51; Khiav 4:10-16; Khiav 15:20 5Kuv haivneeg, ncontsoov tej uas cov Mau-am tus Vajntxwv Npalaj tau tuav tswvyim ua phem rau nej, thiab tej uas Npe-aus tus tub Npala-as tau teb rau Npalaj ntawd. Ncontsoov tej xwmtxheej uas thaum nej tabtom tawm hauv lub yeej ntawm Akaxias los rau ntawm Nkilenkas. Ncontsoov tej no, nej thiaj yuav paub tias Kuv tau ua dabtsi kom cawm tau nej.” #Teev 22:2—24:5; Yaus 3:1—4:19

Yam Uas Tus TSWV Xav Kom Neeg Ua

6Thaum kuv mus pehawm tus TSWV, uas yog Vajtswv Ntuj, kuv yuav coj dabtsi mus rau Nws? Kuv yuav coj tej menyuam nyuj uas zoo tshajplaws mus tua hlawv ua khoom fij rau Nws lov? 7Tus TSWV puas yuav txaussiab, yog tias kuv coj 1,000 tus yaj lossis 10,000 tus dej uas muaj roj txivntoo mus rau Nws? Puas yog kuv yuav tau muab kuv tus tub hlob mus tua ua khoom fij rau Nws, thiaj theej tau kuv lub txhoj? 8Yeej tsis tau hlo li, tus TSWV twb qhia yam zoo rau peb lawm. Tej uas Nws xav kom peb ua yog li no: coj ncaj coj ncees, muaj txoj kev tabncuab tas mus li, thiab ua lub neej txo hwjchim nrog peb tus Vajtswv.

9Yog koj ntse, koj yeej yuav hwm tus TSWV! Nws hais rau cov neeg uas nyob hauv lub nroog tias, “Nej cov uas tuaj sibsau rau hauv nroog,#6:9: Nqe no sau hais tias Nej cov uas tuaj sibsau rau hauv nroog; phau lus Henplais hais tias Nej cov uas raug xaiv. Txawm li ntawd. nej ciali mloog nawb! 10Hauv cov neeg ua phem tej tsev mas puvnkaus tej khoom uas lawv mus dag tau los. Lawv siv rab teev tsis txwm mus luj ntxo luag, Kuv ntxub tej ntawd kawg li.#6:10: Nqe 10 no paub tsis meej tias lolus Henplais yog txhais licas tiag. 11Kuv yuav ua licas zamtxim tau rau cov neeg uas muab rab teev tsi txwm coj los luj ntxo luag ntawd? 12Nej cov neeg uas muajtxiag npluanuj, nej nrhiav nrhw huab cov neeg pluag tug los rau nej yuav, thiab nej txhua tus puavleej yog neeg dag. 13Yogli ntawd Kuv twb pib#6:13: Tej co ntawv qub-qub thaum ub sau hais tias pib; phau lus Henplais hais tias ua kom mob. ua kom nej raug puastsuaj lawm, vim yog nej tej kev txhaum. 14Nej yuav tau noj tiamsis yuav tsis tsau plab tseeb tiag nej yeej tseem tshaib plab. Nej yuav muaj ntau yam, tiamsis yuav khaws tsis tau dabtsi cia; txhua yam uas nej khaws cia, Kuv yuav ua kom puastsuaj tag rau hauv tshavrog. 15Nej tseb noob nplej, tiamsis nej yuav tsis muaj qoobloo sau. Nej tsuam txiv ntoo-roj, tiamsis nej yuav tsis tau siv tej roj ntawd. Nej tsuam cawv txivhmab, tiamsis nej yuav tsis muaj cawv haus. 16Tej no yuav tshwmsim tuaj, vim nej tau ua phem rawsli Vajntxwv Oolis thiab nws tus tub uas yog Vajntxwv Ahaj ua. Nej pheej tsis tso tej kev phem ntawd tseg, yogli ntawd Kuv yuav ua kom nej raug kev puastsuaj thiab txhua leej txhua tus yuav txobthuam nej. Tej neeg#6:16: Ib phau ntawv qub-qub thaum ub sau hais tias neeg; phau lus Henplais hais tias Kuv haivneeg. uas nyob txhua qhov yuav saib tsis taus nej.”#6:16: Tej neeg… saib tsis taus nej; lossis Vim nej yog Kuv haivneeg, nej nyob txog twg los yuav muaj neeg saib tsis taus nej. #1Vaj 16:23-28; 1Vaj 16:29-34; 21:25-26

Currently Selected:

Mikhas 6: MWW2022

Highlight

Copy