Mathais 4
4
Dab Ntxwgnyoog Sim Yexus Siab
(Malakaus 1:12-13; Lukas 4:1-13)
1Dhau ntawd Vaj Ntsujplig tau coj Yexus mus rau tom roob mojsab qhua kom dab ntxwgnyoog tau sim Yexus siab. #Henpl 2:18; 4:15 2Tomqab Yexus yoo mov tau plaubcaug hnub plaubcaug hmo, Nws tshaib plab heev. 3Dab ntxwgnyoog txawm los rau ntawm Nws thiab hais tias, “Yog Koj yog Vajtswv tus Tub tiag, Koj kuj hais kom tej pobzeb no txia ua mov.”
4Tiamsis Yexus teb tias, “Vajtswv Txojlus sau tseg hais tias, ‘Neeg tsis yog yuav ciajsia los ntawm zaub-mov xwb, tiamsis yog los ntawm txhua lolus uas tawm hauv Vajtswv lub qhovncauj los.’ ” #2Kev 8:3
5Ces dab ntxwgnyoog txawm coj Yexus mus rau hauv Yeluxalees, uas yog lub Nroog Dawbhuv; nws coj Yexus mus rau saum lub ruv uas siab tshajplaws ntawm lub Tuamtsev, 6thiab hais rau Yexus tias, “Yog Koj yog Vajtswv tus Tub tiag, Koj kuj ciali dhia rau hauv av, rauqhov Vajtswv Txojlus tau sau tseg hais tias:
“ ‘Vajtswv yuav kom Nws cov timtswv ceebtsheej tsomkwm Koj;
lawv ob txhais tes yuav hwj Koj,
kom Koj ob txhais kotaw tsis txhob ntsawm pobzeb li.’ ” #Nnkauj 91:11-12
7Yexus teb tias, “Vajtswv Txojlus hais tias, ‘Tsis txhob sim tus Tswv uas yog koj tus Vajtswv.’ ” #2Kev 6:16
8Ces dab ntxwgnyoog txawm coj Yexus mus rau saum ib lub roob siab-siab thiab muab tagnrho tej tebchaws thiab lawv tej kev vammeej hauv qabntuj no rau Yexus pom. 9Dab ntxwgnyoog hais tias, “Yog Koj txhoscaug thiab pe kuv, kuv yuav muab txhua yam no rau Koj.”
10Yexus teb tias, “Xatas, koj ciali khiav mus! Vajtswv Txojlus hais tias, ‘Koj yuavtsum pehawm tus Tswv uas yog koj tus Vajtswv thiab tsuas ua Nws tes haujlwm nkaus xwb!’ ” #2Kev 6:13
11Ces dab ntxwgnyoog txawm tso Yexus tseg lawm. Tomqab ntawd muaj ib cov timtswv ceebtsheej tau los tu Nws.
Yexus Pib Ua Nws Tes Haujlwm Hauv Kalilais
(Malakaus 1:14-15; Lukas 4:14-15)
12Thaum Yexus hnov tias Yauhas raug kaw lawm, ces Nws txawm mus rau pem Kalilais. #Math 14:3; Malak 6:17; Lukas 3:19-20 13Nws tsis mus nyob hauv lub nroog Naxalev, tiamsis Nws tshais chaw mus nyob hauv lub nroog Kapena-us, uas nyob npuab ntug dej hiavtxwv Kalilais, ntawm cheebtsam uas yog xeem Xenpuloos thiab xeem Nathalis nyob. #Yauh 2:12 14Tej no muaj kom tiav rawsli Yaxayas uas yog tus xibhwb cev Vajtswv lus tau qhia tseg hais tias,
15“Xeem Xenpuloos daim av thiab xeem Nathalis daim av
uas nyob sab ntug dej Yauladees tim ub, ntawm txojkev uas mus rau hiavtxwv,
hauv lub xeev Kalilais uas Lwm Haivneeg nyob! #Yaxaya 9:1-2
16Cov neeg uas nyob qhov tsausntuj nti
yuav pom ib lub teeb uas ci pomkev heev.
Thiab qhov pomkev ntawd yuav ci rau cov neeg uas nyob hauv qhov tsausntuj
uas yog txoj kev tuag.”
17Txij thaum ntawd los Yexus txawm pib qhuabqhia hais tias: “Nej ciali tso nej tej kev txhaum tseg, rauqhov Vajtswv lub Ntuj Ceebtsheej twb los ze lawm!” #Math 3:2
Yexus Hu Plaub Tug Neeg Ntaus Ntses
(Malakaus 1:16-20; Lukas 5:1-11)
18Thaum Yexus tabtom taug ntug dej Hiavtxwv Kalilais, Nws pom ob kwvtij uas yog neeg nrhiav ntses, uas yog Ximoos (uas hu ua Petus) thiab nws tus kwv Asnrus, tabtom xuas vas ntaus ntses hauv hiavtxwv. 19Yexus hais rau nkawd tias, “Neb ciali nrog Kuv mus, Kuv yuav qhia kom neb paub mus nrhiav neeg.” 20Tamsim ntawd nkawd txawm tso plhuav vas tseg thiab nrog Nws mus.
21Yexus mus tomntej mentsis, Nws txawm pom dua ob kwvtij uas yog Yakaunpaus thiab Yauhas, nkawd yog Xenpedais li tub. Nkawd tabtom nrog nkawd txiv Xenpedais ntxiv vas hauv nkoj. Yexus txawm hu nkawd, 22ces nkawd txawm tso lub nkoj thiab nkawd txiv tseg, thiab nrog Yexus mus.
Yexus Cobqhia, Qhuabqhia, Thiab Kho Mob
(Lukas 6:17-19)
23Yexus mus thoobplaws hauv lub xeev Kalilais, cobqhia hauv tej tsev sablaj, qhuabqhia txog Txoj Moo Zoo uas hais txog Vajtswv lub Tebchaws, thiab kho cov neeg uas muaj mob, tsis hais yam mob twg los Nws kho zoo huv tibsi. #Math 9:35; Malak 1:39 24Yexus lub moo nrov-ncha mus thoobplaws tebchaws Xilias, ces sawvdaws txawm coj tagnrho tej neeg uas muaj mob tuaj cuag Nws, tsis hais yam mob twg li: tej neeg raug dab, tej neeg qaug dabpeg, thiab tej neeg tuagtes tuagtaw los Yexus kho txhua tus zoo huv tibsi. 25Muaj neeg coob-coob hauv xeev Kalilais, cheebtsam Dekapaulis, hauv nroog Yeluxalees, hauv xeev Yudas, thiab hauv lub tebchaws uas nyob sab ntug dej Yauladees tim ub, tuaj raws Yexus qab.
Currently Selected:
Mathais 4: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais 4
4
Dab Ntxwgnyoog Sim Yexus Siab
(Malakaus 1:12-13; Lukas 4:1-13)
1Dhau ntawd Vaj Ntsujplig tau coj Yexus mus rau tom roob mojsab qhua kom dab ntxwgnyoog tau sim Yexus siab. #Henpl 2:18; 4:15 2Tomqab Yexus yoo mov tau plaubcaug hnub plaubcaug hmo, Nws tshaib plab heev. 3Dab ntxwgnyoog txawm los rau ntawm Nws thiab hais tias, “Yog Koj yog Vajtswv tus Tub tiag, Koj kuj hais kom tej pobzeb no txia ua mov.”
4Tiamsis Yexus teb tias, “Vajtswv Txojlus sau tseg hais tias, ‘Neeg tsis yog yuav ciajsia los ntawm zaub-mov xwb, tiamsis yog los ntawm txhua lolus uas tawm hauv Vajtswv lub qhovncauj los.’ ” #2Kev 8:3
5Ces dab ntxwgnyoog txawm coj Yexus mus rau hauv Yeluxalees, uas yog lub Nroog Dawbhuv; nws coj Yexus mus rau saum lub ruv uas siab tshajplaws ntawm lub Tuamtsev, 6thiab hais rau Yexus tias, “Yog Koj yog Vajtswv tus Tub tiag, Koj kuj ciali dhia rau hauv av, rauqhov Vajtswv Txojlus tau sau tseg hais tias:
“ ‘Vajtswv yuav kom Nws cov timtswv ceebtsheej tsomkwm Koj;
lawv ob txhais tes yuav hwj Koj,
kom Koj ob txhais kotaw tsis txhob ntsawm pobzeb li.’ ” #Nnkauj 91:11-12
7Yexus teb tias, “Vajtswv Txojlus hais tias, ‘Tsis txhob sim tus Tswv uas yog koj tus Vajtswv.’ ” #2Kev 6:16
8Ces dab ntxwgnyoog txawm coj Yexus mus rau saum ib lub roob siab-siab thiab muab tagnrho tej tebchaws thiab lawv tej kev vammeej hauv qabntuj no rau Yexus pom. 9Dab ntxwgnyoog hais tias, “Yog Koj txhoscaug thiab pe kuv, kuv yuav muab txhua yam no rau Koj.”
10Yexus teb tias, “Xatas, koj ciali khiav mus! Vajtswv Txojlus hais tias, ‘Koj yuavtsum pehawm tus Tswv uas yog koj tus Vajtswv thiab tsuas ua Nws tes haujlwm nkaus xwb!’ ” #2Kev 6:13
11Ces dab ntxwgnyoog txawm tso Yexus tseg lawm. Tomqab ntawd muaj ib cov timtswv ceebtsheej tau los tu Nws.
Yexus Pib Ua Nws Tes Haujlwm Hauv Kalilais
(Malakaus 1:14-15; Lukas 4:14-15)
12Thaum Yexus hnov tias Yauhas raug kaw lawm, ces Nws txawm mus rau pem Kalilais. #Math 14:3; Malak 6:17; Lukas 3:19-20 13Nws tsis mus nyob hauv lub nroog Naxalev, tiamsis Nws tshais chaw mus nyob hauv lub nroog Kapena-us, uas nyob npuab ntug dej hiavtxwv Kalilais, ntawm cheebtsam uas yog xeem Xenpuloos thiab xeem Nathalis nyob. #Yauh 2:12 14Tej no muaj kom tiav rawsli Yaxayas uas yog tus xibhwb cev Vajtswv lus tau qhia tseg hais tias,
15“Xeem Xenpuloos daim av thiab xeem Nathalis daim av
uas nyob sab ntug dej Yauladees tim ub, ntawm txojkev uas mus rau hiavtxwv,
hauv lub xeev Kalilais uas Lwm Haivneeg nyob! #Yaxaya 9:1-2
16Cov neeg uas nyob qhov tsausntuj nti
yuav pom ib lub teeb uas ci pomkev heev.
Thiab qhov pomkev ntawd yuav ci rau cov neeg uas nyob hauv qhov tsausntuj
uas yog txoj kev tuag.”
17Txij thaum ntawd los Yexus txawm pib qhuabqhia hais tias: “Nej ciali tso nej tej kev txhaum tseg, rauqhov Vajtswv lub Ntuj Ceebtsheej twb los ze lawm!” #Math 3:2
Yexus Hu Plaub Tug Neeg Ntaus Ntses
(Malakaus 1:16-20; Lukas 5:1-11)
18Thaum Yexus tabtom taug ntug dej Hiavtxwv Kalilais, Nws pom ob kwvtij uas yog neeg nrhiav ntses, uas yog Ximoos (uas hu ua Petus) thiab nws tus kwv Asnrus, tabtom xuas vas ntaus ntses hauv hiavtxwv. 19Yexus hais rau nkawd tias, “Neb ciali nrog Kuv mus, Kuv yuav qhia kom neb paub mus nrhiav neeg.” 20Tamsim ntawd nkawd txawm tso plhuav vas tseg thiab nrog Nws mus.
21Yexus mus tomntej mentsis, Nws txawm pom dua ob kwvtij uas yog Yakaunpaus thiab Yauhas, nkawd yog Xenpedais li tub. Nkawd tabtom nrog nkawd txiv Xenpedais ntxiv vas hauv nkoj. Yexus txawm hu nkawd, 22ces nkawd txawm tso lub nkoj thiab nkawd txiv tseg, thiab nrog Yexus mus.
Yexus Cobqhia, Qhuabqhia, Thiab Kho Mob
(Lukas 6:17-19)
23Yexus mus thoobplaws hauv lub xeev Kalilais, cobqhia hauv tej tsev sablaj, qhuabqhia txog Txoj Moo Zoo uas hais txog Vajtswv lub Tebchaws, thiab kho cov neeg uas muaj mob, tsis hais yam mob twg los Nws kho zoo huv tibsi. #Math 9:35; Malak 1:39 24Yexus lub moo nrov-ncha mus thoobplaws tebchaws Xilias, ces sawvdaws txawm coj tagnrho tej neeg uas muaj mob tuaj cuag Nws, tsis hais yam mob twg li: tej neeg raug dab, tej neeg qaug dabpeg, thiab tej neeg tuagtes tuagtaw los Yexus kho txhua tus zoo huv tibsi. 25Muaj neeg coob-coob hauv xeev Kalilais, cheebtsam Dekapaulis, hauv nroog Yeluxalees, hauv xeev Yudas, thiab hauv lub tebchaws uas nyob sab ntug dej Yauladees tim ub, tuaj raws Yexus qab.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.