Mathais 3
3
Yauhas Tus Uas Muab Neeg Ua Kevcai Rausdej Tej Lus Qhuabqhia
(Malakaus 1:1-8; Lukas 3:1-18; Yauhas 1:19-28)
1Lub sijhawm ntawd Yauhas tus uas muab neeg ua kevcai rausdej tau tawm tuaj qhuabqhia tom roob mojsab qhua hauv xeev Yudas. 2Yauhas hais tias, “Nej ciali tso nej tej kev txhaum tseg, rauqhov Vajtswv lub Ntuj Ceebtsheej twb los ze lawm!” #Math 4:17; Malak 1:15
3Tus Yauhas no yog tus uas tus xibhwb cev Vajtswv lus Yaxayas twb qhia tseg lawm hais tias,
“Muaj ib tug qw nrov-nrov tom roob mojsab qhua hais tias,
‘Ciali kho kev tos tus Tswv;
Ciali kho txojkev kom ncaj rau Nws tau taug!’ ” #Yaxaya 40:3 (LXX)
4Yauhas tej ristsho yog muab plaub ntxhuav ua; nws sia ib txoj siv tawv ntawm duav, thiab nws tej zaub-mov yog kooj thiab zib ntab. #2Vaj 1:8 5Tej neeg hauv lub nroog Yeluxalees, thoobplaws hauv xeev Yudas, thiab hauv tej zejzog uas nyob raws tus Dej Yauladees tuaj cuag Yauhas. 6Lawv nyias lees nyias lub txim, thiab nws muab lawv ua kevcai rausdej hauv tus Dej Yauladees.
7Thaum Yauhas pom cov Falixais thiab cov Xadukais coob leej tuaj ua kevcai rausdej ntawm nws, nws thiaj hais rau lawv tias, “Cov niag nab phem, leejtwg qhia rau nej hais tias nej yuav khiav dim Vajtswv txoj kev txiavtxim uas yuav muaj los sai-sai no? #Math 12:34; 23:33 8Nej yuavtsum ua lub neej kom qhia tau hais tias nej twb tso nej tej kev txhaum tseg lawm. 9Nej tsis txhob xav tias nej yuav dim Vajtswv txoj kev txiavtxim los ntawm qhov uas nej hais tias Anplahas yog nej yawgkoob. Kuv qhia rau nej hais tias, Vajtswv muaj peevxwm muab tej pobzeb no los ua Anplahas li cajces los yeej tau! #Yauh 8:33 10Tamsim no rab taus twb nyob ntawm cov hauvpaus ntoo lawm; txhua tsob ntoo uas tsis txi cov txiv zoo yuav raug muab ntov thiab muab pov rau hauv cub hluavtaws. #Math 7:19
11“Kuv muab nej ua kevcai raus rau hauv dej yog qhia hais tias nej twb tso nej tej kev txhaum tseg lawm, tiamsis tus uas yuav lawv kuv qab los, Nws yuav muab nej ua kevcai raus rau hauv Vaj Ntsujplig tus Dawbhuv thiab hluavtaws. Tus ntawd muaj hwjchim loj dua kuv; kuv twb tsis tsimnyog nqa Nws nkawm khau khiab. 12Nws tuav rawv ib rab ntxuam, Nws yuav ntxuaj Nws pawg nplej kom cov npluag ya tawm huv tibsi. Nws yuav muab cov nplej ntim rau hauv Nws lub txhab, tiamsis Nws yuav muab cov npluag pov rau hauv cub hluavtaws uas cig tsis paub tuag.”
Yexus Ua Kevcai Rausdej
(Malakaus 1:9-11; Lukas 3:21-22)
13Lub sijhawm ntawd Yexus tuaj pem Kalilais tuaj cuag Yauhas ntawm tus dej Yauladees kom Yauhas muab Nws ua kevcai rausdej. 14Tiamsis Yauhas tsis kam, Yauhas hais rau Yexus hais tias, “Twb tsimnyog Koj yog tus uas muab kuv ua kevcai rausdej, uacas Koj tseem tuaj cuag kuv?”
15Yexus teb nws hais tias, “Zaumno koj ciali yeem, rauqhov yeej tsimnyog cia peb ua li no kom tiav rawsli txhua yam uas Vajtswv pomzoo.” Yogli ntawd, Yauhas thiaj muab Yexus ua kevcai rausdej.
16Thaum Yexus ua kevcai rausdej tas, Nws tawm hauv havdej los. Tamsim ntawd roojntug txawm qhib plho, Nws pom Vajtswv tus Ntsujplig zooli ib tug nquab los tsaws rau saum Nws. 17Ces txawm muaj ib lub suab hais saum ntuj tuaj hais tias, “Tus no yog Kuv tus Tub uas Kuv hlub, Kuv txaussiab rau Nws heev.” #Chiv 22:2; Nnkauj 2:7; Yaxaya 42:1; Math 12:18; 17:5; Malak 1:11; Lukas 9:35
Currently Selected:
Mathais 3: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais 3
3
Yauhas Tus Uas Muab Neeg Ua Kevcai Rausdej Tej Lus Qhuabqhia
(Malakaus 1:1-8; Lukas 3:1-18; Yauhas 1:19-28)
1Lub sijhawm ntawd Yauhas tus uas muab neeg ua kevcai rausdej tau tawm tuaj qhuabqhia tom roob mojsab qhua hauv xeev Yudas. 2Yauhas hais tias, “Nej ciali tso nej tej kev txhaum tseg, rauqhov Vajtswv lub Ntuj Ceebtsheej twb los ze lawm!” #Math 4:17; Malak 1:15
3Tus Yauhas no yog tus uas tus xibhwb cev Vajtswv lus Yaxayas twb qhia tseg lawm hais tias,
“Muaj ib tug qw nrov-nrov tom roob mojsab qhua hais tias,
‘Ciali kho kev tos tus Tswv;
Ciali kho txojkev kom ncaj rau Nws tau taug!’ ” #Yaxaya 40:3 (LXX)
4Yauhas tej ristsho yog muab plaub ntxhuav ua; nws sia ib txoj siv tawv ntawm duav, thiab nws tej zaub-mov yog kooj thiab zib ntab. #2Vaj 1:8 5Tej neeg hauv lub nroog Yeluxalees, thoobplaws hauv xeev Yudas, thiab hauv tej zejzog uas nyob raws tus Dej Yauladees tuaj cuag Yauhas. 6Lawv nyias lees nyias lub txim, thiab nws muab lawv ua kevcai rausdej hauv tus Dej Yauladees.
7Thaum Yauhas pom cov Falixais thiab cov Xadukais coob leej tuaj ua kevcai rausdej ntawm nws, nws thiaj hais rau lawv tias, “Cov niag nab phem, leejtwg qhia rau nej hais tias nej yuav khiav dim Vajtswv txoj kev txiavtxim uas yuav muaj los sai-sai no? #Math 12:34; 23:33 8Nej yuavtsum ua lub neej kom qhia tau hais tias nej twb tso nej tej kev txhaum tseg lawm. 9Nej tsis txhob xav tias nej yuav dim Vajtswv txoj kev txiavtxim los ntawm qhov uas nej hais tias Anplahas yog nej yawgkoob. Kuv qhia rau nej hais tias, Vajtswv muaj peevxwm muab tej pobzeb no los ua Anplahas li cajces los yeej tau! #Yauh 8:33 10Tamsim no rab taus twb nyob ntawm cov hauvpaus ntoo lawm; txhua tsob ntoo uas tsis txi cov txiv zoo yuav raug muab ntov thiab muab pov rau hauv cub hluavtaws. #Math 7:19
11“Kuv muab nej ua kevcai raus rau hauv dej yog qhia hais tias nej twb tso nej tej kev txhaum tseg lawm, tiamsis tus uas yuav lawv kuv qab los, Nws yuav muab nej ua kevcai raus rau hauv Vaj Ntsujplig tus Dawbhuv thiab hluavtaws. Tus ntawd muaj hwjchim loj dua kuv; kuv twb tsis tsimnyog nqa Nws nkawm khau khiab. 12Nws tuav rawv ib rab ntxuam, Nws yuav ntxuaj Nws pawg nplej kom cov npluag ya tawm huv tibsi. Nws yuav muab cov nplej ntim rau hauv Nws lub txhab, tiamsis Nws yuav muab cov npluag pov rau hauv cub hluavtaws uas cig tsis paub tuag.”
Yexus Ua Kevcai Rausdej
(Malakaus 1:9-11; Lukas 3:21-22)
13Lub sijhawm ntawd Yexus tuaj pem Kalilais tuaj cuag Yauhas ntawm tus dej Yauladees kom Yauhas muab Nws ua kevcai rausdej. 14Tiamsis Yauhas tsis kam, Yauhas hais rau Yexus hais tias, “Twb tsimnyog Koj yog tus uas muab kuv ua kevcai rausdej, uacas Koj tseem tuaj cuag kuv?”
15Yexus teb nws hais tias, “Zaumno koj ciali yeem, rauqhov yeej tsimnyog cia peb ua li no kom tiav rawsli txhua yam uas Vajtswv pomzoo.” Yogli ntawd, Yauhas thiaj muab Yexus ua kevcai rausdej.
16Thaum Yexus ua kevcai rausdej tas, Nws tawm hauv havdej los. Tamsim ntawd roojntug txawm qhib plho, Nws pom Vajtswv tus Ntsujplig zooli ib tug nquab los tsaws rau saum Nws. 17Ces txawm muaj ib lub suab hais saum ntuj tuaj hais tias, “Tus no yog Kuv tus Tub uas Kuv hlub, Kuv txaussiab rau Nws heev.” #Chiv 22:2; Nnkauj 2:7; Yaxaya 42:1; Math 12:18; 17:5; Malak 1:11; Lukas 9:35
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.