Mathais 5
5
Zaj Lus Qhuabqhia Saum Roob
1Thaum Yexus pom cov neeg coob-coob, ces Nws txawm nce mus rau pem roob thiab zaum. Nws cov thwjtim txawm los sibsau puagncig Nws, 2thiab Nws txawm pib qhia lawv hais tias:
Kev Zoosiab Uas Tseeb
(Lukas 6:20-23)
3“Cov uas pluag rau sab ntsujplig, cov ntawd muaj kev zoosiab,
rauqhov Vajtswv lub Ntuj Ceebtsheej yog lawv tug!
4“Cov uas quajntsuag, cov ntawd muaj kev zoosiab,
rauqhov Vajtswv yuav nplig lawv siab! #Yaxaya 61:2
5“Cov uas txo hwjchim, cov ntawd muaj kev zoosiab,
rauqhov Vajtswv yuav muab tagnrho lub ntiajteb no rau lawv! #Nnkauj 37:11
6“Cov uas tshaib thiab nqhis rau txoj kev ncajncees, cov ntawd muaj kev zoosiab,
rauqhov Vajtswv yuav pub rau lawv tsaunpo! #Yaxaya 55:1-2
7“Cov uas tabncuab lwmtus, cov ntawd muaj kev zoosiab,
rauqhov Vajtswv yuav tabncuab lawv!
8“Cov uas muaj lub siab dawbhuv, cov ntawd muaj kev zoosiab,
rauqhov lawv yuav pom Vajtswv! #Nnkauj 24:3-4
9“Cov uas ua rau neeg nyob sib haumxeeb, cov ntawd muaj kev zoosiab,
rauqhov Vajtswv yuav hu lawv hais tias yog Nws cov menyuam!
10“Cov uas raug luag tsimtxom vim lawv ua rawsli Vajtswv lub siab nyiam, cov ntawd muaj kev zoosiab,
rauqhov Vajtswv lub Ntuj Ceebtsheej yog lawv tug! #1Pet 3:14
11“Thaum luag txobthuam thiab tsimtxom nej, thiab iab-liam txhua yam phem rau nej vim nej yog Kuv cov thwjtim, nej muaj kev zoosiab. #1Pet 4:14 12Nej ciali txaussiab thiab zoosiab rauqhov Vajtswv twb khaws nqizog ntau kawg li cia saum ntuj ceebtsheej rau nej lawm. Thaum ub cov xibhwb cev Vajtswv lus los kuj raug tsimtxom ib yam nkaus li no thiab. #2Xwm 36:16; Teshl 7:52
Ntsev Thiab Teeb
(Malakaus 9:50; Lukas 14:34-35)
13“Nej yog cov ntsev rau neeg ntiajteb. Tiamsis yog cov ntsev tsuag lawm, yuav ua licas thiaj rov daw tau? Cov ntsev ntawd yeej tsis muajnqis dabtsi lawm, kawg muab povtseg thiab cia neeg tsuj xwb. #Malak 9:50; Lukas 14:34-35
14“Nej yog qhov pomkev rau neeg ntiajteb. Lub nroog uas nyob saum roob, yeej tsis muaj ib yam dabtsi yuav thaiv tau nws. #Yauh 8:12; 9:5 15Tsis muaj leejtwg taws teeb es muab ib lub phiab khwb rau; tsuas muaj yuav muab txawb rau saum lub txee txawb teeb, kom txhua tus uas nyob hauv lub tsev pomkev xwb. #Malak 4:21; Lukas 8:16; 11:33 16Ib yam li ntawd, nej lub teeb yuavtsum ci rau sawvdaws, kom lawv thiaj yuav pom tej haujlwm zoo uas nej ua thiab qhuas nej Leejtxiv uas nyob saum ntuj ceebtsheej. #1Pet 2:12
Qhia Txog Mauxes Txoj Kevcai
17“Nej tsis txhob xav tias Kuv los rhuav Mauxes txoj Kevcai thiab rhuav cov xibhwb cev Vajtswv lus tej lus qhia. Kuv yeej tsis los rhuav tej lus ntawd li, tiamsis yog Kuv los ua tej ntawd kom tiav. 18Kuv qhia tseeb rau nej hais tias, thaum twg uas lub ntuj thiab lub ntiajteb tseem muaj nyob, ces txawm yog tus nyuag tsiajntawv uas me dua ntais, lossis ib nyuag tee ntawm tus cwjmem los yeej yuav tsis poob ntawm txoj Kevcai, mus txog thaum txhua yam tiav huvsi.#5:18: thaum txhua yam tiav huvsi; lossis txhua yam lus qhia muaj tiav. #Lukas 16:17 19Yogli ntawd, yog leejtwg tsis kam ua rawsli nqe lus uas me dua ntais hauv txoj Kevcai no thiab nws tseem qhia lwmtus kom tsis txhob ua rawsli ntawd, ces Vajtswv yuav suav hais tias nws yog tus uas yau dua ntais cov uas nyob hauv Vajtswv lub Ntuj Ceebtsheej. Tiamsis tus uas ua rawsli txoj Kevcai ntawd thiab qhia rau lwmtus kom ua rawsli ntawd, ces nws yuav yog tus loj uas nyob hauv Vajtswv lub Ntuj Ceebtsheej. 20Kuv qhia rau nej hais tias, yog nej tsis ua ncaj dua cov xibhwb uas qhia Kevcai thiab cov Falixais, ces nej yeej yuav mus tsis tau rau hauv Vajtswv lub Ntuj Ceebtsheej kiag li.
Qhia Txog Kev Chim
21“Nej twb hnov tej lus uas luag qhia rau cov neeg thaum ub lawm hais tias, ‘Tsis txhob tua neeg; tus uas tua neeg, tus ntawd yuav raug txim.’ #Khiav 20:13; 2Kev 5:17 22Tiamsis Kuv qhia rau nej hais tias, yog leejtwg chim#5:22: yog leejtwg chim; tej phau ntawv qub uas xuas tes sau hais tias yog leejtwg lam ciali chim uas tsis muaj qabhau. rau nws tus kwvtij, tus ntawd yuav raug txim; thiab tus uas hais rau nws tus kwvtij hais tias, ‘Neeg ruam!’ ces tus ntawd yuav raug coj mus rau nomtswv txiavtxim; thiab tus uas hu nws ib tug kwvtij hais tias, ‘Neeg vwm!’ ces nws lub txim txaus poob mus rau hauv ntujtawg lawm. 23Yogli ntawd, thaum koj tseem tabtom yuav muab khoom tso rau saum lub thaj fij rau Vajtswv, yog koj nco tau hais tias koj tus kwvtij muaj ib yam dabtsi uas nws tsis txaussiab rau koj, 24ces koj ciali tso plhuav koj tej khoom fij tseg rau ntawm lub thaj, thiab rovqab mus kho kom neb sib haumxeeb tso, koj mamli rovqab tuaj muab koj tej khoom ntawd fij rau Vajtswv.
25“Yog leejtwg xyuamphaj kom koj thiab coj koj mus rau hauv lub tsev tu plaub, uantej uas tsis tau mus hais plaub thiab tseem muaj sijhawm, koj ciali kho nws kom neb rov sibhaum. Yog koj tsis ua li ntawd, thaum mus txog tod lawm, nws yuav muab koj cob rau tus txiavtxim, ces tus txiavtxim yuav muab koj cob rau tub ceevxwm, thiab tub ceevxwm yuav coj koj mus kaw rau hauv tsev lojcuj. 26Kuv qhia tseeb rau koj hais tias, koj yuav tawm tsis tau mus txog thaum uas koj them nqi tas tso.
Qhia Txog Kev Nkauj Kev Nraug
27“Nej twb hnov tej lus qhia uas hais tias, ‘Tsis txhob deev luag pojniam luag txiv.’ #Khiav 20:14; 2Kev 5:18 28Tiamsis nimno Kuv qhia rau nej hais tias, yog leejtwg ntsia ib tug pojniam thiab xav deev tus pojniam ntawd, ces twb yog nws ua kev nkauj kev nraug nrog tus pojniam ntawd hauv nws lub siab lawm. 29Yogli ntawd, yog koj sab qhovmuag xis ua rau koj ua txhaum, ciali muab nws kaus povtseg! Koj tsis muaj ib sab qhovmuag tseem zoo dua li muab tagnrho koj lub cev pov rau hauv ntujtawg. #Math 18:9; Malak 9:47 30Yog koj sab tes xis ua rau koj ua txhaum, ciali muab nws txiav povtseg! Koj tsis muaj ib sab tes tseem zoo dua li muab tagnrho koj lub cev pov rau hauv ntujtawg. #Math 18:8; Malak 9:43
Qhia Txog Kev Sibnrauj
(Mathais 19:9; Malakaus 10:11-12; Lukas 16:18)
31“Tseem muaj dua lolus qhia hais tias, ‘Yog leejtwg nrauj nws tus pojniam, nws yuavtsum ua ib tsab ntawv sibnrauj rau tus pojniam.’ #2Kev 24:1-4; Math 19:7; Malak 10:4 32Tiamsis nimno Kuv qhia rau nej hais tias, yog leejtwg tus pojniam tsis tau mus deev hluasnraug tiamsis nws ciali muab nrauj, ces nws yog tus uas ua rau tus pojniam ntawd mus ua kev nkauj kev nraug, yog tias tus pojniam ntawd rov mus yuav dua txiv tshiab; thiab leejtwg yuav tus pojnrauj ntawd, ces yog nws deev luag pojniam lawm. #Math 19:9; Malak 10:11-12; Lukas 16:18; 1Klt 7:10-11
Qhia Txog Kev Twv
33“Nej twb hnov tej lus uas luag qhia rau cov neeg thaum ub hais tias, ‘Nej yuavtsum ua rawsli nej tau coglus tseg rau tus Tswv lawm, tsis txhob rhuav tej lus cogtseg ntawd.’ #Levi 19:12; Teev 30:2; 2Kev 23:21 34Tiamsis nimno Kuv qhia rau nej hais tias, thaum nej coglus, nej tsis txhob twv ntuj twv teb. Tsis txhob twv lub ntuj, rauqhov lub ntuj yog Vajtswv lub zwmtxwv; #Yakau 5:12; Yaxaya 66:1; Math 23:22 35tsis txhob twv lub ntiajteb, rauqhov lub ntiajteb yog Vajtswv lub chaw tiag taw; tsis txhob twv txog lub nroog Yeluxalees, rauqhov lub nroog ntawd yog tus Vajntxwv uas muaj hwjchim loj lub nroog. #Yaxaya 66:1; Nnkauj 48:2 36Tsis txhob twv rau nej lub taubhau, rauqhov nej yeej ua tsis tau kom nej ib txoj plaubhau dawb lossis dub. 37Qhov uas yog, nej ciali hais tias ‘Yog,’ qhov uas tsis yog, nej ciali hais tias, ‘Tsis yog.’ Yog nej hais tshaj ob lolus no, ces tej lus ntawd yog los ntawm dab ntxwgnyoog lawm xwb.
Qhia Txog Kev Ua Phem Pauj Phem
(Lukas 6:29-30)
38“Nej twb hnov tej lus qhia uas hais tias, ‘Qhovmuag pauj qhovmuag, thiab hniav pauj hniav.’ #Khiav 21:24; Levi 24:20; 2Kev 19:21 39Tiamsis nimno Kuv qhia rau nej hais tias, nej tsis txhob ua phem pauj tus neeg uas ua phem rau nej. Yog leejtwg ntaus nej sab plhu xis, nej ciali tig sab tod rau nws ntaus thiab. 40Yog leejtwg xyuamphaj kom nej rau hauv tsev tu plaub, txhav nej lub tsho sabhauv, nej ciali hle lub tsho loj sabnraud rau nws thiab. 41Yog leejtwg yuam nej kom mus 1 kilumev, nej ciali mus 2 kilumev. 42Yog leejtwg thov nej ib yam dabtsi, ciali muab rau nws; yog leejtwg qiv nej ib yam dabtsi, ciali qiv rau nws.
Kev Hlub Yeebncuab
(Lukas 6:27-28, 32-36)
43“Nej twb hnov tej lus qhia uas hais tias, ‘Yuavtsum hlub nej cov kwvtij thiab ntxub nej cov yeebncuab.’ 44Tiamsis nimno Kuv qhia rau nej hais tias, hlub nej cov yeebncuab thiab thov Vajtswv rau cov uas tsimtxom nej, 45mas nej thiaj yog Leejtxiv uas nyob saum ntuj cov menyuam. Rauqhov Vajtswv yeej ua Nws lub hnub ci rau cov neeg ua phem thiab cov neeg ua zoo ib yam nkaus, thiab tso nag los rau cov neeg ncaj thiab cov neeg nkhaus ib yam nkaus. 46Yog nej tsuas hlub cov uas hlub nej xwb, nej xav tias Vajtswv tseem yuav muab nqizog rau nej thiab no lov? Txawm yog cov neeg sau se los lawv kuj paub ua li ntawd thiab. 47Yog nej tsuas nrog nej cov kwvtij tham nkaus xwb, nej xav tias nej ua tau zoo tshaj lwmtus no lov? Txawm yog cov uas tsis paub Vajtswv los lawv kuj txawj ua li ntawd thiab! 48Yogli ntawd, nej yuavtsum ua zoo kawg nkaus, ib yam li nej Leejtxiv uas nyob saum ntuj ceebtsheej yog tus zoo kawg nkaus. #Levi 19:2; 2Kev 18:13
Currently Selected:
Mathais 5: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais 5
5
Zaj Lus Qhuabqhia Saum Roob
1Thaum Yexus pom cov neeg coob-coob, ces Nws txawm nce mus rau pem roob thiab zaum. Nws cov thwjtim txawm los sibsau puagncig Nws, 2thiab Nws txawm pib qhia lawv hais tias:
Kev Zoosiab Uas Tseeb
(Lukas 6:20-23)
3“Cov uas pluag rau sab ntsujplig, cov ntawd muaj kev zoosiab,
rauqhov Vajtswv lub Ntuj Ceebtsheej yog lawv tug!
4“Cov uas quajntsuag, cov ntawd muaj kev zoosiab,
rauqhov Vajtswv yuav nplig lawv siab! #Yaxaya 61:2
5“Cov uas txo hwjchim, cov ntawd muaj kev zoosiab,
rauqhov Vajtswv yuav muab tagnrho lub ntiajteb no rau lawv! #Nnkauj 37:11
6“Cov uas tshaib thiab nqhis rau txoj kev ncajncees, cov ntawd muaj kev zoosiab,
rauqhov Vajtswv yuav pub rau lawv tsaunpo! #Yaxaya 55:1-2
7“Cov uas tabncuab lwmtus, cov ntawd muaj kev zoosiab,
rauqhov Vajtswv yuav tabncuab lawv!
8“Cov uas muaj lub siab dawbhuv, cov ntawd muaj kev zoosiab,
rauqhov lawv yuav pom Vajtswv! #Nnkauj 24:3-4
9“Cov uas ua rau neeg nyob sib haumxeeb, cov ntawd muaj kev zoosiab,
rauqhov Vajtswv yuav hu lawv hais tias yog Nws cov menyuam!
10“Cov uas raug luag tsimtxom vim lawv ua rawsli Vajtswv lub siab nyiam, cov ntawd muaj kev zoosiab,
rauqhov Vajtswv lub Ntuj Ceebtsheej yog lawv tug! #1Pet 3:14
11“Thaum luag txobthuam thiab tsimtxom nej, thiab iab-liam txhua yam phem rau nej vim nej yog Kuv cov thwjtim, nej muaj kev zoosiab. #1Pet 4:14 12Nej ciali txaussiab thiab zoosiab rauqhov Vajtswv twb khaws nqizog ntau kawg li cia saum ntuj ceebtsheej rau nej lawm. Thaum ub cov xibhwb cev Vajtswv lus los kuj raug tsimtxom ib yam nkaus li no thiab. #2Xwm 36:16; Teshl 7:52
Ntsev Thiab Teeb
(Malakaus 9:50; Lukas 14:34-35)
13“Nej yog cov ntsev rau neeg ntiajteb. Tiamsis yog cov ntsev tsuag lawm, yuav ua licas thiaj rov daw tau? Cov ntsev ntawd yeej tsis muajnqis dabtsi lawm, kawg muab povtseg thiab cia neeg tsuj xwb. #Malak 9:50; Lukas 14:34-35
14“Nej yog qhov pomkev rau neeg ntiajteb. Lub nroog uas nyob saum roob, yeej tsis muaj ib yam dabtsi yuav thaiv tau nws. #Yauh 8:12; 9:5 15Tsis muaj leejtwg taws teeb es muab ib lub phiab khwb rau; tsuas muaj yuav muab txawb rau saum lub txee txawb teeb, kom txhua tus uas nyob hauv lub tsev pomkev xwb. #Malak 4:21; Lukas 8:16; 11:33 16Ib yam li ntawd, nej lub teeb yuavtsum ci rau sawvdaws, kom lawv thiaj yuav pom tej haujlwm zoo uas nej ua thiab qhuas nej Leejtxiv uas nyob saum ntuj ceebtsheej. #1Pet 2:12
Qhia Txog Mauxes Txoj Kevcai
17“Nej tsis txhob xav tias Kuv los rhuav Mauxes txoj Kevcai thiab rhuav cov xibhwb cev Vajtswv lus tej lus qhia. Kuv yeej tsis los rhuav tej lus ntawd li, tiamsis yog Kuv los ua tej ntawd kom tiav. 18Kuv qhia tseeb rau nej hais tias, thaum twg uas lub ntuj thiab lub ntiajteb tseem muaj nyob, ces txawm yog tus nyuag tsiajntawv uas me dua ntais, lossis ib nyuag tee ntawm tus cwjmem los yeej yuav tsis poob ntawm txoj Kevcai, mus txog thaum txhua yam tiav huvsi.#5:18: thaum txhua yam tiav huvsi; lossis txhua yam lus qhia muaj tiav. #Lukas 16:17 19Yogli ntawd, yog leejtwg tsis kam ua rawsli nqe lus uas me dua ntais hauv txoj Kevcai no thiab nws tseem qhia lwmtus kom tsis txhob ua rawsli ntawd, ces Vajtswv yuav suav hais tias nws yog tus uas yau dua ntais cov uas nyob hauv Vajtswv lub Ntuj Ceebtsheej. Tiamsis tus uas ua rawsli txoj Kevcai ntawd thiab qhia rau lwmtus kom ua rawsli ntawd, ces nws yuav yog tus loj uas nyob hauv Vajtswv lub Ntuj Ceebtsheej. 20Kuv qhia rau nej hais tias, yog nej tsis ua ncaj dua cov xibhwb uas qhia Kevcai thiab cov Falixais, ces nej yeej yuav mus tsis tau rau hauv Vajtswv lub Ntuj Ceebtsheej kiag li.
Qhia Txog Kev Chim
21“Nej twb hnov tej lus uas luag qhia rau cov neeg thaum ub lawm hais tias, ‘Tsis txhob tua neeg; tus uas tua neeg, tus ntawd yuav raug txim.’ #Khiav 20:13; 2Kev 5:17 22Tiamsis Kuv qhia rau nej hais tias, yog leejtwg chim#5:22: yog leejtwg chim; tej phau ntawv qub uas xuas tes sau hais tias yog leejtwg lam ciali chim uas tsis muaj qabhau. rau nws tus kwvtij, tus ntawd yuav raug txim; thiab tus uas hais rau nws tus kwvtij hais tias, ‘Neeg ruam!’ ces tus ntawd yuav raug coj mus rau nomtswv txiavtxim; thiab tus uas hu nws ib tug kwvtij hais tias, ‘Neeg vwm!’ ces nws lub txim txaus poob mus rau hauv ntujtawg lawm. 23Yogli ntawd, thaum koj tseem tabtom yuav muab khoom tso rau saum lub thaj fij rau Vajtswv, yog koj nco tau hais tias koj tus kwvtij muaj ib yam dabtsi uas nws tsis txaussiab rau koj, 24ces koj ciali tso plhuav koj tej khoom fij tseg rau ntawm lub thaj, thiab rovqab mus kho kom neb sib haumxeeb tso, koj mamli rovqab tuaj muab koj tej khoom ntawd fij rau Vajtswv.
25“Yog leejtwg xyuamphaj kom koj thiab coj koj mus rau hauv lub tsev tu plaub, uantej uas tsis tau mus hais plaub thiab tseem muaj sijhawm, koj ciali kho nws kom neb rov sibhaum. Yog koj tsis ua li ntawd, thaum mus txog tod lawm, nws yuav muab koj cob rau tus txiavtxim, ces tus txiavtxim yuav muab koj cob rau tub ceevxwm, thiab tub ceevxwm yuav coj koj mus kaw rau hauv tsev lojcuj. 26Kuv qhia tseeb rau koj hais tias, koj yuav tawm tsis tau mus txog thaum uas koj them nqi tas tso.
Qhia Txog Kev Nkauj Kev Nraug
27“Nej twb hnov tej lus qhia uas hais tias, ‘Tsis txhob deev luag pojniam luag txiv.’ #Khiav 20:14; 2Kev 5:18 28Tiamsis nimno Kuv qhia rau nej hais tias, yog leejtwg ntsia ib tug pojniam thiab xav deev tus pojniam ntawd, ces twb yog nws ua kev nkauj kev nraug nrog tus pojniam ntawd hauv nws lub siab lawm. 29Yogli ntawd, yog koj sab qhovmuag xis ua rau koj ua txhaum, ciali muab nws kaus povtseg! Koj tsis muaj ib sab qhovmuag tseem zoo dua li muab tagnrho koj lub cev pov rau hauv ntujtawg. #Math 18:9; Malak 9:47 30Yog koj sab tes xis ua rau koj ua txhaum, ciali muab nws txiav povtseg! Koj tsis muaj ib sab tes tseem zoo dua li muab tagnrho koj lub cev pov rau hauv ntujtawg. #Math 18:8; Malak 9:43
Qhia Txog Kev Sibnrauj
(Mathais 19:9; Malakaus 10:11-12; Lukas 16:18)
31“Tseem muaj dua lolus qhia hais tias, ‘Yog leejtwg nrauj nws tus pojniam, nws yuavtsum ua ib tsab ntawv sibnrauj rau tus pojniam.’ #2Kev 24:1-4; Math 19:7; Malak 10:4 32Tiamsis nimno Kuv qhia rau nej hais tias, yog leejtwg tus pojniam tsis tau mus deev hluasnraug tiamsis nws ciali muab nrauj, ces nws yog tus uas ua rau tus pojniam ntawd mus ua kev nkauj kev nraug, yog tias tus pojniam ntawd rov mus yuav dua txiv tshiab; thiab leejtwg yuav tus pojnrauj ntawd, ces yog nws deev luag pojniam lawm. #Math 19:9; Malak 10:11-12; Lukas 16:18; 1Klt 7:10-11
Qhia Txog Kev Twv
33“Nej twb hnov tej lus uas luag qhia rau cov neeg thaum ub hais tias, ‘Nej yuavtsum ua rawsli nej tau coglus tseg rau tus Tswv lawm, tsis txhob rhuav tej lus cogtseg ntawd.’ #Levi 19:12; Teev 30:2; 2Kev 23:21 34Tiamsis nimno Kuv qhia rau nej hais tias, thaum nej coglus, nej tsis txhob twv ntuj twv teb. Tsis txhob twv lub ntuj, rauqhov lub ntuj yog Vajtswv lub zwmtxwv; #Yakau 5:12; Yaxaya 66:1; Math 23:22 35tsis txhob twv lub ntiajteb, rauqhov lub ntiajteb yog Vajtswv lub chaw tiag taw; tsis txhob twv txog lub nroog Yeluxalees, rauqhov lub nroog ntawd yog tus Vajntxwv uas muaj hwjchim loj lub nroog. #Yaxaya 66:1; Nnkauj 48:2 36Tsis txhob twv rau nej lub taubhau, rauqhov nej yeej ua tsis tau kom nej ib txoj plaubhau dawb lossis dub. 37Qhov uas yog, nej ciali hais tias ‘Yog,’ qhov uas tsis yog, nej ciali hais tias, ‘Tsis yog.’ Yog nej hais tshaj ob lolus no, ces tej lus ntawd yog los ntawm dab ntxwgnyoog lawm xwb.
Qhia Txog Kev Ua Phem Pauj Phem
(Lukas 6:29-30)
38“Nej twb hnov tej lus qhia uas hais tias, ‘Qhovmuag pauj qhovmuag, thiab hniav pauj hniav.’ #Khiav 21:24; Levi 24:20; 2Kev 19:21 39Tiamsis nimno Kuv qhia rau nej hais tias, nej tsis txhob ua phem pauj tus neeg uas ua phem rau nej. Yog leejtwg ntaus nej sab plhu xis, nej ciali tig sab tod rau nws ntaus thiab. 40Yog leejtwg xyuamphaj kom nej rau hauv tsev tu plaub, txhav nej lub tsho sabhauv, nej ciali hle lub tsho loj sabnraud rau nws thiab. 41Yog leejtwg yuam nej kom mus 1 kilumev, nej ciali mus 2 kilumev. 42Yog leejtwg thov nej ib yam dabtsi, ciali muab rau nws; yog leejtwg qiv nej ib yam dabtsi, ciali qiv rau nws.
Kev Hlub Yeebncuab
(Lukas 6:27-28, 32-36)
43“Nej twb hnov tej lus qhia uas hais tias, ‘Yuavtsum hlub nej cov kwvtij thiab ntxub nej cov yeebncuab.’ 44Tiamsis nimno Kuv qhia rau nej hais tias, hlub nej cov yeebncuab thiab thov Vajtswv rau cov uas tsimtxom nej, 45mas nej thiaj yog Leejtxiv uas nyob saum ntuj cov menyuam. Rauqhov Vajtswv yeej ua Nws lub hnub ci rau cov neeg ua phem thiab cov neeg ua zoo ib yam nkaus, thiab tso nag los rau cov neeg ncaj thiab cov neeg nkhaus ib yam nkaus. 46Yog nej tsuas hlub cov uas hlub nej xwb, nej xav tias Vajtswv tseem yuav muab nqizog rau nej thiab no lov? Txawm yog cov neeg sau se los lawv kuj paub ua li ntawd thiab. 47Yog nej tsuas nrog nej cov kwvtij tham nkaus xwb, nej xav tias nej ua tau zoo tshaj lwmtus no lov? Txawm yog cov uas tsis paub Vajtswv los lawv kuj txawj ua li ntawd thiab! 48Yogli ntawd, nej yuavtsum ua zoo kawg nkaus, ib yam li nej Leejtxiv uas nyob saum ntuj ceebtsheej yog tus zoo kawg nkaus. #Levi 19:2; 2Kev 18:13
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.