Yaxayas 47
47
Txiavtxim Rau Lub Nroog Npanpiloos
1Tus TSWV hais tias,
“Npanpiloos tus ntxhais nkaujxwb,
koj ciali nqis saum koj lub zwmtxwv los nyob hauv cov hmoov av.
Yav tas los koj zoo li tus nkaujxwb, zoo li ib lub nroog uas tsis muaj leejtwg kovyeej,
tiamsis koj yuav tsis yog ib tug nkauj mos uas zoonkauj ntawd ntxiv lawm. #Yaxaya 13:1—14:23; Yelemi 51:1—51:64
2Ciali muab lub zeb los zom hmoov nplej!
Ciali yaws koj daim ntaub npog ntsejmuag! Ciali hle koj tej khaubncaws!
Qaws koj daim tiab, hle koj tej nrhoob, thiab kwm dej mus.#47:2: kwm dej mus: Qhov no tejzaum yog hais txog qhov uas raug luag ntes mus.
3Neeg yuav pom koj liabqab;
lawv yuav pom koj poob hwjchim thiab tau kev txajmuag.
Kuv yuav ua pauj thiab yuav tsis tseg ib tug li.”
4Cov Yixalayees tus Vajtswv uas dawbhuv yog tus cawm peb dim,
Nws lub npe hu ua tus TSWV uas muaj Hwjchim Loj Kawg Nkaus.
5Tus TSWV hais rau Npanpiloos tias,
“Ciali nyob twjywm hauv qhov tsausntuj nti;
vim luag yuav tsis hu koj ua ntau lub tebchaws tus poj vajntxwv ntxiv lawm!
6Yav tas los Kuv npautaws heev rau Kuv haivneeg;
Kuv thiaj ua rau lawv li uas lawv tsis yog Kuv haivneeg lawm.
Kuv muab lawv cob rau koj tes,
mas koj thiaj tsis tabncuab lawv hlo li;
txawm yog cov laus los koj tseem muab lawv yuam kwv tus quab uas hnyav heev.
7Koj xav tias koj yuav tau ua poj vajntxwv mus ibtxhis li,
koj thiaj tsis khaws tej no rau nruabsiab,
lossis tsis xav tias tej no yuav txawj xaus.
8“Koj tus uas nyiam kev lomzem,
thiab xav tias koj tau zoo nyob kajsiab lug lawm, ciali mloog tej lus no nawb.
Koj hais tias koj muaj hwjchim loj ib yam li Vajtswv,
thiab yeej tsis muaj ib tug zoo li koj.
Koj xav tias koj yuav tsis tau ua pojntsuam
lossis tau kev txomnyem uas koj tej menyuam tuag tso koj tseg.
9Muaj ib hnub, koj tsis ras txog,
ob yam no yuav los raug koj.
Txawm koj ua khawvkoob npaum licas los,
koj yuav plam cov menyuam thiab koj tus txiv.#Tshwm 18:7-8
10“Koj tsosiab rau koj tej kev ua phem;
koj xav tias tsis muaj leejtwg pom koj.
Koj lub tswvyim thiab tej kev txawjntse coj koj mus yuamkev,
koj thiaj hais tau tias, ‘Kuv yog Vajtswv,
tsis muaj leejtwg zoo li kuv.’
11Koj yuav raug kev puastsuaj,
thiab koj tej khawvkoob yuav pab tsis tau koj.
Tosnco xwb, koj yuav raug tej kev piamsij;
uas yog txoj kev piamsij koj yeej tsis tau xav txog li!
12Yeejmeem siv koj tej khawvkoob thiab koj tej dab neeb
uas koj ibtxwm siv thaum koj tseem hluas.
Tejzaum tej ntawd yuav pab tau koj;
tejzaum yuav ua rau koj cov yeebncuab ntshai.
13Koj qaugzog tag vim ntau lub tswvyim uas ntau tus muab rau koj—
cov neeg uas txawj saib hnubqub,
uas muab lub ntuj faib ua tej ntsuj
thiab qhia koj ib hlis dhau ib hlis
tias dabtsi#47:13: Tej cov ntawv qub-qub thaum ub sau hais tias dabtsi; phau lus Henplais hais tias yuav muaj dabtsi. los raug koj.
14“Lawv zoo ib yam li cov quavnyab npleg,
thiab hluavtaws yuav kub lawv!
Lawv yuav tsis muaj peevxwm pab tau lawv
kom dim ntawd cov nplaimtaws ntawd li.
Tej ntawd tsis yog cov ncaigtaws uas txhiab kom sov;
thiab tsis yog lub cubtawg uas rauv rau lawv nte.
15Ntawd yog tej uas lawv yuav ua rau koj;
lawv tsuas yog cov txawj saib hnubqub rau koj txij thaum koj tseem hluas los xwb.
Lawv yuav tso koj tseg thiab nyias mus nyias tas lawm,
yuav tsis tshuav leejtwg cawm koj li.”
Currently Selected:
Yaxayas 47: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
