Khiav Dim 34
34
Txua Dua Ob Daim Txiag Zeb
(2 Kevcai 10:1-5)
1Tus TSWV hais rau Mauxes tias, “Koj txiav dua ob daim txiag zeb kom zoo ib yam li thawj ob daim, es Kuv yuav sau tej lus uas nyob hauv thawj ob daim uas koj muab tsoo tawg tag lawm rau hauv ob daim tshiab ntawd. 2Koj yuavtsum ua kom tiav rau tagkis sawvntxov, thiab tuaj rau saum Roob Xinais, tuaj cuag Kuv rau saum ncov roob. 3Tsis txhob pub leejtwg nrog koj tuaj; tsis pub kom leejtwg tuaj rau Kuv pom saum roob no hlo li; tsis txhob pub yaj thiab nyuj tuaj noj zaub ze ntawm lub taw roob no li.” 4Yogli ntawd, Mauxes thiaj txiav ob daim txiag zeb zooli thawj ob daim, thiab tagkis sawvntxov nws thiaj nqa nce mus rau saum Roob Xinais rawsli tus TSWV tau xaaj rau nws lawm.
5Tus TSWV nrog ib tauv huab nqis los nrog Mauxes sawv uake, thiab qhia Nws lub npe dawbhuv, uas yog hu ua tus TSWV.#34:5: Tus TSWV: Saib 3:14, thiab saib Cov Lus Txhais uas teev rau tomqab. 6Tus TSWV hla Mauxes xubntiag mus thiab hu nrov-nrov hais tias, “Kuv, uas yog tus TSWV, yog Vajtswv tus uas puvnpo txoj kev tabncuab thiab siabdawb siabzoo, yog tus uas tsis chim sai, yog tus uas muaj kev hlub ruaj-khov thiab ncajncees. 7Kuv yeej ceev Kuv txoj kev hlub mus txog ntau txheeb tiam neeg,#34:7: ntau txheeb tiam neeg; lossis ntau txheeb leej. thiab yeej zamtxim rau tej kev phem, kev ntxeevsiab, thiab kev txhaum; tiamsis Kuv yuav tsis tseg cov neeg uas muaj txim, Kuv yuav rautxim rau cov menyuam thiab cov menyuam ntawd cov menyuam mus txog peb-plaub tiam neeg, vim lawv niam lawv txiv tej kev txhaum.” #Khiav 20:5; Teev 14:18; 2Kev 5:9-10; 7:9-10
8Tamsim ntawd, Mauxes txawm txhoscaug ntua thiab khoov ntshis rau hauv av pehawm. 9Mauxes hais tias, “Tus TSWV, yog Koj txaussiab rau kuv tiag, kuv thov Koj nrog peb mus. Cov neeg no yeej tawv ncauj heev, tiamsis thov Koj zam peb tej kev phem thiab peb lub txim, es thov lees yuav peb ua Koj haivneeg.”
Vajtswv Rov Coglus Rau Mauxes
(Khiav Dim 23:14-19; 2 Kevcai 7:1-5; 16:1-17)
10Tus TSWV hais rau Mauxes tias, “Kuv coglus rau cov Yixalayees. Kuv yuav ua txujci tseemceeb rau sawvdaws pom, yog tej txujci uas yeej tsis tau ua rau ib haivneeg twg nyob hauv ntiajteb no pom hlo li. Txhua tus yuav pom tias Kuv, uas yog tus TSWV, ua tau tej txujci tseemceeb loj kawg nkaus, rauqhov Kuv tabtom yuav ua tej ntawd rau nej. 11Nej yuavtsum ua rawsli txoj kevcai uas Kuv muab cob rau nej hnubno. Kuv yuav ntiab cov Amaules, cov Kana-as, cov Hitis, cov Pelixes, cov Hivis, thiab cov Yenpus kom khiav tawm uantej nej mus txog.
12“Nej tsis txhob coglus nrog cov neeg uas ibtxwm nyob hauv lub tebchaws uas nej yuav mus nyob ntawd, rauqhov tej ntawd yuav ua rooj ntxiab cuab tos nej kev. 13Nej ciali muab lawv tej thaj rhuav povtseg, muab lawv tej ncej zeb muaj hwjchim tsoo kom tawg tas, thiab muab lawv tej ncej mlom pojniam Aselas ntov povtseg huv tibsi. #2Kev 16:21
14“Nej tsis txhob pehawm ib tug nyuag vajtswv twg li, rauqhov Kuv, uas yog tus TSWV, uas muaj lub npe hu ua Khib, yog tus Vajtswv uas Khib nej heev. 15Tsis txhob cog kev phoojywg nrog cov neeg hauv lub tebchaws ntawd, rauqhov thaum lawv mus pehawm rau lawv tej nyuag vajtswv thiab tua tsiaj fij rau tej nyuag vajtswv ntawd, lawv yuav caw nej mus koom nrog lawv, thiab lawv yuav ntxias kom nej nrog lawv noj tej nqaij uas muab fij rau lawv tej nyuag vajtswv ntawd. 16Ces nej yuav mus yuav lawv cov ntxhais los rau nej cov tub ua pojniam; cov ntxhais ntawd puavleej ua niamntiav rau lawv tej nyuag vajtswv, ces lawv yuav coj nej cov tub mus ua ib yam li lawv ua ntawd thiab.
17“Nej tsis txhob nchuav mlom tooj rau nej pe. #Khiav 20:4; Levi 19:4; 2Kev 5:8; 27:15
18“Ncontsoov ua Kevcai noj Ncuav Tsis Xyaw Keeb. Rawsli Kuv tau xaaj rau nej lawm, lub hli Anpis nej yuavtsum noj cov ncuav tsis xyaw keeb xya hnub, rauqhov lub hli ntawd yog lub hli uas nej tawm hauv tebchaws Iziv los. #Khiav 12:14-20; Levi 23:6-8; Teev 28:16-25
19“Txhua tus tub hlob thiab tej tsiaj thawjtug menyuam uas yog tus txiv puavleej yog Kuv tug huv tibsi, #Khiav 13:2 20tiamsis txhua-txhua thawjtug menyuam neesluav, nej yuavtsum coj ib tug menyuam yaj mus txhiv rovqab. Yog nej tsis xav txhiv tus menyuam neesluav ntawd rovqab, nej yuavtsum muab lov cajdab kom tuag. Thiab nej yuavtsum txhiv nej cov tub hlob txhua tus rovqab huv tibsi.
“Tsis txhob pub ib tug twg tuaj cuag Kuv tes dawb tes npliag. #Khiav 13:13
21“Nej muaj rau hnub ua nej tej haujlwm, tiamsis hnub thib xya nej yuavtsum so, txawm yog lub caij cog qoobloo lossis sau qoobloo los xij, nej yuavtsum so. #Khiav 20:9-10; 23:12; 31:15; 35:2; Levi 23:3; 2Kev 5:3-14
22“Ncontsoov ua Kevcai Sau Qoobloo thaum nej pib hlais nej tej nplej caug, thiab ua Kevcai Nyob Tsev Pheebsuab thaum lub caij nplooj ntoos zeeg uas nej sau nej tej txivhmab. #Levi 23:15-21; Teev 28:26-31; Levi 23:39-43
23“Nej txhua tus txivneej yuavtsum tuaj pehawm Kuv, uas yog tus TSWV, uas yog cov Yixalayees tus Vajtswv, ib xyoos twg peb zaug. 24Tomqab uas Kuv ntiab lwm haivneeg khiav tawm uantej nej mus nyob, thiab nthuav nej ciam dej ciam av dav lawm, tsis muaj leejtwg yuav tuaj txeeb nej lub tebchaws thaum uas nej ua peb zaug kevcai ntawd li.
25“Nej tsis txhob muab ncuav xyaw keeb nqa tuaj fij thaum nej tua tsiaj fij rau Kuv. Tsis txhob tseg tej nqaij uas nej tua ua kevcai Hla Dhau mus txog tagkis sawvntxov. #Khiav 12:10
26“Txhua xyoo nej yuavtsum coj tej qoobloo zoo kawg nkaus uas nej xub sau tau los, nqa tuaj tso rau hauv tus TSWV lub tuamtsev.
“Tsis txhob muab menyuam yaj lossis menyuam tshis cov nqaij hau rau hauv nws niam cov kua mis.” #2Kev 26:2; 2Kev 14:21
27Tus TSWV hais rau Mauxes tias, “Sau tej lus no cia, rauqhov tej lus cogtseg uas Kuv ua rau koj thiab cov Yixalayees.” 28Mauxes nrog tus TSWV nyob saum roob tau plaubcaug hnub plaubcaug hmo, nws tsis noj mov thiab tsis haus dej li. Thiab nws#34:28: nws; Vim phau Henplais sau ua “nws” no xwb, ibtxhia hais tias lolus ntawd yog hais txog Mauxes, tiamsis ibtxhia kuj hais tias lolus ntawd yog hais txog Vajtswv (34:1). sau tej lus cogtseg uas yog Kaum Nqe Kevcai rau saum ob daim txiag zeb.
Mauxes Nqis Saum Roob Xinais Los
29Thaum Mauxes nqis saum Roob Xinais los, nws ob txhais tes nqa rawv ob daim txiag zeb uas saum Kaum Nqe Kevcai, nws lub ntsejmuag ci ntsa-iab, tiamsis nws tsis paub li, rauqhov nws tau nrog tus TSWV sibtham. 30Thaum Aloos thiab cov Yixalayees pom Mauxes lub ntsejmuag ci ntsa-iab, lawv ntshai heev thiab tsis kam txav mus ze nws li. 31Tiamsis Mauxes hu kom lawv tuaj cuag nws, ces Aloos thiab tagnrho cov Yixalayees tej thawjcoj thiaj mus cuag nws, thiab nws nrog lawv tham. 32Tomqab ntawd, cov pejxeem Yixalayees txawm sibsau los sawv ncig Mauxes, ces Mauxes thiaj muab tagnrho tej kevcai uas tus TSWV muab rau nws saum lub Roob Xinais qhia rau lawv.
33Thaum Mauxes hais rau lawv tag lawm, nws thiaj muab ib daim ntaub npog nws lub ntsejmuag. 34Txhua zaus uas Mauxes mus nrog tus TSWV tham hauv lub Tsevntaub Sibntsib, nws yeej muab daim ntaub uas npog nws lub ntsejmuag yaws. Thaum nws tawm los, nws yeej piav txhua yam uas tus TSWV tau xaaj rau nws rau cov Yixalayees mloog, 35thiab lawv pom tias nws lub ntsejmuag yeej ci ntsa-iab. Ces Mauxes rov muab ntaub npog nws lub ntsejmuag mus txog thaum nws rov mus nrog tus TSWV sibtham.
Currently Selected:
Khiav Dim 34: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Khiav Dim 34
34
Txua Dua Ob Daim Txiag Zeb
(2 Kevcai 10:1-5)
1Tus TSWV hais rau Mauxes tias, “Koj txiav dua ob daim txiag zeb kom zoo ib yam li thawj ob daim, es Kuv yuav sau tej lus uas nyob hauv thawj ob daim uas koj muab tsoo tawg tag lawm rau hauv ob daim tshiab ntawd. 2Koj yuavtsum ua kom tiav rau tagkis sawvntxov, thiab tuaj rau saum Roob Xinais, tuaj cuag Kuv rau saum ncov roob. 3Tsis txhob pub leejtwg nrog koj tuaj; tsis pub kom leejtwg tuaj rau Kuv pom saum roob no hlo li; tsis txhob pub yaj thiab nyuj tuaj noj zaub ze ntawm lub taw roob no li.” 4Yogli ntawd, Mauxes thiaj txiav ob daim txiag zeb zooli thawj ob daim, thiab tagkis sawvntxov nws thiaj nqa nce mus rau saum Roob Xinais rawsli tus TSWV tau xaaj rau nws lawm.
5Tus TSWV nrog ib tauv huab nqis los nrog Mauxes sawv uake, thiab qhia Nws lub npe dawbhuv, uas yog hu ua tus TSWV.#34:5: Tus TSWV: Saib 3:14, thiab saib Cov Lus Txhais uas teev rau tomqab. 6Tus TSWV hla Mauxes xubntiag mus thiab hu nrov-nrov hais tias, “Kuv, uas yog tus TSWV, yog Vajtswv tus uas puvnpo txoj kev tabncuab thiab siabdawb siabzoo, yog tus uas tsis chim sai, yog tus uas muaj kev hlub ruaj-khov thiab ncajncees. 7Kuv yeej ceev Kuv txoj kev hlub mus txog ntau txheeb tiam neeg,#34:7: ntau txheeb tiam neeg; lossis ntau txheeb leej. thiab yeej zamtxim rau tej kev phem, kev ntxeevsiab, thiab kev txhaum; tiamsis Kuv yuav tsis tseg cov neeg uas muaj txim, Kuv yuav rautxim rau cov menyuam thiab cov menyuam ntawd cov menyuam mus txog peb-plaub tiam neeg, vim lawv niam lawv txiv tej kev txhaum.” #Khiav 20:5; Teev 14:18; 2Kev 5:9-10; 7:9-10
8Tamsim ntawd, Mauxes txawm txhoscaug ntua thiab khoov ntshis rau hauv av pehawm. 9Mauxes hais tias, “Tus TSWV, yog Koj txaussiab rau kuv tiag, kuv thov Koj nrog peb mus. Cov neeg no yeej tawv ncauj heev, tiamsis thov Koj zam peb tej kev phem thiab peb lub txim, es thov lees yuav peb ua Koj haivneeg.”
Vajtswv Rov Coglus Rau Mauxes
(Khiav Dim 23:14-19; 2 Kevcai 7:1-5; 16:1-17)
10Tus TSWV hais rau Mauxes tias, “Kuv coglus rau cov Yixalayees. Kuv yuav ua txujci tseemceeb rau sawvdaws pom, yog tej txujci uas yeej tsis tau ua rau ib haivneeg twg nyob hauv ntiajteb no pom hlo li. Txhua tus yuav pom tias Kuv, uas yog tus TSWV, ua tau tej txujci tseemceeb loj kawg nkaus, rauqhov Kuv tabtom yuav ua tej ntawd rau nej. 11Nej yuavtsum ua rawsli txoj kevcai uas Kuv muab cob rau nej hnubno. Kuv yuav ntiab cov Amaules, cov Kana-as, cov Hitis, cov Pelixes, cov Hivis, thiab cov Yenpus kom khiav tawm uantej nej mus txog.
12“Nej tsis txhob coglus nrog cov neeg uas ibtxwm nyob hauv lub tebchaws uas nej yuav mus nyob ntawd, rauqhov tej ntawd yuav ua rooj ntxiab cuab tos nej kev. 13Nej ciali muab lawv tej thaj rhuav povtseg, muab lawv tej ncej zeb muaj hwjchim tsoo kom tawg tas, thiab muab lawv tej ncej mlom pojniam Aselas ntov povtseg huv tibsi. #2Kev 16:21
14“Nej tsis txhob pehawm ib tug nyuag vajtswv twg li, rauqhov Kuv, uas yog tus TSWV, uas muaj lub npe hu ua Khib, yog tus Vajtswv uas Khib nej heev. 15Tsis txhob cog kev phoojywg nrog cov neeg hauv lub tebchaws ntawd, rauqhov thaum lawv mus pehawm rau lawv tej nyuag vajtswv thiab tua tsiaj fij rau tej nyuag vajtswv ntawd, lawv yuav caw nej mus koom nrog lawv, thiab lawv yuav ntxias kom nej nrog lawv noj tej nqaij uas muab fij rau lawv tej nyuag vajtswv ntawd. 16Ces nej yuav mus yuav lawv cov ntxhais los rau nej cov tub ua pojniam; cov ntxhais ntawd puavleej ua niamntiav rau lawv tej nyuag vajtswv, ces lawv yuav coj nej cov tub mus ua ib yam li lawv ua ntawd thiab.
17“Nej tsis txhob nchuav mlom tooj rau nej pe. #Khiav 20:4; Levi 19:4; 2Kev 5:8; 27:15
18“Ncontsoov ua Kevcai noj Ncuav Tsis Xyaw Keeb. Rawsli Kuv tau xaaj rau nej lawm, lub hli Anpis nej yuavtsum noj cov ncuav tsis xyaw keeb xya hnub, rauqhov lub hli ntawd yog lub hli uas nej tawm hauv tebchaws Iziv los. #Khiav 12:14-20; Levi 23:6-8; Teev 28:16-25
19“Txhua tus tub hlob thiab tej tsiaj thawjtug menyuam uas yog tus txiv puavleej yog Kuv tug huv tibsi, #Khiav 13:2 20tiamsis txhua-txhua thawjtug menyuam neesluav, nej yuavtsum coj ib tug menyuam yaj mus txhiv rovqab. Yog nej tsis xav txhiv tus menyuam neesluav ntawd rovqab, nej yuavtsum muab lov cajdab kom tuag. Thiab nej yuavtsum txhiv nej cov tub hlob txhua tus rovqab huv tibsi.
“Tsis txhob pub ib tug twg tuaj cuag Kuv tes dawb tes npliag. #Khiav 13:13
21“Nej muaj rau hnub ua nej tej haujlwm, tiamsis hnub thib xya nej yuavtsum so, txawm yog lub caij cog qoobloo lossis sau qoobloo los xij, nej yuavtsum so. #Khiav 20:9-10; 23:12; 31:15; 35:2; Levi 23:3; 2Kev 5:3-14
22“Ncontsoov ua Kevcai Sau Qoobloo thaum nej pib hlais nej tej nplej caug, thiab ua Kevcai Nyob Tsev Pheebsuab thaum lub caij nplooj ntoos zeeg uas nej sau nej tej txivhmab. #Levi 23:15-21; Teev 28:26-31; Levi 23:39-43
23“Nej txhua tus txivneej yuavtsum tuaj pehawm Kuv, uas yog tus TSWV, uas yog cov Yixalayees tus Vajtswv, ib xyoos twg peb zaug. 24Tomqab uas Kuv ntiab lwm haivneeg khiav tawm uantej nej mus nyob, thiab nthuav nej ciam dej ciam av dav lawm, tsis muaj leejtwg yuav tuaj txeeb nej lub tebchaws thaum uas nej ua peb zaug kevcai ntawd li.
25“Nej tsis txhob muab ncuav xyaw keeb nqa tuaj fij thaum nej tua tsiaj fij rau Kuv. Tsis txhob tseg tej nqaij uas nej tua ua kevcai Hla Dhau mus txog tagkis sawvntxov. #Khiav 12:10
26“Txhua xyoo nej yuavtsum coj tej qoobloo zoo kawg nkaus uas nej xub sau tau los, nqa tuaj tso rau hauv tus TSWV lub tuamtsev.
“Tsis txhob muab menyuam yaj lossis menyuam tshis cov nqaij hau rau hauv nws niam cov kua mis.” #2Kev 26:2; 2Kev 14:21
27Tus TSWV hais rau Mauxes tias, “Sau tej lus no cia, rauqhov tej lus cogtseg uas Kuv ua rau koj thiab cov Yixalayees.” 28Mauxes nrog tus TSWV nyob saum roob tau plaubcaug hnub plaubcaug hmo, nws tsis noj mov thiab tsis haus dej li. Thiab nws#34:28: nws; Vim phau Henplais sau ua “nws” no xwb, ibtxhia hais tias lolus ntawd yog hais txog Mauxes, tiamsis ibtxhia kuj hais tias lolus ntawd yog hais txog Vajtswv (34:1). sau tej lus cogtseg uas yog Kaum Nqe Kevcai rau saum ob daim txiag zeb.
Mauxes Nqis Saum Roob Xinais Los
29Thaum Mauxes nqis saum Roob Xinais los, nws ob txhais tes nqa rawv ob daim txiag zeb uas saum Kaum Nqe Kevcai, nws lub ntsejmuag ci ntsa-iab, tiamsis nws tsis paub li, rauqhov nws tau nrog tus TSWV sibtham. 30Thaum Aloos thiab cov Yixalayees pom Mauxes lub ntsejmuag ci ntsa-iab, lawv ntshai heev thiab tsis kam txav mus ze nws li. 31Tiamsis Mauxes hu kom lawv tuaj cuag nws, ces Aloos thiab tagnrho cov Yixalayees tej thawjcoj thiaj mus cuag nws, thiab nws nrog lawv tham. 32Tomqab ntawd, cov pejxeem Yixalayees txawm sibsau los sawv ncig Mauxes, ces Mauxes thiaj muab tagnrho tej kevcai uas tus TSWV muab rau nws saum lub Roob Xinais qhia rau lawv.
33Thaum Mauxes hais rau lawv tag lawm, nws thiaj muab ib daim ntaub npog nws lub ntsejmuag. 34Txhua zaus uas Mauxes mus nrog tus TSWV tham hauv lub Tsevntaub Sibntsib, nws yeej muab daim ntaub uas npog nws lub ntsejmuag yaws. Thaum nws tawm los, nws yeej piav txhua yam uas tus TSWV tau xaaj rau nws rau cov Yixalayees mloog, 35thiab lawv pom tias nws lub ntsejmuag yeej ci ntsa-iab. Ces Mauxes rov muab ntaub npog nws lub ntsejmuag mus txog thaum nws rov mus nrog tus TSWV sibtham.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.