Khiav Dim 35
35
Kevcai Rau Hnub Xanpataus
1Mauxes hu tagnrho ibtsoom pejxeem Yixalayees tuaj sibsau uake thiab nws hais rau lawv tias, “Ntawm no yog tus TSWV tej lus xaaj kom nej ua: 2Nej muaj rau hnub ua nej tej haujlwm, tiamsis hnub thib xya yog hnub dawbhuv rau nej, yog hnub Xanpataus uas yog tus TSWV hnub so tiag-tiag li. Yog leejtwg tseem mus ua haujlwm rau hnub ntawd thiab, yuavtsum muab nws tua kom tuag. #Khiav 20:8-11; 23:12; 31:15; 34:21; Levi 23:3; 2Kev 5:12-14 3Txawm yog hauv nej tej tsev los hnub Xanpataus tsis txhob rauv taws hlo li.”
Coj Khoom Mus Fij Rau Lub Tsevntaub Dawbhuv
(Khiav Dim 25:1-9)
4Mauxes hais rau cov Yixalayees tias, “Ntawm no yog tus TSWV tej lus xaaj tseg: 5Muab tej uas nej muaj coj tuaj fij rau tus TSWV. Txhua tus uas txaussiab nqa khoom tuaj fij rau tus TSWV, kom nws nqa kub, nyiaj, thiab tooj; 6tej ntaub mag uas zoo-zoo, xov xiav, xov tsamxem, thiab xov liab; tej ntaub uas muab plaub tshis ntos; 7tawv laug yaj uas muab zas liab; tej tseem tawv nyuj; ntoo kubtwg; 8roj sam teeb; ntoo tswqab uas tim rau cov roj txhawb meejthawj, thiab tej hmoov tshuaj uas tswqab; 9tej qe zeb kanelis thiab lwmyam hlaws uas muab xaws rau ntawm cov Povthawj Hlob lub tsho efauj thiab lub awv.
Tej Khoom Siv Hauv Tus TSWV Lub Tsevntaub Sibntsib
(Khiav Dim 39:32-43)
10“Tagnrho nej cov uas txujtes zoo yuavtsum tuaj thiab ua txhua yam uas tus TSWV tau xaaj tseg: 11lub Tsevntaub, cov vov lub tsev, cov xov lub tsev, cov khawb, cov las, cov tab, cov ncej, thiab cov tiag taw ncej; 12lub Phijxab Lus Cogtseg, ob tug las, lub hau Phijxab, thiab daim ntaub thaiv lub Phijxab; 13lub rooj, cov ceg rooj thiab tagnrho tej khoom siv rau lub rooj; cov ncuav uas fij rau tus TSWV; 14Tus ncej txawb teeb thiab tej khoom siv; cov teebxeeb thiab cov roj; 15lub thaj hlawv hmoov tshuaj tswqab thiab cov ceg; cov roj txhawb meejthawj; cov hmoov tshuaj tswqab; daim ntaub thaiv lub qhovrooj uas nkag mus rau hauv lub Tsevntaub; 16lub thaj hlawv khoom fij thiab daim ntxaij tooj uas pua lub thaj; ob tug pas kwv, thiab tej khoom siv rau lub thaj; lub phiab tooj ntxuav tes ntxuav taw thiab lub taw tiag phiab; 17daim ntaub xov vaj, cov ncej vaj thiab cov tiag taw; daim ntaub roojvag; 18lub Tsevntaub tej tswg thiab tej hlua rub lub Tsevntaub thiab lub tshavloog; 19thiab tej tsoostsho zoo-zoo uas cov povthawj hlob yuav hnav thaum lawv mus ua haujlwm hauv Chav Dawbhuv, tej tsoostsho dawbhuv rau Aloos uas yog tus povthawj hlob thiab nws cov tub hnav.”
Cov Neeg Coj Khoom Tuaj Fij
20Ces cov Yixalayees txhua tus txawm sawvkev mus, 21thiab txhua tus uas txaussiab, txawm coj lawv tej khoom tuaj fij ua lub Tsevntaub Sibntsib. Lawv nqa txhua yam khoom uas yuav siv rau kev pehawm thiab yuav siv ua tej tsoostsho rau cov povthawj hlob. 22Tagnrho cov uas txaussiab, xam tej pojniam thiab txivneej huv tibsi, lawv nqa koob khawm, qhwsntsej, nplhaib, saw, thiab txhua yam uas yog saw kub, coj tuaj fij rau tus TSWV. 23Txhua tus uas muaj tej ntaub mag uas zoo-zoo, ntaub xiav, ntaub tsamxem, lossis xov liab; tej ntaub uas muab plaub tshis ntos; tawv laug yaj uas muab zas liab; lossis tej tseem tawv nyuj tuaj.
24Txhua tus uas txaussiab muab nyiaj lossis tooj, los lawv kuj nqa tuaj fij rau tus TSWV, thiab txhua tus uas muaj ntoo kubtwg uas zoo siv ua ib yam dabtsi, los kuj coj tuaj huv tibsi. 25Txhua tus pojniam uas txawj ntos ntaub, los lawv kuj nqa lawv tej ntaub, tej tseem xov maj, xov xiav, xov tsamxem, thiab xov liab, huv tibsi tuaj. 26Lawv kuj muab tej plaub tshis xuab ua xov. 27Cov thawjcoj nqa tej qe zeb kanelis thiab lwmyam hlaws uas muajnqis tuaj dai rau lub tsho efauj thiab lub awv, 28thiab nqa tej ntoo tswqab thiab tej roj uas sam rau cov teeb, cov roj txhawb meejthawj, thiab tej hmoov tshuaj uas tswqab tuaj. 29Tagnrho cov neeg Yixalayees tej pojniam thiab txivneej uas txaussiab, puavleej nqa lawv tej khoom tuaj fij rau tus TSWV ua tej haujlwm uas Nws tau xaaj rau Mauxes ua ntawd.
Npexalees Thiab Auhauli-as
(Khiav Dim 31:1-11)
30Mauxes hais rau cov Yixalayees tias, “Tus TSWV tau xaiv Npexalees uas yog Ulis tus tub thiab yog Hawj tus xeebntxwv hauv xeem Yudas. 31Vajtswv pub rau nws puvnpo Vajtswv tus Ntsujplig,#35:31: tus Ntsujplig; lossis lub hwjchim. pub nws muaj txujtes zoo, muaj peevxwm, thiab muaj kev totaub txog kev txaug txhua yam, 32kom txawj tawm tswvyim, txawj tawm qauv thiab txawj nchuav kub, nchuav nyiaj, thiab nchuav tooj; 33txawj txiav tej saw los sibdhos, txawj zaig ntoo; thiab txawj txaug txhua yam. 34Thiab Vajtswv pub rau Auhauli-as uas yog Ahixamas tus tub uas yog xeem Das, kom muaj peevxwm cobqhia tau lwmtus. 35Vajtswv pub txujtes zoo rau nkawd txawj txaug txhua yam uas yog txawj tawm qauv, ntos tej tseem ntaub mag, xov xiav, xov tsamxem, thiab xov liab, thiab lwmyam ntaub. Nkawd muaj peevxwm ua tau txhua yam thiab txawj tawm txhua yam qauv.
Currently Selected:
Khiav Dim 35: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Khiav Dim 35
35
Kevcai Rau Hnub Xanpataus
1Mauxes hu tagnrho ibtsoom pejxeem Yixalayees tuaj sibsau uake thiab nws hais rau lawv tias, “Ntawm no yog tus TSWV tej lus xaaj kom nej ua: 2Nej muaj rau hnub ua nej tej haujlwm, tiamsis hnub thib xya yog hnub dawbhuv rau nej, yog hnub Xanpataus uas yog tus TSWV hnub so tiag-tiag li. Yog leejtwg tseem mus ua haujlwm rau hnub ntawd thiab, yuavtsum muab nws tua kom tuag. #Khiav 20:8-11; 23:12; 31:15; 34:21; Levi 23:3; 2Kev 5:12-14 3Txawm yog hauv nej tej tsev los hnub Xanpataus tsis txhob rauv taws hlo li.”
Coj Khoom Mus Fij Rau Lub Tsevntaub Dawbhuv
(Khiav Dim 25:1-9)
4Mauxes hais rau cov Yixalayees tias, “Ntawm no yog tus TSWV tej lus xaaj tseg: 5Muab tej uas nej muaj coj tuaj fij rau tus TSWV. Txhua tus uas txaussiab nqa khoom tuaj fij rau tus TSWV, kom nws nqa kub, nyiaj, thiab tooj; 6tej ntaub mag uas zoo-zoo, xov xiav, xov tsamxem, thiab xov liab; tej ntaub uas muab plaub tshis ntos; 7tawv laug yaj uas muab zas liab; tej tseem tawv nyuj; ntoo kubtwg; 8roj sam teeb; ntoo tswqab uas tim rau cov roj txhawb meejthawj, thiab tej hmoov tshuaj uas tswqab; 9tej qe zeb kanelis thiab lwmyam hlaws uas muab xaws rau ntawm cov Povthawj Hlob lub tsho efauj thiab lub awv.
Tej Khoom Siv Hauv Tus TSWV Lub Tsevntaub Sibntsib
(Khiav Dim 39:32-43)
10“Tagnrho nej cov uas txujtes zoo yuavtsum tuaj thiab ua txhua yam uas tus TSWV tau xaaj tseg: 11lub Tsevntaub, cov vov lub tsev, cov xov lub tsev, cov khawb, cov las, cov tab, cov ncej, thiab cov tiag taw ncej; 12lub Phijxab Lus Cogtseg, ob tug las, lub hau Phijxab, thiab daim ntaub thaiv lub Phijxab; 13lub rooj, cov ceg rooj thiab tagnrho tej khoom siv rau lub rooj; cov ncuav uas fij rau tus TSWV; 14Tus ncej txawb teeb thiab tej khoom siv; cov teebxeeb thiab cov roj; 15lub thaj hlawv hmoov tshuaj tswqab thiab cov ceg; cov roj txhawb meejthawj; cov hmoov tshuaj tswqab; daim ntaub thaiv lub qhovrooj uas nkag mus rau hauv lub Tsevntaub; 16lub thaj hlawv khoom fij thiab daim ntxaij tooj uas pua lub thaj; ob tug pas kwv, thiab tej khoom siv rau lub thaj; lub phiab tooj ntxuav tes ntxuav taw thiab lub taw tiag phiab; 17daim ntaub xov vaj, cov ncej vaj thiab cov tiag taw; daim ntaub roojvag; 18lub Tsevntaub tej tswg thiab tej hlua rub lub Tsevntaub thiab lub tshavloog; 19thiab tej tsoostsho zoo-zoo uas cov povthawj hlob yuav hnav thaum lawv mus ua haujlwm hauv Chav Dawbhuv, tej tsoostsho dawbhuv rau Aloos uas yog tus povthawj hlob thiab nws cov tub hnav.”
Cov Neeg Coj Khoom Tuaj Fij
20Ces cov Yixalayees txhua tus txawm sawvkev mus, 21thiab txhua tus uas txaussiab, txawm coj lawv tej khoom tuaj fij ua lub Tsevntaub Sibntsib. Lawv nqa txhua yam khoom uas yuav siv rau kev pehawm thiab yuav siv ua tej tsoostsho rau cov povthawj hlob. 22Tagnrho cov uas txaussiab, xam tej pojniam thiab txivneej huv tibsi, lawv nqa koob khawm, qhwsntsej, nplhaib, saw, thiab txhua yam uas yog saw kub, coj tuaj fij rau tus TSWV. 23Txhua tus uas muaj tej ntaub mag uas zoo-zoo, ntaub xiav, ntaub tsamxem, lossis xov liab; tej ntaub uas muab plaub tshis ntos; tawv laug yaj uas muab zas liab; lossis tej tseem tawv nyuj tuaj.
24Txhua tus uas txaussiab muab nyiaj lossis tooj, los lawv kuj nqa tuaj fij rau tus TSWV, thiab txhua tus uas muaj ntoo kubtwg uas zoo siv ua ib yam dabtsi, los kuj coj tuaj huv tibsi. 25Txhua tus pojniam uas txawj ntos ntaub, los lawv kuj nqa lawv tej ntaub, tej tseem xov maj, xov xiav, xov tsamxem, thiab xov liab, huv tibsi tuaj. 26Lawv kuj muab tej plaub tshis xuab ua xov. 27Cov thawjcoj nqa tej qe zeb kanelis thiab lwmyam hlaws uas muajnqis tuaj dai rau lub tsho efauj thiab lub awv, 28thiab nqa tej ntoo tswqab thiab tej roj uas sam rau cov teeb, cov roj txhawb meejthawj, thiab tej hmoov tshuaj uas tswqab tuaj. 29Tagnrho cov neeg Yixalayees tej pojniam thiab txivneej uas txaussiab, puavleej nqa lawv tej khoom tuaj fij rau tus TSWV ua tej haujlwm uas Nws tau xaaj rau Mauxes ua ntawd.
Npexalees Thiab Auhauli-as
(Khiav Dim 31:1-11)
30Mauxes hais rau cov Yixalayees tias, “Tus TSWV tau xaiv Npexalees uas yog Ulis tus tub thiab yog Hawj tus xeebntxwv hauv xeem Yudas. 31Vajtswv pub rau nws puvnpo Vajtswv tus Ntsujplig,#35:31: tus Ntsujplig; lossis lub hwjchim. pub nws muaj txujtes zoo, muaj peevxwm, thiab muaj kev totaub txog kev txaug txhua yam, 32kom txawj tawm tswvyim, txawj tawm qauv thiab txawj nchuav kub, nchuav nyiaj, thiab nchuav tooj; 33txawj txiav tej saw los sibdhos, txawj zaig ntoo; thiab txawj txaug txhua yam. 34Thiab Vajtswv pub rau Auhauli-as uas yog Ahixamas tus tub uas yog xeem Das, kom muaj peevxwm cobqhia tau lwmtus. 35Vajtswv pub txujtes zoo rau nkawd txawj txaug txhua yam uas yog txawj tawm qauv, ntos tej tseem ntaub mag, xov xiav, xov tsamxem, thiab xov liab, thiab lwmyam ntaub. Nkawd muaj peevxwm ua tau txhua yam thiab txawj tawm txhua yam qauv.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.