Tes Haujlwm 27
27
Paulus Caij Nkoj Mus Tim Lub Nroog Loos
1Thaum muaj kev pomzoo hais tias lawv yuav xa peb mus tim tebchaws Italis, ces lawv txawm muab Paulus thiab ob-peb tug neeg raug txim cob rau Yulius uas yog cov Loos tus thawj tubrog pawg pua uas saib pab tubrog uas hu ua “Huabtais Pab Tubrog.” 2Peb nce mus rau hauv lub nkoj uas tuaj pem lub nroog Adamitius tuaj. Lub nkoj ntawd tabtom yuav mus rau tim tej nroog uas muaj chaw nres nkoj hauv xeev Exias, ces peb txawm caij mus. Alitakhaus uas yog neeg Makedaunias uas tuaj tim lub nroog Thexalaunikes tuaj kuj nrog peb mus thiab.
3Hnub tomqab peb mus txog hauv lub nroog Xidoos. Yulius muaj lub siab hlub Paulus, nws thiaj cia Paulus mus saib Paulus cov phoojywg kom lawv thiaj pab tau tej uas nws tuncua. 4Thaum peb caij nkoj tawm ntawm qhov chaw ntawd mus, peb mus rau sab uas muaj chaw tivthaiv cua uas yog sab ntawm lub povtxwv Xaipas, rauqhov lub sijhawm ntawd muaj cua ntsawj hlob heev. 5Peb tau caij nkoj hla hiavtxwv uas yog mus ze lub xeev Kilikias thiab xeev Pafilias, peb mamli mus txog lub nroog Milas uas nyob hauv tebchaws Likias. 6Thaum peb tseem nyob hauv Milas, tus thawj tubrog pawg pua txawm mus nrhiav tau ib lub nkoj tuaj nram lub nroog Alexadias tuaj, lub nkoj ntawd yuav mus rau tim tebchaws Italis, yogli ntawd nws thiaj muab peb caij lub nkoj ntawd mus.
7Peb lub nkoj mus qeeb heev, vim muaj cua ntsawj hlob tom hauvntej tuaj. Peb mus tau ntau hnub, peb mamli mus txog hauv lub nroog Kanidus. Cov cua ntawd ua rau peb mus tsis tau ncajnraim ntxiv lawm, peb thiaj lem nkoj raws ntug mus rau nram lub povtxwv Khetes, uas yog hla cegkaum uas hu ua Xalemaunes mus. 8Peb caij nkoj raws ntug povtxwv mus xwb vim mus nyuaj kawg li, peb thiaj mus txog ib qhov chaw uas hu ua Chaw Zoo Nres Nkoj uas nyob tsis deb ntawm lub nroog Laxe-as.
9Peb nkim sijhawm nyob rau ntawd tau ntev loo, ua rau tsis yoojyim rau peb caij nkoj mus ntxiv lawm, rauqhov twb dhau Hnub ua Kevcai Theej Txhoj#27:9: Hnub ua Kevcai Theej Txhoj: yog thaum lub cuaj hli xaus lossis thaum lub kaum hli xiab, lub caij no yog lub caij uas huabcua tsis zoo, ua rau kev caij nkoj tsis yoojyim kiag li. lawm. Yogli ntawd Paulus thiaj hais rau sawvdaws hais tias, 10“Cov kwvtij, kuv pom tias yav no rau tod, peb txoj haukev yuav tsis yoojyim li lawm; lub nkoj thiab tej khoom uas peb thauj mus yuav puastsuaj loj heev, tsis tag li ntawd xwb, ntshe tseem yuav muaj neeg tuag thiab.” 11Tiamsis tus thawj tubrog pawg pua mloog tus tsav nkoj thiab tus tswv nkoj lus tshaj li mloog Paulus lus. 12Lub caij ntuj no tsis zoo nres nkoj rau ntawm qhov chaw ntawd, yogli ntawd feem coob thiaj pomzoo caij nkoj tawm qhov chaw ntawd mus kom txog rau tom lub nroog Faunis thiab mus so rau tod thaum lub caij ntuj no. Lub nroog Faunis yog ib qhov chaw nres nkoj nyob rau hauv lub povtxwv Khetes uas tig rau sab qabteb hnubpoob thiab sab qaumteb hnubpoob.#27:12: sab qabteb hnubpoob thiab sab qaumteb hnubpoob; lossis sab qaumteb hnubtuaj thiab sab qabteb hnubtuaj.
Cuadaj Cuadub Ntsawj Hiavtxwv
13Thaum muaj cua tuaj ntxiag sab qabteb tuaj, lawv xav tias nyaj yuav mus tau li lub siab xav lawm thiab, ces lawv txawm rub lub thauj los rau saum lub nkoj thiab caij nkoj raws ntug povtxwv Khetes mus. 14Tiamsis tibpliag xwb, txawm muaj ib nthwv cua hu ua “Cua Qaumteb Hnubtuaj” ntsawj saum lub povtxwv Khetes tuaj. 15Nthwv cua ntawd txawm ntsawj peb lub nkoj, ua rau lub nkoj mus tsis tau rau tom hauvntej li lawm, ces peb txawm tso lub nkoj mus rawsli cua ntsawj lawm xwb.
16Thaum peb hla mus txog nram ib lub nyuag povtxwv me-me uas hu ua Kaudas, cua ntsawj tsis heev rauqhov muaj lub povtxwv ntawd thaiv lawm, peb thiaj rub lub nkoj me los khi rau ntawm lub nkoj loj, tiamsis peb rub nyuaj kawg li. 17Thaum lawv rub tau lub nkoj me rau saum lub nkoj loj lawm, lawv thiaj muab hlua khi lub nkoj ruaj-ruaj. Lawv ntshai tsam lawv lam mus tsoo cov xuabzeb ntawm ntug hiavtxwv Xawthis, lawv thiaj muab daim ntaub cug cua txo, cia lub nkoj mus rawsli cua ntsawj.
18Cuadaj cuadub pheej tsis txawj tu li, yogli ntawd hnub tomqab lawv thiaj muab ib cov khoom uas lawv thauj hauv lub nkoj thau povtseg. 19Hnub thib peb, lawv txawm muab ib cov khoom siv hauv lub nkoj thau povtseg thiab. 20Peb tsis pom lub hnub lossis tej hnubqub tau ntau hnub, thiab cuadaj cuadub los tseem ntsawj li qub. Thaum kawg peb yeej tag kev ciasiab hais tias xyov peb puas yuav dim li lawm.
21Tau ntau hnub lawm uas sawvdaws tsis tau noj mov li, Paulus txawm sawvntsug tabmeeg lawv thiab hais tias, “Cov kwvtij, yog nej ntxov mloog kuv lus, es peb tsis txhob caij nkoj tuaj tom lub povtxwv Khetes tuaj, ces peb tej khoom twb tsis puastsuaj tag li no. 22Tiamsis kuv nquahu rau nej kom tsis txhob txhawj! Nej yeej tsis muaj ib tug uas yuav raug kev ploj-tuag li, tsuas yog lub nkoj xwb thiaj yuav puas. 23Rauqhov naghmo tus Vajtswv uas yog kuv tus Tswv thiab tus uas kuv niajhnub pehawm, Nws ib tug timtswv tau los hais rau kuv tias, 24‘Paulus, koj tsis txhob ntshai! Koj yeej yuav tau mus sawv tabmeeg Xixas xwb. Vim Vajtswv zoo rau koj heev, Nws yuav cawm txhua tus uas nrog koj caij lub nkoj no tsis pub ib tug tuag li.’ 25Yogli ntawd cov kwvtij, nej tsis txhob txhawj! Rauqhov kuv ntseeg tias Vajtswv yeej yuav ua rawsli qhov uas Nws tau hais lawm. 26Txawm licas los peb yeej yuav mus khuab rau ib lub povtxwv twg xwb.”
27Hmo thib kaum-plaub uas cuadaj cuadub ntsawj peb lub nkoj mus-mus los-los hauv Hiavtxwv Meditelanees, hmo ntawd kwvlam ib taghmo, cov neeg uas ua haujlwm hauv lub nkoj xav tias peb twb mus yuav txog tim ntug. 28Lawv txawm dauv ib txojhlua ntsuas mus rau hauv hiavtxwv, thiab pom tias dej tseem tob 40 mev; tiamsis tibpliag tomqab ntawd lawv rov ntsuas dua thiab pom tias tob 30 mev. 29Lawv ntshai nyobtsam lub nkoj mus tsoo pobzeb, lawv thiaj muab plaub lub thauj tom tw nkoj tso rau hauv hiavtxwv, thiab tos seb yuav tavtwg mamli kajntug.
30Cov tub ua haujlwm hauv lub nkoj xav nrhiav kev khiav, lawv txawm muab lub nkoj me dauv mus rau hauv hiavtxwv, lawv uatxuj ua li lawv yuav muab cov thauj hlau uas nyob tom taubhau nkoj tso tog rau hauv dej. 31Tiamsis Paulus hais rau tus thawj tubrog pawg pua thiab cov tubrog hais tias, “Yog cov tub ua haujlwm ntawd tseem tsis nyob rau hauv lub nkoj no thiab, ces nej yeej yuav tsis dim li.” 32Yogli ntawd cov tubrog txawm muab cov hlua uas khi lub nkoj me txiav thiab tso lub nkoj me rau dej ntsawj mus.
33Thaum yuavluag kajntug, Paulus nquahu kom sawvdaws noj mov. Paulus hais tias, “Nej twb tos tau kaum-plaub hnub lawm, thiab yeej tsis tau noj ib yam dabtsi li. 34Yogli ntawd, kuv thov nej kom ciali noj mov kom nej thiajli yuav tsis tuag. Txawm ib txoj nyuag plaubhau ntawm nej taubhau los yeej yuav tsis poob li.” 35Thaum Paulus hais li ntawd tag, nws txawm muab ib lub ncuav los ua Vajtswv tsaug tabmeeg sawvdaws thiab muab ntais noj. 36Lawv txawm zoosiab zog tuaj, ces txhua tus thiaj muab mov los noj. 37Tagnrho peb cov uas nyob hauv lub nkoj yog muaj 276#27:37: 276; Tej phau ntawv qub uas xuas tes sau, muaj 275; lwm phau muaj kwvlam 76. leej. 38Thaum lawv noj mov tag lawm, lawv muab cov nplej uas lawv thauj mus thau povtseg rau hauv hiavtxwv kom lub nkoj sib mentsis.
Lub Nkoj Tawg Tag
39Thaum kajntug lawm, cov tub ua haujlwm hauv lub nkoj tsis paub tias xyov yog daim av twg, tiamsis lawv pom ib ceg hiavtxwv uas muaj xuabzeb, ces lawv txawm xav tias yog ua tau, lawv yuav coj lub nkoj mus nres rau ntawd. 40Lawv txawm muab tej hlua uas khi cov thauj txiav thiab tso cov thauj rau hauv hiavtxwv; tiblub sijhawm ntawd lawv txawm daws cov hlua uas khi ob tus duav uas tswj lub nkoj povtseg, thiab lawv nthuav daim ntaub cug cua nyob tom taubhau rau cua ntsawj lub nkoj kom ncajnraim mus rau tim ntug, ces peb txawm mus ncajnraim rau tim cov xuabzeb lawm. 41Tiamsis lub nkoj ciali mus nrau ib thooj xuabzeb uas nyob hauv hiavtxwv ua rau lub nkoj ciali nres; tog taubhau nkoj ciali mus daig ruaj nrees thiab tsis uazog li lawm, thiab dej ntas muajceem heev tuaj tsoo yav tw nkoj tawg tag.
42Cov tubrog ntshai tsam cov neeg raug txim ua luam dej khiav, lawv txawm npajsiab yuav muab cov neeg raug txim ntawd tua povtseg huv tibsi. 43Tiamsis tus thawj tubrog pawg pua xav cawm Paulus, nws thiaj txwv tsis pub kom lawv ua li ntawd. Nws hais kom cov uas txawj ua luam dej ciali dhia rau hauv dej thiab ua luam dej mus rau tim ntug uantej; 44cov uas tsis txawj ua luam dej ciali mus tuav cov txiag thiab tej yav ntoo uas lov ntawm lub nkoj thiab ua luam dej mus rau tim ntug. Sawvdaws ua li ntawd, sawvdaws thiaj mus txog tim ntug huv tibsi tsis muaj ib tug tuag li.
Currently Selected:
Tes Haujlwm 27: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tes Haujlwm 27
27
Paulus Caij Nkoj Mus Tim Lub Nroog Loos
1Thaum muaj kev pomzoo hais tias lawv yuav xa peb mus tim tebchaws Italis, ces lawv txawm muab Paulus thiab ob-peb tug neeg raug txim cob rau Yulius uas yog cov Loos tus thawj tubrog pawg pua uas saib pab tubrog uas hu ua “Huabtais Pab Tubrog.” 2Peb nce mus rau hauv lub nkoj uas tuaj pem lub nroog Adamitius tuaj. Lub nkoj ntawd tabtom yuav mus rau tim tej nroog uas muaj chaw nres nkoj hauv xeev Exias, ces peb txawm caij mus. Alitakhaus uas yog neeg Makedaunias uas tuaj tim lub nroog Thexalaunikes tuaj kuj nrog peb mus thiab.
3Hnub tomqab peb mus txog hauv lub nroog Xidoos. Yulius muaj lub siab hlub Paulus, nws thiaj cia Paulus mus saib Paulus cov phoojywg kom lawv thiaj pab tau tej uas nws tuncua. 4Thaum peb caij nkoj tawm ntawm qhov chaw ntawd mus, peb mus rau sab uas muaj chaw tivthaiv cua uas yog sab ntawm lub povtxwv Xaipas, rauqhov lub sijhawm ntawd muaj cua ntsawj hlob heev. 5Peb tau caij nkoj hla hiavtxwv uas yog mus ze lub xeev Kilikias thiab xeev Pafilias, peb mamli mus txog lub nroog Milas uas nyob hauv tebchaws Likias. 6Thaum peb tseem nyob hauv Milas, tus thawj tubrog pawg pua txawm mus nrhiav tau ib lub nkoj tuaj nram lub nroog Alexadias tuaj, lub nkoj ntawd yuav mus rau tim tebchaws Italis, yogli ntawd nws thiaj muab peb caij lub nkoj ntawd mus.
7Peb lub nkoj mus qeeb heev, vim muaj cua ntsawj hlob tom hauvntej tuaj. Peb mus tau ntau hnub, peb mamli mus txog hauv lub nroog Kanidus. Cov cua ntawd ua rau peb mus tsis tau ncajnraim ntxiv lawm, peb thiaj lem nkoj raws ntug mus rau nram lub povtxwv Khetes, uas yog hla cegkaum uas hu ua Xalemaunes mus. 8Peb caij nkoj raws ntug povtxwv mus xwb vim mus nyuaj kawg li, peb thiaj mus txog ib qhov chaw uas hu ua Chaw Zoo Nres Nkoj uas nyob tsis deb ntawm lub nroog Laxe-as.
9Peb nkim sijhawm nyob rau ntawd tau ntev loo, ua rau tsis yoojyim rau peb caij nkoj mus ntxiv lawm, rauqhov twb dhau Hnub ua Kevcai Theej Txhoj#27:9: Hnub ua Kevcai Theej Txhoj: yog thaum lub cuaj hli xaus lossis thaum lub kaum hli xiab, lub caij no yog lub caij uas huabcua tsis zoo, ua rau kev caij nkoj tsis yoojyim kiag li. lawm. Yogli ntawd Paulus thiaj hais rau sawvdaws hais tias, 10“Cov kwvtij, kuv pom tias yav no rau tod, peb txoj haukev yuav tsis yoojyim li lawm; lub nkoj thiab tej khoom uas peb thauj mus yuav puastsuaj loj heev, tsis tag li ntawd xwb, ntshe tseem yuav muaj neeg tuag thiab.” 11Tiamsis tus thawj tubrog pawg pua mloog tus tsav nkoj thiab tus tswv nkoj lus tshaj li mloog Paulus lus. 12Lub caij ntuj no tsis zoo nres nkoj rau ntawm qhov chaw ntawd, yogli ntawd feem coob thiaj pomzoo caij nkoj tawm qhov chaw ntawd mus kom txog rau tom lub nroog Faunis thiab mus so rau tod thaum lub caij ntuj no. Lub nroog Faunis yog ib qhov chaw nres nkoj nyob rau hauv lub povtxwv Khetes uas tig rau sab qabteb hnubpoob thiab sab qaumteb hnubpoob.#27:12: sab qabteb hnubpoob thiab sab qaumteb hnubpoob; lossis sab qaumteb hnubtuaj thiab sab qabteb hnubtuaj.
Cuadaj Cuadub Ntsawj Hiavtxwv
13Thaum muaj cua tuaj ntxiag sab qabteb tuaj, lawv xav tias nyaj yuav mus tau li lub siab xav lawm thiab, ces lawv txawm rub lub thauj los rau saum lub nkoj thiab caij nkoj raws ntug povtxwv Khetes mus. 14Tiamsis tibpliag xwb, txawm muaj ib nthwv cua hu ua “Cua Qaumteb Hnubtuaj” ntsawj saum lub povtxwv Khetes tuaj. 15Nthwv cua ntawd txawm ntsawj peb lub nkoj, ua rau lub nkoj mus tsis tau rau tom hauvntej li lawm, ces peb txawm tso lub nkoj mus rawsli cua ntsawj lawm xwb.
16Thaum peb hla mus txog nram ib lub nyuag povtxwv me-me uas hu ua Kaudas, cua ntsawj tsis heev rauqhov muaj lub povtxwv ntawd thaiv lawm, peb thiaj rub lub nkoj me los khi rau ntawm lub nkoj loj, tiamsis peb rub nyuaj kawg li. 17Thaum lawv rub tau lub nkoj me rau saum lub nkoj loj lawm, lawv thiaj muab hlua khi lub nkoj ruaj-ruaj. Lawv ntshai tsam lawv lam mus tsoo cov xuabzeb ntawm ntug hiavtxwv Xawthis, lawv thiaj muab daim ntaub cug cua txo, cia lub nkoj mus rawsli cua ntsawj.
18Cuadaj cuadub pheej tsis txawj tu li, yogli ntawd hnub tomqab lawv thiaj muab ib cov khoom uas lawv thauj hauv lub nkoj thau povtseg. 19Hnub thib peb, lawv txawm muab ib cov khoom siv hauv lub nkoj thau povtseg thiab. 20Peb tsis pom lub hnub lossis tej hnubqub tau ntau hnub, thiab cuadaj cuadub los tseem ntsawj li qub. Thaum kawg peb yeej tag kev ciasiab hais tias xyov peb puas yuav dim li lawm.
21Tau ntau hnub lawm uas sawvdaws tsis tau noj mov li, Paulus txawm sawvntsug tabmeeg lawv thiab hais tias, “Cov kwvtij, yog nej ntxov mloog kuv lus, es peb tsis txhob caij nkoj tuaj tom lub povtxwv Khetes tuaj, ces peb tej khoom twb tsis puastsuaj tag li no. 22Tiamsis kuv nquahu rau nej kom tsis txhob txhawj! Nej yeej tsis muaj ib tug uas yuav raug kev ploj-tuag li, tsuas yog lub nkoj xwb thiaj yuav puas. 23Rauqhov naghmo tus Vajtswv uas yog kuv tus Tswv thiab tus uas kuv niajhnub pehawm, Nws ib tug timtswv tau los hais rau kuv tias, 24‘Paulus, koj tsis txhob ntshai! Koj yeej yuav tau mus sawv tabmeeg Xixas xwb. Vim Vajtswv zoo rau koj heev, Nws yuav cawm txhua tus uas nrog koj caij lub nkoj no tsis pub ib tug tuag li.’ 25Yogli ntawd cov kwvtij, nej tsis txhob txhawj! Rauqhov kuv ntseeg tias Vajtswv yeej yuav ua rawsli qhov uas Nws tau hais lawm. 26Txawm licas los peb yeej yuav mus khuab rau ib lub povtxwv twg xwb.”
27Hmo thib kaum-plaub uas cuadaj cuadub ntsawj peb lub nkoj mus-mus los-los hauv Hiavtxwv Meditelanees, hmo ntawd kwvlam ib taghmo, cov neeg uas ua haujlwm hauv lub nkoj xav tias peb twb mus yuav txog tim ntug. 28Lawv txawm dauv ib txojhlua ntsuas mus rau hauv hiavtxwv, thiab pom tias dej tseem tob 40 mev; tiamsis tibpliag tomqab ntawd lawv rov ntsuas dua thiab pom tias tob 30 mev. 29Lawv ntshai nyobtsam lub nkoj mus tsoo pobzeb, lawv thiaj muab plaub lub thauj tom tw nkoj tso rau hauv hiavtxwv, thiab tos seb yuav tavtwg mamli kajntug.
30Cov tub ua haujlwm hauv lub nkoj xav nrhiav kev khiav, lawv txawm muab lub nkoj me dauv mus rau hauv hiavtxwv, lawv uatxuj ua li lawv yuav muab cov thauj hlau uas nyob tom taubhau nkoj tso tog rau hauv dej. 31Tiamsis Paulus hais rau tus thawj tubrog pawg pua thiab cov tubrog hais tias, “Yog cov tub ua haujlwm ntawd tseem tsis nyob rau hauv lub nkoj no thiab, ces nej yeej yuav tsis dim li.” 32Yogli ntawd cov tubrog txawm muab cov hlua uas khi lub nkoj me txiav thiab tso lub nkoj me rau dej ntsawj mus.
33Thaum yuavluag kajntug, Paulus nquahu kom sawvdaws noj mov. Paulus hais tias, “Nej twb tos tau kaum-plaub hnub lawm, thiab yeej tsis tau noj ib yam dabtsi li. 34Yogli ntawd, kuv thov nej kom ciali noj mov kom nej thiajli yuav tsis tuag. Txawm ib txoj nyuag plaubhau ntawm nej taubhau los yeej yuav tsis poob li.” 35Thaum Paulus hais li ntawd tag, nws txawm muab ib lub ncuav los ua Vajtswv tsaug tabmeeg sawvdaws thiab muab ntais noj. 36Lawv txawm zoosiab zog tuaj, ces txhua tus thiaj muab mov los noj. 37Tagnrho peb cov uas nyob hauv lub nkoj yog muaj 276#27:37: 276; Tej phau ntawv qub uas xuas tes sau, muaj 275; lwm phau muaj kwvlam 76. leej. 38Thaum lawv noj mov tag lawm, lawv muab cov nplej uas lawv thauj mus thau povtseg rau hauv hiavtxwv kom lub nkoj sib mentsis.
Lub Nkoj Tawg Tag
39Thaum kajntug lawm, cov tub ua haujlwm hauv lub nkoj tsis paub tias xyov yog daim av twg, tiamsis lawv pom ib ceg hiavtxwv uas muaj xuabzeb, ces lawv txawm xav tias yog ua tau, lawv yuav coj lub nkoj mus nres rau ntawd. 40Lawv txawm muab tej hlua uas khi cov thauj txiav thiab tso cov thauj rau hauv hiavtxwv; tiblub sijhawm ntawd lawv txawm daws cov hlua uas khi ob tus duav uas tswj lub nkoj povtseg, thiab lawv nthuav daim ntaub cug cua nyob tom taubhau rau cua ntsawj lub nkoj kom ncajnraim mus rau tim ntug, ces peb txawm mus ncajnraim rau tim cov xuabzeb lawm. 41Tiamsis lub nkoj ciali mus nrau ib thooj xuabzeb uas nyob hauv hiavtxwv ua rau lub nkoj ciali nres; tog taubhau nkoj ciali mus daig ruaj nrees thiab tsis uazog li lawm, thiab dej ntas muajceem heev tuaj tsoo yav tw nkoj tawg tag.
42Cov tubrog ntshai tsam cov neeg raug txim ua luam dej khiav, lawv txawm npajsiab yuav muab cov neeg raug txim ntawd tua povtseg huv tibsi. 43Tiamsis tus thawj tubrog pawg pua xav cawm Paulus, nws thiaj txwv tsis pub kom lawv ua li ntawd. Nws hais kom cov uas txawj ua luam dej ciali dhia rau hauv dej thiab ua luam dej mus rau tim ntug uantej; 44cov uas tsis txawj ua luam dej ciali mus tuav cov txiag thiab tej yav ntoo uas lov ntawm lub nkoj thiab ua luam dej mus rau tim ntug. Sawvdaws ua li ntawd, sawvdaws thiaj mus txog tim ntug huv tibsi tsis muaj ib tug tuag li.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.