1 Petus Lus Tawqhia
Lus Tawqhia
Tsab ntawv 1 Petus no yog xa mus rau cov ntseeg uas hu ua “haivneeg uas Vajtswv xaiv,” uas tau khiav uasab uasua mus rau sab qaumteb uas yog Exias Yau. Lub ntsiablus tseemceeb ntawm tsab ntawv no yog sau mus txhawb cov uas nyeem lub zog, rauqhov lawv tabtom raug kev tsimtxom thiab raug kev txomnyem vim lawv ntseeg Vajtswv. Tus uas sau, nws sau li no kom cov uas nyeem Txoj Moo Zoo nco txog Yexus Khetos tus uas tau tuag, tau sawv hauv qhovtuag rovqab los, thiab tau coglus tseg hais tias Nws yuav rov los zaum thib ob, kom lawv muaj kev ciasiab. Vimli no, lawv yuav tau txaussiab thiab tiv kev txomnyem, kom lawv ruajsiab hais tias ntawd yog ib qho uas sim lawv txoj kev ntseeg seb puas tseeb tiag thiab lawv yuav tau txais nqizog “thaum hnub uas Yexus Khetos rovqab los.”
Thaum lub sijhawm uas muaj kev kubntxhov, tus uas sau tsab ntawv no tau muab kev txhawbzog thiab nquahu cov uas nyeem kom yuavtsum ua lawv lub neej kom tsimnyog qhov uas lawv yog cov ntseeg Yexus Khetos tiag-tiag.
Txheejtxheem
Lus tawqhia (1:1-2)
Ncontsoov Vajtswv txoj kev cawmdim (1:3-12)
Ntuas kom ua lub neej dawbhuv (1:13—2:10)
Cov ntseeg tes haujlwm thaum muaj kev txomnyem (2:11—4:19)
Cov ntseeg kev txo hwjchim thiab ua haujlwm (5:1-11)
Cov lus xaus (5:12-14)
Currently Selected:
1 Petus Lus Tawqhia: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.