Tsiqeeq 6
6
Tsiq eeq 6
Haq nail aoq nail phaq kev lee-u phao, hal nail geeqlaoq hal daoq
Daoqsel gul nail juq nail aqivq gaq bhai bhi heeq nia nail galduq: Neeq tsaq eivq deeq covq nail dil-nvq deeq khi gul-a nail, Daq bhil nail daoqsel.
1Heeqphaq Miqyail-ol
neema phail khi ngaol-aoq
ngaq bhai thaq khaq lavq.
Neema dav khi ngaol-aoq
ngaq bhai thaq khoeq thaq jiovq lavq.
2Heeqphaq Miqyail-ol
ngal gaq bhaq thail thaiq-ail nial.
Ngaq bhai gaoq haq gaiq-a lavq yaoq.
Ngaq nail haqeeq haq lao
teevq peivq ail gaq maq aol-il.
Ngaq bhai gaq bivq lavq yaoq.
3Ngaq bhai gee sil ail nial.
Heeqphaq Miqyail-ol
naol ngaq bhai maq tsao jao-ai lee dai
khaq mao kev dai, ya daonq-ai haq nail-aiq.
4Heeqphaq Miqyail-ol, hevq kovq lee yaoq.
Naoq-i mail
gaoq haq goil gaiq-a nail phaq bhaq da nee
bhi jel-ail lavq yaoq.
5Khul khi mail dai ngal-aq
sil thaq nail tsaol-aq
naoq bhai maq noeq kev tsaol-ail.
Sil nail milkhaoq lavqkhoel-ai
naoq bhai tsiq eeq nail juq maq jaol-ail.
6Noeq haq khi gaq bhaq dee dee ail nial.
Yaoq kivq yaoq-ao nee
iq goiq bhai maivbhil aqjail jail khi
iqjial bhai iqsanl, maivbhil eel jeq jeq ail nial.
7Noeq haq nail bhaq da nee
ngaq nail maivneev bhaonq lal khi
ngaq bhai neejiav jiav nail juq bhaq da nee
maivneev maq moel haol lal-aoq nial.
8Haq eiv nail phaq nl nail tsaol-aq juq-ol
ngal jaol nail nee dov-ail gil yaoq.
Ngaq-i mail nioil nail aqthel bhai
Heeqphaq Miqyail gaiq gaq-ao nail ngaol.
9Ngaq nail hal daoq bhai gaiq khi
ngaq nail geeqlaoq hal daoq bhai
nal daiq lavq-a nail ngaol.
10Ngaq bhai neejiav khal jiav nail juq iqsanl
ya haq sil khi ya deel-nvq dee dee ail nail ngaol.
Maiv neev maiv tav teevq tav nail lavqkhoel nee
tsaoq kol-aivq khi ya haq sil nail ngaol.
Currently Selected:
Tsiqeeq 6: aeu
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.