Tsiqeeq 138
138
Tsiq eeq 138
Tsiq eeq nail geeqlaoq hal daoq
Daq bhil nail daoqsel
1Heeqphaq Miqyail-ol
ngaq nail neema lavqkhoel nee
naoq bhai tsiq eeq nail ngaol.
Yu nail miqyail juq nail sivtavq-ai
ngal naoq bhai tsiq eeq nail daoqsel gul nail ngaol.
2Ngal naoq nail meeq nail haol nail
uqhuq thaoq nail ilkhaol il ma phao
tsiq phaol nail lavqkhoel nee gaol beiv khi
naoq nail aqmil bhai tsiq eeq nail ngaol.
Khul khi mail dai ngal-aq, naol neq
gaoq haq goil gaiq-a nail gaq khi
saljial ivq nail gaq pevq nail ngaol.
Naol neq, naoq nail aqmil khi
naoq nail daoqma saljial bhai
yaoq phaq yaoq nee maq tsil
bhi moe jaiq-a nail ngaol.
3Ngal naoq bhai khul-u phao
naol ge kovq lavq khi
ngaq bhai gaq aqsivq bivq lavq-a nail ngaol.
4Heeqphaq Miqyail-ol
miltsaq bhai khal jaol nail
heeqphaq juq iqsanl mail
naoq-i mail ge-a nail daoq juq bhai
ya gaiq-u phao
naoq bhai tsiq eeq nail ngaol.
5Aqyu juq neq
Heeqphaq Miqyail nail gailkhaol nail ganl
daoqsel gul nail ngaol.
Khul khi mail dai ngal-aq
Heeqphaq Miqyail nail seiqleiq khaoqsail neq
eeq nail ngaol.
6Heeqphaq Miqyail neq
eeq nail heel nail gaq pevq khi ngaol-aoq
neema nee nuq nee beiv aol nail juq bhai
hel daiq phail bhiq khi
neema eeq nail heel nail juq bhai neq
eqyal nee hel daiq nail ngaol.
7Haq nail aoq nail phaq
teevq jaoq jiav nail aqyanq bhai iqsanl
naol ngaq nail doevqyeel bhai
hel daiq phail lavq nail ngaol.
Ngaq bhai neejiav jiav nail juq
neema phail nail bhai lav naq khi
naoq nail lavqmal lavq-i mail
ngaq bhai hevq kovq lavq-a nail ngaol.
8Heeqphaq Miqyail neq
ngaq bhai saljial jaq-ai thaq nail khe-ai
nl lavq nail ngaol.
Heeqphaq Miqyail-ol
naoq-i mail gaoq haq goil gaiq-a nail phaq neq
nqmaq maqluv halyeel ivq nail ngaol.
Naoq nail aqlavq-i mail
teivq lavq-a nail ngaq bhai
thaq khaonq ha lavq.
Currently Selected:
Tsiqeeq 138: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
