Tsiqeeq 137
137
Tsiq eeq 137
Yu nail milkhaoq bhai bhi nieil-aivq-u phao, Ilsaqleiqlav nail tsaol-aq juq-i mail nioil khaoq khaoq-a nail daoqsel
1Bhaq bhul loq laoljaol
daolbhaq bhai nv juq jaol deel khi
Yeiqlulsaqlaiq meenq bhai
noeq moel nail lavqkhoel nee
nioil khaoq khaoq-a nail ngaol.
2Laoljaol daolbhaq bhai doevq nail aqbhaol bhai
nv juq nail dil-nvq he tseq-ai thaq nail ngaol.
3Khul khi mail dai ngal-aq
nv juq bhai nieil-aivq lavq khi
khoeq lavq jiovq lavq-a nail juq neq
"Nv juq nee sal ya dai
Yeiqlulsaqlaiq meenq bhai jaol-u phao
gul-a nail lavqkhiq bhi tsail lal nail
daoqsel gul daiq lavq yaoq" dai
khoel nail ngaol.
4Thail hai ngaol-aoq
Heeqphaq Miqyail bhai tsiq eeq nail daoqsel
nv juq khal hai khi
yu nail milkhaoq bhai gul kivq nail-aiq.
5Yeiqlulsaqlaiq meenq-ol
ngal naoq bhai nioil peivq lao haq neq
ngaq nail aqlavq dil-nvq maq deeq kivq dai
lavq sil sil ail dei-eiq.
6Ngal naoq bhai maq noeq thaq dai
yaoq phaq yaoq nee maq tsil
naoq nail lavqkhoel bhai
lavqkhiq maq tsail lao haq neq
ngaq nail moevqlal pultavq bha
bhi niaoq thail laivq dei-eiq.
7Heeqphaq Miqyail-ol
Yeiqlulsaqlaiq meenq bhai
yu-i mail genl dev gaq-u n-gaol
Eiqdonq nail tsaol-aq juq-i mail
"Meenq niil meenq bhai miltsaq bha tuv dai
lav luq lav seil bhiq yaoq" dai
gul-a nail bhai thaq nioil peivq lavq.
8Bhaq bhul loq milkhaoq khe
jaol nail tsaol-aq juq-ol
nul juq lav luq lav seil nail bhai
ya daq nail ngaol.
Nv juq bhai nl lavq-a nail khe-ai
nul juq bhai nl kovq bhiq nail juq neq
geeqlaoq eeq nail ngaol.
9Naoq nail yaqbeiv juq bhai
lovmav kovtavq bhai
tsiq peiv heivq nail juq neq
geeqlaoq eeq nail ngaol.
Currently Selected:
Tsiqeeq 137: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
