Tsiqeeq 122
122
Tsiq eeq 122
Yeiqlulsaqlaiq meenq nail haqbhoil geeqlaoq hal nail ganl
Gail khaol tsao-u phao, gul nail daoqsel. Daq bhil nail daoqsel.
1"Heeqphaq Miqyail nail ilkhaol bha
lai gil bhel" dai
yu teevq gaq ge lal-u phao
ngal lavqkhiq tsail dee dee-a nail ngaol.
2Yeiqlulsaqlaiq meenq-ol
naoq nail lolgov lavqkhoel nail aqjail bhai
nv juq kev lal khi
thul phaol thail thaiq nail ngaol.
3Yeiqlulsaqlaiq meenq neq
khainl nail lavqkhoel bhai aq jil jil dai
jaol ivq-ai thaq nail meenq pevq nail ngaol.
4Meenq niil meenq neq
Heeqphaq Miqyail-i mail
daoq bivq-ai thaq nail khe-ai
aivq nail aqmil bhai tsiq eeq nail dai khi
Ilsaqleiqlav nail jeq-e jaq-a juq-i mail
jil lai nail aqduq pevq nail ngaol.
5Meenq niil meenq neq
Ilsaqleiqlav nail heeqphaq jaol deel khi
aivq nail milkhaoq yaq juq bhai
yalkhaq dal nail aqduq pevq nail ngaol.
6Yeiqlulsaqlaiq meenq
nee sal ovq nail phaq bhi ya nail haqbhoil
geeqlaoq niail hai hal yaoq:
"Yeiqlulsaqlaiq meenq-ol
naoq bhai gaiq-a nail juq neq
bhao lee ya lee dei-eiq.
7Naoq nail khainl lavqkhoel bhai
nee sal ovq nail phaq khi
meenq khe lovq nail ilkhaol daqmoe bhai
genl maq ya dev lal" dai
geeqlaoq hal yaoq.
8"Naol nee sal ovq dei-eiq" dai
ngaq nail aqivq jaqbheq juq khi mail
aqtsaoq juq nail haqbhoil
Yeiqlulsaqlaiq meenq bhai ngal ge nail ngaol.
9Ngal Yeiqlulsaqlaiq meenq
bhi bhao bhi ya lee dai
lai jai nail ngaol.
Al neq, ngadao nail Heeqphaq Miqyail nail
ilkhaol nail haqbhoil ngaol.
Currently Selected:
Tsiqeeq 122: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
