Tsiqeeq 121
121
Tsiq eeq 121
Ilsaqleiqlav nail jeq-e jaq-a bhai hel daiq phail nail Miqyail
Gail khaol tsao-u phao, gul nail daoqsel
1Ngaq bhai tsao jao-ai nail phaq
khaq bha nee dov lee-ail meeq dai
gaoqjaoq juq bha
ngal gaol lel khi hel daiq-a nail ngaol.
2Nqtavq khi mail miltsaq teivq-a nail
Heeqphaq Miqyail jaol nail nee taivq-ail
dov lee nail ngaol.
3Aivq neq, naoq nail aqkhil bhai
maq bhi naoq gaoq lavq-ail.
Naoq bhai hel daiq phail nail gaq neq
teevq thal-iq maq iq thaiq kov-ail.
4Ilsaqleiqlav nail jeq-e jaq-a bhai
hel daiq phail nail gaq neq
teevq thal-iq iq thaiq nul khi
iq thaiq kov nail maq bhao-ail.
5Heeqphaq Miqyail neq
naoq bhai hel daiq phail lavq nail ngaol.
Aivq neq, naoq nail aqjail bhai jaol khi
naoq bhai uv thaiq nail aq haiq pevq nail ngaol.
6N gaol phao nl ma-i mail maqkhaiq
nqkiv phao bha la-i mail maqkhaiq
naoq bhai khul maq khi lal nia-ail.
7Heeqphaq Miqyail neq
haqeiv nail phaq iqsanl nee mail
naoq bhai hel daiq phail lavq khi
aqdoevq bhi doevq lavq nail ngaol.
8Heeqphaq Miqyail neq
yaq n n-gaol nee daq-n khi
nqmaq maqluv halyeel
naol ya-ail ya lal nail gailkhaol bhai
hel daiq phail lavq nail ngaol.
Currently Selected:
Tsiqeeq 121: aeu
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
