Zabur 67
67
Sajjahén kawm tará satá kanátant
Pa sázger o washáwázáni sálárá. Pa simmi sázán. Zaburé. Sawté.
1Hodá may sará mehrabán bát, márá barkat bedayát o
wati démá pa má drapshán kanát, ósht...,
2tánke tai ráh jaháná zánag bebit o
tai dátagén rakkénag sajjahén kawmáni nyámá.
3Oo Hodá! Kawm tará satá kanátant,
sajjahén kawm tará satá kanátant.
4Kawm shádehi kanátant o shádmániay gwánká bejanátant,
chiá ke taw kawmáni sará pa ensáp dádrasia kanay o
jahánay kawmáni rahshóna bay. Ósht...
5Oo Hodá! Kawm tará satá kanátant,
sajjahén kawm tará satá kanátant.
6Zeminá wati bar o samar dátag,
Hodá, may Hodá, márá barkat bedayát.
7Hodá márá barkat bedayát
tánke zeminay chár kondh áiay mazaniá sharap bedayant.
Currently Selected:
Zabur 67: HPKB
Highlight
Share
Compare
Copy
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
