Zabur 61
61
Maná dém pa talárá bar
Pa sázger o washáwázáni sálárá. Gón simi sázán. Dáuday Zabur.
1Oo Hodá! Mani peryátá beshkon o
mani dwáyá gósh dár.
2Tará cha zeminay godhsará gwánka janán,
wahdé delona drahit.
Maná dém pa taláréá bar ke cha man borzter ent.
3Chiá ke taw mani panáhgáh butagay o
dozhmenáni démá mohrén borjé.
4Bell ke tai tambuá tán abad bemánán o
tai bánzoláni sáhegá panáh bezurán. Ósht...
5Chiá ke taw, oo Hodá, mani dátagén kawl eshkotagant o
wati námay torsetagénáni miráset maná bakshátag.
6Bádsháhay omray róchán báz kan o
áiay sálán, tán sajjahén naslán.
7Hodáay bárgáhá tán abad sháhi tahtá benendát,
wati mehr o wapádáriá áiay negahpán kan.
8Nun tai námá modám názénán o
wati kawlán har róch puraha kanán.
Currently Selected:
Zabur 61: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
