Zabur 60
60
Dozhmenáni démá márá madat kan
Pa sázger o washáwázáni sálárá. “Susanay” tarzay sará. Gwáhié. Pa tálimá Dáuday shayr, hamá wahdá ke Dáudá gón Naharaymay Árámián o Sóbahay Árámián jang kort o hamá wahdá ke Yuáb per tarret o Wáday dashtá cha Edumián dwázdah hazár mardomi kosht.
1Oo Hodá! Taw márá yalah kortag o may sangar próshtagant,
hezhmnák butagay, bale nun gón má wasshán bay.
2Zeminet jombéntag o tal dátag,
taláni beger ke larzagá ent.
3Wati kawmet gránén jáwarán perréntag,
márá madhósh kanókén sharábet wáréntag.
4Bale angat bayraket pa Hodátorsán borzád kortag
tánke yakjáh bebant o cha dozhmenay kamáná berakkant. Ósht...
5Gón wati rástén dastá berakkén o passaw beday
tán hamá ke tará dóst ant berakkant.
6Hodáyá cha wati pákiá habar kort:
“Shekémá gón shádehi bahra kanán o
Sukkótay daragá kesása kanán.
7Galyád manig ent o Manassi mani,
Epráim mani jangi koláh ent,
Yahudá bádsháhiay asá o
8Muáb mani dasshódi trasht,
Edumay sará wati swásá chagala dayán#60:8 Swás chagal dayagay máná gerag o wati kanag ent. o
Pilistiahay sará wati péróziay gwánká janán.”#60:8 Band 6 tán 8 á bázén jágah o mardománi náma kayt.
9Kay maná choshén shahréá kárit ke sangarband ent?
Kay maná dém pa Edumá rahshóna bit?
10Oo Hodá! Taw márá yalah dátag.
Oo Hodá! Padá may lashkaráni hamráha nabay.
11Dozhmenáni démá márá madat kan,
chiá ke ensánay madat békár o náhudag ent.
12Gón Hodáyá sóbéna bén,
hamá ent ke may dozhmenán pádmála kant.
Currently Selected:
Zabur 60: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
