Zabur 146
146
Hodáwand bandigán ázáta kant
1 Hodáwandá benázénét, Halléluyá.
Oo mani arwáh! Hodáwandá benázén.
2Tán zendag án Hodáwandá satá kanán
tánke hastán wati Hodáyá názénán.
3Shahzádagáni sará tawkal makanét,
mardománi sará, ke rakkénta nakanant.
4Arwáhesh ke dara kayt, zeminá pera tarrant o
hamá róchá áyáni sajjahén shawr o hayál gár o zawála bant.
5Bahtáwar hamá ent Ákubay Hodá áiay komakk ent,
hamá ke ométi wati Hodáwandén Hodáay sará ent,
6hamáiay sará ke zemin o ásmánay jórh kanók ent o
daryá o har ché ke daryáyá hast,
hamáiay sará ke tán abad wapádár ent,
7zolm distagénáni dadrasiá kant o
shodigán waráka dant.
Hodáwand bandigán ázáta kant,
8Hodáwand kóráni chammán pacha kant,
Hodáwand hamáyán chesta kant ke lagatmál ant,
Hodáwand pahrézkárán dósta dárit,
9Hodáwand darámadáni negahpániá kant o
chóraw o janózámáni hayálá dárit,
bale badkáráni ráhá chapp o chótha kant.
10Hodáwand tán abad bádsháhia kant,
tai Hodá, oo Sahyun, nasláni nasl.
Hodáwandá benázénét, Halléluyá.
Currently Selected:
Zabur 146: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
