Zabur 114
114
Wahdé Esráil cha Mesrá dar átk...
1Wahdé Esráil cha Mesrá dar átk,
Ákubay hándán, cha darámadén zobánéay mardománi nyámá,
2Yahudá Hodáay gechén kortagén o
Esráil áiay bádsháhi but.
3Daryáyá dist o tatk,
Ordonay kawr, poshtá kenzet.
4Kóh chó gwarándhá setth janán butant o
jomp chó gwaragá.
5Oo daryá! Ché but ke taw tatkay?
Oo Ordon! Ché but ke taw poshtá kenzetay?
6Oo kóhán! Ché but ke shomá chó gwarándhá setth jat,
shomá chó gwaragá, oo jompán?
7Belarz, oo zemin!
Hodáwanday bárgáhá,
Ákubay Hodáay bárgáhá.
8Áiá talár gwarm kortant, cha ápá porr,
mohrén seng ápay chammag.
Currently Selected:
Zabur 114: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
