Zabur 110
110
Mani rástén némagá benend
Dáuday Zabur.
1É Hodáwanday paygám ent pa mani Hodáwandá:
“Mani rástén némagá benend
tán hamá wahdá ke tai dozhmenán
tai pádáni chéray padag o chárchóbahé bekanán.”
2Hodáwand cha Sahyuná tai zóráwarén asáyá shahára dant o gwashit:
“Wati dozhmenáni nyámá hákemi kan.”
3Á róchá ke taw wati lashkará moccha kanay,
tai mardom pa shawké góna bant.
Gón pákiay shán o zébáiá
tai warná tai gwará káyant,
chó ke nód#110:3 Nód, bezan shapnamb. cha bámgwáhay bátená.
4Hodáwandá sawgend wártag o
pashómana nabit, ke:
“Taw tán abad dini péshwáé ay,
Malkisedikay#110:4 Malkisedik, Ebráhémay zamánagá bádsháh o dini péshwáé at. hesábá.”
5Hodáwand tai rástén dastá ent,
wati gazabay róchá bádsháhána droshit.
6Kawmán sezá dant,
zeminá cha láshá porra kant o
sajjahén zeminay hákemána droshit.
7Ráhá, cha kawréá ápa wárt o
sóbéna o sarbolanda bit.
Currently Selected:
Zabur 110: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
