Zabur 106
106
Hodáwanday shográ begerét ke nék ent
1 Hodáwandá benázénét, Halléluyá.
Hodáwanday shográ begerét ke nék ent o
mehri abadmán.
2Kay Hodáwanday porwákén káráni tawsip o
áiay tamánén satá o sanáyá korta kant?
3Bahtáwar ant hamá ke adlá barjáh dárant,
hamá ke modám ensápay sará kára kanant.
4Oo Hodáwand! Hamá wahdá ke wati mardománi sará rahma kanay, maná mashamósh.
Mani kerrá byá o maná berakkén
5ke tai gechén kortagénáni washbahtiá begendán,
ke tai kawmay shádmániá hawár bebán o
tai mahlukay hamráhiá pahr bekanán.
6Má gonáh kortag, may petán ham,
má radén ráhé zortag o badkári kortag.
7Á wahdá ke may pet o pirok Mesrá atant,
tai hayrán kanókén káráni némagá delgóshesh nakort o
tai sajjahén mehrabániesh shamoshtant,
daryáay kerrá sarkasshiesh kort, Sohrzeray kerrá.
8Bale Hodáwandá pa wati námaygi rakkéntant,
tánke wati zór o wáká záher bekant.
9Áiá Sohrzer neherr dát o zer hoshk but,
cha johlánkián anchosh gwázéntanti ke purah gyábáné.
10Cha badwáháni dastá rakként o
cha dozhmenáni dastá móketanti.
11Ápá, áyáni dozhmen póshént,
cha áyán yakké ham pasht nakapt.
12Nun Hodáwanday labzay sará báwaresh kort o
áiay satá o sanáesh kort.
13Bale zutt béhayál butant ke áiá ché kortagat o
pa áiay shawr o saláhá wadáresh nakort.
14Gyábáná wati hawá o hawasáni randgir butant o
hoshkáwagán#106:14 Hoshkáwag, hoshk o béápén zemin ke ódá heccha narodit. Hodáesh chakkáset.
15Gorhá harché ke lóthetesh, Hodáyá dátant,
bale áyáni jáná warókén nádráhié ham dáti.
16Ordgáhá#106:16 Ordgáh hamá jágah ent ke mardom pa kasánén wahdéá gedána bandant o nendant., Mussáay sará hasaddesh kort o
Hárunay sará ham, ke Hodáwanday palgártagén dini péshwá at.
17Gorhá zeminá dap pach kort o Dátán#106:17 Dátán cha á mardomán yakké at ke gyábáná Mussái namannet. éri bort o
Abirámay thóli#106:17 Abirámay thóli rombé at ke gyábáná Mussáesh namannet. bári dát.
18Áyáni thóliá ásé mán kapt o
bránzán badkár sótkant.
19Sináay kóhá#106:19 Asligén Ebráni syáhaga gwashit: “Hórébay kóhá”. Hórébay kóh, Sináay kóhay domi nám ent. gwaské jórhesh kort o
ásá táptagén teláhén botesh parastesh kort.
20Wati mazanshánén Hodáay badalá
káhwárén jalabén gókéay#106:20 Jalabén gók, bezán warnáén narén góké ke pa kárá rám kanag nabutag. botesh zort.
21Wati rakkénókén Hodáesh shamosht,
hamá ke Mesrá mazanén kári kortagat.
22Hámay sardhagárá hayrán kanókén o
Sohrzeray kerrá bákamálén kári kortagat.
23Gorhá Hodáyá gwasht: “Gár o gomsáresha kanán.”
Bale áiay gechén kortagén Mussá nyámá kapt o
pa áyáni tabáh kanagá Hodáay gazabi dásht.
24Á delkasshén molkay arzesh o kadresh nazánt,
áiay kawlay sará báwaresh néstat.
25Wati gedánáni tahá norondhetesh o
Hodáwanday habaresh nazort.
26Gorhá dasti chest kort o sawgendi wárt
ke gyábáná tabáhesha kanán o
27chokk o nomásagánesh darkawmáni nyámá gár o gomsára kanán o
sajjahén molkán sheng o shángesha kanán.
28Áyán watárá gón Bahal Péórá#106:28 Bahal Péór boté at ke Péór námén jágahéá parastesh kanaga but. jog#106:28 Jog dáré ke pa zeminay shóm kanagá do gókay gardená bandanti. kort o
pa mordagán kortagén korbánigesh wártant.
29Gón wati badkárián
Hodáwandesh zahr baráént,
hawp o wabáé saráesh kapt.
30Bale Pinihás#106:30 Pinihás mardoméay nám ent. nyámá óshtát o dwái kort o
wabá dárag but.
31É pa áiá páki o palgárié hesáb árag but
nasláni nasl, tán abad.
32Maribáay ápáni kerrá
Hodáwandesh hezhm geráént o
áyáni sawabá Mussá janjálá kapt,
33chéá ke Mussáesh delsyáh kort o
cha áiay dapá sobakkén habaré dar átk.
34Kawmesh á paymá tabáh nakortant ke
Hodáwandá parmán dátagatant.
35Nun gón kawmán hór o tór but o
hamáyáni rasm o dódesh zortant.
36Hamáyáni botesh sojdaha kortant o
é bot pa áyán dámé butant.
37Wati bachakk o jenekkesh
pa déhán korbániga kortant.
38Bégonáhén hónesha rétk
wati bachakk o jenekkáni hón,
ke pa Kanhánay botán korbánigesha kortant o
zemin cha esháni hóná áludag but.
39Gón wati kárán watá nápák o
gón wati kerdán watá syahkáresha kort.
40Paméshká, Hodáwand wati kawmay sará zahr gept,
deli cha wati mirásá bad but.
41Darkawmáni dastá dátanti o
badwáhán áyáni sará hákemi kort.
42Dozhmenán áyáni sará zolm kort o
wati chérdast kortant.
43Hodáwandá báz bará ázát kortant
bale wati shawr o hayáláni tahá sarkasshiesh kort o
gonáháni tahá bokketant.
44Bale wahdé ke áyáni peryáti eshkot,
disti ke chón paréshán ant,
45gón áyán wati ahd o karári yát kort o
cha wati bázén mehrá, cha áyáni badián sar gwast.
46Áyáni sajjahén bandig kanókáni delá
pa áyán rahmi pédá kort.
47Oo Hodáwand, may Hodá! Márá berakkén,
márá cha darkawmáni nyámá chen o yakjáh kan
ke tai pákén námay shográ begerén o
pa tai satáyá pahr bekanén.
48Hodáwandá satá o saná bát, Esráilay Hodáyá,
abad tán abad.
Sajjahén mardom begwashátant: “Anchosh bát. Ámin.”
Hodáwandá benázénét, Halléluyá.
Currently Selected:
Zabur 106: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
