Piiligu 45

Yisifu naag o maŋŋa wusi o beya

1A jemani maa, Yisifu bi lee n tee n mari o maŋŋa yi o nachiinsi maa saani, ka chaari kpeeŋutiri yeli ba, “So zaag o yi m saani.” A zu, nira zaa daa n lee n ka Yisifu saani, jemanso o naag o maŋŋa wusi o mabiisi maa. 2Ka chaari kpeeŋutiri, haali Yijipiti dima wumi, ka Yijipiti naaba laanta dima wumi o baaru. 3Yisifu yeli o mabiisi maa, “Mani n niŋi Yisifu! M ba na ba o nyevuri niŋi?” Ama o mabiisi maa daa n bi tee ba sagi, a kpali bo, dabeem daa n gbaa ba ni.

4Yisifu yeli o mabiisi maa, “Ya vuu n ta m saani.” Ba n niŋi lala, o yeli ba, mani n niŋi ya sunzo Yisifu, so ya n koosi n ti Yijipiti dima la. 5Ama pimparaŋa, ya da ti ya sufusi saami, koo, a yeli maa ya bi niŋi nene, ya n koosi ma kpe ŋa. A kpali, ya nyevuya moligirisim zu n na, Naawunni ti ma pa ya yii ta kpe. 6Yuma ayi n na la, kom n ba tiŋgbaŋaa niŋi, ka yuma anu seesi n che, koobu ki ba niŋi, cheebu gba ki ba niŋi. 7Naawunni mari ma ni pa ya yii ta, m ti nye bunso zaali ya tiŋgbaŋaa niŋi, a moligi ya ni ya nyaaŋa dima, ya nye moligirisim tintaa. 8“Ama, pa yarima n mari ma ta kpe, wune Naawunni n daa n naa ma loobi Yijipiti naaba feretira, a ni o laanta zaa kpeema, ka nyaasira Yijipiti paaligu zaa. 9Pimparaŋa, ya pori yomyom gaari m ba saani, wa ti yeli u, ‘N ŋa n na, e bii Yisifu yeli. Naawunni naa ma ni loobi yidaana, a yi Yijipiti zaa. Ta m saani, ka da nagimi. 10Ya ti zi Goosin paaligu, a leeli ma, ya ni ya biisi, ya yaŋsi, peeri, naagi, a ni bunso zaa ya n mari. 11M ni tira ya bindira nisaaniŋi, a kpali, yuma anu gba kom na ba niŋi. Ka pa lala, ya ni ya laanta zaa ni ya bunso zaa ni kpini kom.’”

12Yisifu lee n yeli, “Ya gbagba nyeya, lala n niŋi m sunzo Benjamin gba, a maa o niŋini yamonsi, ni mani so n togsira ya saani n niŋi Yisifu. 13Ya yeli m ba, m yela, jilimaso ni mari yi Yijipiti paaligu, a ni yaso zaa ya n nye. Ka ya mari m ba ta kpe yomyom.”

14Niŋi n na, o naag o nuusi ŋaami o sunzo Benjamin, ka kumi, Benjamin gba ŋaami u, ka kumina. 15Ka mugisira o mabiisi maa, ka kumina. A nyaaŋa, o ni ba togsi taaba saani.

16Niŋi n na, baaru maa paa naaba maa yiri, maa Yisifu mabiisi tani. A daa n peri naaba maa ni o kpemba zaa. 17O yeli Yisifu, “Yeli e mabiisi maa, ‘Ya niŋi n ŋa, ya naa ya bindira le n pa ya buŋsi niŋi, a pori n gaa Keenan paaligu, 18a wa ti mari ya ba ni ya pogiba ni ya biisi pori n ta m saani. M ni ti ya tiŋgbanmaŋa yi Yijipiti, ya di o tono ni meesim.’ 19Ka e lee n yeli ba, ‘Ya niŋi n ŋa, ya naa turukusi yi Yijipiti, wa ti naa ya biisi, pogiba, a ni ya ba ta. 20Ya da ti ya bini yela tiri ya, tiŋgbaŋaa binsuma zaa ni niŋi ya toori.’”

21Lala jemani maa, Yakubu biisi niŋi seema ba n yeli ba maa. Yisifu gba naa turukusi ti ba, a maa seema naaba maa n yeli la, ka lee n ti ba soori puu bindira. 22O ti ba so zaa bimpinna luŋkoluŋko, ama Benjamin wune, o ti u gbitisi kobsita, a ni bimpinna tulumbunu zu. 23Binseesi o n naa ti ba wa ti ti o ba n ŋa, buŋsi pii zi Yijipiti bimmansi, ka naa chi ni paanusi ziili buŋnyaana piiya, a ni o ba soori puu bindira.

24Niŋi n na, o beeli o mabiisi maa soori. Ba n wara maa, o yeli ba, “Ya wara, ka da zabira.”

25Lala jemani, ba yi Yijipiti ta ba ba Yakubu saani yi Keenan paaligu. 26Ba yeli u, “Yisifu na ba niŋi! Wune n niŋi Yijipiti paaligu zaa nyaasira.” Yakubu fere jebi u, o bi yeride ba. 27Ama, jemanso ba n yeli u bunso zaa Yisifu n yeli ba, ka o lee n nye Yisifu n naa turukusi ti ba ti mari u pori n gaari, ba ba Yakubu sii pori n ta. 28Niŋi n na, Yakubu yeli, “M wumi o gbinni, m bii Yisifu na ba niŋi. M ni wa ti nye u, poin ka kpi.”

Currently Selected:

Piiligu 45: hag

Highlight

Copy

Compare