Piiligu 46

Yakubu gaa Yijipiti paaligu

1A zu, Yakubu nyisigi n naa o bunso zaa o n mari, a wara. O n wa ti paa Beesiiba, o nyisi sariga ti Naawunni, so o ba Yisaaka n daa n tumina la.

2O yiiŋu, Naawunni togsi Yakubu saani yi zaasim niŋi, a booli, “Yakubu, Yakubu.” O sagi, “Mani n ŋa.” 3O yeli u, “Mani n niŋi Naawunni, so e ba n daa n tumina. Da zora dabeem, a yi Yijipiti weebu. M ni loobi i balitintaa nisaaniŋi. 4M ni paag i gaa Yijipiti, ka lee n mari e yaŋsi pori n ta paaligaa. Yisifu nuusi niŋi n na e ni kpi.”

5Niŋi n na, Yakubu yi Beesiiba. O biisi naa ba ba Yakubu, a ni ba biisi, ba pogiba, a niŋi turukuseesi naaba maa n naa ti, ba naa n mari ba ta la. 6Ba naa ba buŋkobiri ni ba kapeteseesi zaa ba n nye, a yi Keenan paaligu puwa. Yakubu ni o biisi zaa gaari Yijipiti. 7O mari o biisi ni o yaŋsi zaa nyem gaari.

8-25blank

26Niseesi n daa pa Yakubu zu gaa Yijipiti, seesi n niŋi o biisi ni yaŋsi, ba pisiyoobu ni bayoobu. O biisi pogiba bi paasi. 27Yisifu daa n dogini biduusi bayi yi Yijipiti, a naa n ti paasi Yakubu biisi niŋi, ba loobi pisiyapoin.

Yakubu ni o laanta dima ba Yijipiti paaligu

28Yakubu tumi Juuda, o pa u yii gaa Yisifu saani, a wa ti yeli u, o ti wusi ma Goosin soori. Ba n paa Goosin paaligu, 29Yisifu niŋi o turuku seriya, a gaa Goosin wa ti paag o ba Yakubu. O n wa ti paag u, o naag o nuusi wa ti che n vili o ba nuŋgori, ka kumi jemanwogili.

30Yakubu yeli Yisifu, “Pimparaŋa m niŋi siriya m kpi, seema m gbagba n si n nye i, ka baŋŋi maa e na ba nyevuri puwa.”

31Niŋi n na, Yisifu yeli o mabiisi maa ni o ba laanta zaa, “M ni gaa naaba maa saani wa ti yeli u, ‘M mabiisi ni m ba ni o laanta zaa, seesi n daa n ba Keenan paaligu la ta m saani. 32Dabsi maa niŋini pekpagiriba, ba guunini buŋkobiri. Ba marini ba peeri ni buŋkobiseesi ni bunso zaa ba n mari ta.’ 33Ka naaba maa booli ya boosi, ‘Bo tuma n na ya tumina?’ 34Ya yeli u, ‘E gurunsi guunini buŋkobiri ti bibiilim niŋi zaa, seema ti ba dima n niŋina.’ Lala wune, o ni sagi ya zi Goosin paaligu, a kpali peeri kpagirisim niŋini tumdagiri ti Yijipiti dima zu.”

Currently Selected:

Piiligu 46: hag

Highlight

Copy

Compare