زَبور 56
56
هُدائے سرا تئوکلَ کنان
په سازگر و وشآوازانی سالارا. ”بێتئوار و دوردستێن کپۆتئے“ تَرزئے سرا. داوودئے شئیر، هما وهدا که پیلیستیان داوود گَتئے شهرا دزگیر کرت.
1او هُدا! منی سرا رهم کن،
که دژمن سکّ منی رندا اَنت،
سجّهێن رۆچا، منی سرا اُرُشَ کننت.
2سجّهێن رۆچا، دژمن منا لگتمالَ کننت،
چیا که بازێنے په کِبر منی سرا اُرُشَ کنت.
3وهدے منا تُرسیت
تئیی سرا تئوکَلَ کنان.
4هُدائے سرا، که آییئے هبرا ستا کنان،
هُدائے سرا تئوکَلَ کنان و نترسان،
هاکیێن انسان منا چے کرتَ کنت؟
5سجّهێن رۆچا، منی هبران تابَ دئینت و
سجّهێن هنرِش په منی آزار دئیگا اِنت.
6پندلَ سازنت و کمینَ کننت،
منی گامانَ چارنت و
منی کُشگئے رندا اَنت.
7گۆن اے سجّهێن بدیان رکّتَ کننت؟
او هُدا! وتی هِژمئے تها کئومان سرشکون کن.
8تئو منی دَرپَدَریئے هسابانَ دارئے،
منی اَرسان وتی اَرسدانا بکن،
اے تئیی کتاب و دپتران نبشته نهاَنت؟
9گڑا آ وهدا که ترا گوانکَ جنان
دژمن پدَ کِنزنت.
اِشیا زانان که هُدا گۆن من اِنت.
10هما هُدا که آییئے هبرا ستا کنان،
هئو، هما هُداوند که آییئے هبرا ستا کنان،
11هما هُدائے سرا تئوکلَ کنان و نتُرسان.
انسان منا چے کرتَ کنت؟
12او هُدا! باید اِنت گۆن تئو وتی کرتگێن کئولان پوره بکنان،
په تئو شُگرگزاریئے کُربانیگان پێشَ کنان.
13چیا که تئو، او هُدا، منا چه مرکا رَکّێنئے و
منی پادان چه لَکُشَگا دارئے،
که زِندئے رُژنا تئیی بارگاها گام بجنان.
Currently Selected:
زَبور 56: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
