زَبور 29
29
هُداوندئے تئوار زۆرمند اِنت
داوودئے زَبور.
1او آسمانیان! هُداوندا ستا کنێت،
هُداوندئے شان و کدرتا ستا کنێت.
2هُداوندئے نامئے شان و شئوکتا ستا کنێت،
هُداوندا مان آییئے پاک و پَلگارێن دْرَپشناکیا ستا کنێت.
3هُداوندئے تئوار آپانی سربُرا اِنت،
شان و شئوکتئے هُدا گْرندیت،
هُداوند پُرزۆرێن آپانی سربُرا گْرندیت.
4هُداوندئے تئوار زۆرمند اِنت،
هُداوندئے تئوار دْرپشناک اِنت.
5هُداوندئے تئوار گَزّانَ پرۆشیت،
هُداوند لُبْنانئے گَزّانَ پرۆشیت.
6آ لُبْنانا گوَسکێئے#29:6 گوَسک، بزان گۆلۆ، گۆکئے چُکّ. پئیما جاهَ سرّێنیت،
سیریونا#29:6 سیریون، هِرمۆنئے کۆهئے دگه نامے. جَلَبێن گۆکێئے#29:6 جَلَبێن گۆک، بزان ورناێن نرێن گۆکے که په کارا رام کنگ نبوتگ. پئیما.
7هُداوندئے تئوار گْرند و گْرۆکێن آچش رئوانَ کنت.
8هُداوندئے تئوار گیابانا لرزێنیت،
هُداوند کادِشئے گیابانا لرزێنیت.
9هُداوندئے تئوار آپُسێن آسکانَ گێجێنیت#29:9 یا: هُداوندئے تئوار مزنێن درچکانَ تُرّێنیت. و
جنگلا بے لمب و تاکَ کنت.
آییئے پرستشگاها سجّهێن گوانکَ جننت: ”شئوکت و شان!“
10هُداوند هار و توپّانئے سربرا، وتی تهتئے سرا نِشتگ،
هُداوند تان اَبد وتی بادشاهی تهتئے سرا نِشتگ.
11هُداوند وتی کئوما واک و کدرت ببَکشات،
هُداوند وتی کئوما گۆن سُهل و اێمنی برکت بدئیات.
Currently Selected:
زَبور 29: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
